Тексты
Вернуться к списку | редактировать | удалить | Создать новый | История изменений | Статистика | ? Помощь
Kut endo skopun tegüudihe
Kut endo skopun tegüudihe
вепсский
Средневепсский восточный
Muštan
döočkkark olin’ ka .
Kolot’t’as skophu kaikid’ susedoid’ ühten der’uunan .
Siloi kaik elotihe üksin’ ka .
Korondon kädoho ottas .
Tämbäi sinun očered’ om kolot’t’a .
Skophu kolotid’ : «Mängät skophu Saškhu !».
Sašk oli staruh mijau , leskiak , kaiken hänos skop’uudihe .
No , skopus , mida siloi ?
Vlastid’ ii lenu ningimid’ hüvid’ , tol’ko ičezo susedad ka .
Norau märitas man , äjak sinaiž om gedakoid’ , sömhä , näged , liibad .
Kümnen mest om ka anttas siniiž kümnen aršinad , a siičmen om ka siičmen aršinad anttas .
Gägetihe ninga man , norau märitihe , vištoštküme aršinad nor oloskel’ .
Man märitas , nitud märitas , kaik ninga .
Potom märitas aidan .Naku nece sijaine aid püudos tehta siniiž , a naku nece tehta miniin’ , a naku nece tehta hänolo .A nece gö naku tehtud kons-se aid om ka , laske kelle-ni vüu-ki .
I zapol’kad ningažo gägetihe .
Sudäin’sorüunau nakkau om zapol’kaine miiden (regi hiinad linneb ); nece sinun , laske , nakkalaine-se miiden , a sinna möst-se Kujanpustau om ka laske nece hänon .
Parembile elajile ka anttas enamhan , a ken voib vüuki laptas rata da ičelozo puhtastada , sohringon priberd’as , ičelozoi valitas dai puhtastadas-ki .
No , skopus möstona necen kaiken opsuždaidas , kelle kus da i sarikoine se-ki puhtastada .
Kogod gürime kätas , kätas , kasartas kasril’ ningimil’ , kogod pandas .Neno kogod kuidas , uduu voduu puuttas i necen nituižen nitaškapki nece ižand , kudamb puhtastap ka .
Äjan puhtastet’he da edahan pahoin’ puhtastadihe .
Ühtüu mužikau oli siičmen poigad , nu da vüu tütrid’ oli , kaikid’-se hänuu ühtcan vai kümnen oli last .
A nece leskiak , kudambas kaiken-se skopun tegüudihe , hänlo oliseki kumuška , ristimpoig oli kudamb-se vüu hänon .
Märitihe man .
Vet’ ühtelozo ka anttihe hüvän püudoižen da i man-se kuti hüvän , artelile ka erason anttihe hondombahkon püudon , hänolo äi mad tuli ka .
No , nece uk rändüi da čelijan aršinan pidust’ püudos ot’ nečuu (leskiakadme sireti ozaižihe püud-se ), nu ka hänon mad ičelozo .
Nu da hö sporiškatihe , da nece uk-se , mužik-se ot’ da necen leskiakan lüi .
Ani lüi todoks čakhasai .
Nu , ken zastupib ?Niken .
Kirgit’ miččelo-se starostalo , a skopus möst gö hänt raukad nagretihe da ningištme i gäiki , abidome .
Naku kut oli enččile leskiakoile elo .
Void’ lehman pidada ka hüvä .Void' rata vägi äjak otab , ka ed voi ka ištud i muga .
A neno ratas da elotas da ningimid’ vüu leskiakaižid’ radolo ottas , üksiš liibiš radatoittas .
Pol’ kezad radad kun aigad hiinantegon , potom hän andab siniiž pästes hebod , ed zarabotai ka i andaki ii .
Kortomd'a tariž .Näged mitte oli leskiakoile elo .
Kortoman anttas nakkau , možet hän tütärtme kahton mänob , da hiinantegos-se radab kuume da nel’ nedalid’ , a ičezo hiinäine-se pammata .
Mänob , da möst gö ičelozo panaudab , äjäk hänou sigau ugodašt’ om , da möst rahnmaha ningimile bahatįle mänob nece leskiak , možet tütärtme kahton , a možet vüu kenni om podrostkaine .
Sötloso sügüžen da möst rahnob , tapab .Ičezo-se kaik gö tariž üižüu statg’au rata , ičezo radoine-se .
Ii konz uunu velakoihe väta , iloižid’ tvordä , hahon’kid’ .
Muštan mina necen , pahoin’ muštan , minain’ ičiin’ mamain’ ninga eli ka .
Raukaine süu kol’ki .
Siičmen nedalid’ hän tifus läžui .Siloi läžuudihe , pahoin’ oli säkiid’ läžundoid’ ka .
Potom hän vähäižuu g’augoile-se libui da mäni nitmaha .Da hän kaks’ päivad ühtheižuu niuu , ühthiine ka tariž pidüudakse , a hänou vägi-se väl’l’ , da hänou ičezo tuliki .
A miid’ laps’karkuid’ oli kuume döockkarkušt’ .
Näd , sizar vanhamb mindain’ voduduu , toine mina , kuumanz’ möst gö voduu norembahk mindain’ .
Ani tämbäi muštan , hüvin’ modod en mušta mamalain’ , а istorijan ka necen muštan .Tuli mama nitmaspäi , lehmaižen lüps’ , miile söda maidod kandaškanz’ , da naku nenihe veraihe langez’ki .
Hänou ičezo-se kosket’ , staučaižen-ki murenz’ maidome .
Nu i hän ningitte möst gö homen nuuz’ i möst mäni radolo .
Potom hänt gö kosketološkan’z’ paksumba .Hän gö vodon eli mijau väheižeta niššatan .Tariž miid’ sötta , mad mijau vähä , üks’ lehmaine , lambhaine oli vodnhaižime da , hobošt-se ičemoi ii lenu , ka nece Maksim-detko-se hebon-se andoi , ühtos kaik ratihe ka .
Ningimile bahatįle kanzakahile raukaine sügüzen-se püast radab , taufhen-se hän kezordab , kevadon möst gö kudob , päivitadas , ka hän möst sobad omblob , kad’gid’ da paidid’ .
Da ningimau hän sposobau miid’ söt’ kuume tütärt .
Vanhambalo mama kol’ ka oli kümnen vot , minein’ ühtcan , a sille siičm’an kahtcan’z’ .
Ningimad mö penikäižed olim .
Ehtkoižuu panihez (kevaduu oli aprel’uu aig-se ), pagižepki : «Homen , lapsod , muštmiižed ka tataiž kaumaiželo käuškam ».
Mö homesuu nuuzim , a mö vokurat pakičemha kävelim , mida , maman väged kuti vähastam da ičtäzo rauk da .
Äjak anttihe .
Tariž mända vüu pakičemha .
Päiväine gö edahan , ülähän libunu , a mamam mijau uinoz’ vaiše , hänt kaiken ön katkoi .
Mö kahton kesken , a vanhambaine dädäs sigau elab gö , nece sizar Anna-se .
Mina : «Mam , midažo sina ed nuuzo-se ?».
Ii anda mam än’t .
Mänin’ läznäšti , kacauzin’ modho se , hän bokau sijau magadab pölusuu , ani uinonu .
Kacauzin’ ka püčuine šiškuine vahtod naku sus-se .
Mujauzin’ , ka käzi vilu , dai pä vilu dai mamaine mijau kuunu .Kaks’ miid’ ningišt’ gäiki .
Mužikad üuknan au keranuksod , lähtnudod vįgonkaha .
Onik-dädän da i kaik .
Mina voikume göksti Onik-dädännoks : «Onik-däd’ , mamam mijau kol’ ».
No , kopata tariž .
Nu gäl’ghe sida mö kaiken ninga kut putui raffas elim-ki .
Naku oli endo leskiakoile trudni elo .
Nügüt’ miile düudä om .
Elan mina naku gö dvatcat’ godou lesken ka miniin’ düud’a om elada , tol’ko mina trudnostid’ nägin’ voinan aigan , a gäl’ghe voinad mida minein’ : lapsed abutaškatihe .Da endo mina prapadniižin’ lapsideme ühthe kogoho .
Kut endo skopun tegüudihe
вепсский
Средневепсский восточный