Тексты
Вернуться к списку | редактировать | удалить | Создать новый | Статистика | ? Помощь
Nina Zaiceva. Laukas
Nina Zaiceva
Laukas
вепсский
Младописьменный вепсский
Bobulaukas sures
Lizoi - meiden muru -
Mamad kädes vedab :
- Ostta min , mä tedan !
Laukas äi om bobuid ,
Lizoin meles - kobu :
Valita kut mahtta ,
Mitte vahvemb taht om ?
Kädel koskeb Lizoi ,
Minun sizar izo ,
Kondjašt , tätüšt čomad ,
Ned jo kodiš - oma !
Sil'mhe putui jänoi ,
Sirič Lizoi mäneb ,
Äkkid bobuid toižid
Nägištada voiži .
Korvakaz se jänoi
Melespäi ei mäne ,
Lizoi el' genz' vigan -
Tägaz jokseb rigol .
Jänoi - paremb
kaikid !
Lizoin päle vaikti
Paličalpäi kacub ,
Kucta se ei raci .
Jänoin pit'käd korvad
Jänoin jaugad
sorvad ...
Valičend om sel' ged ,
Jänoi - lujas mel'he ,
Lizoi väta mahtab ,
Jänoinke hö kahten
Vätas kaiken ehtan ,
Magata ei kehtkoi .
Vaiše väzund tuleb ,
Lizoin änüt sulab ...
Unen valdas Lizoi ,
Minun sizar izo ...
Laukas
вепсский
Младописьменный вепсский
-