Тексты
Вернуться к списку | редактировать | удалить | Создать новый | История изменений | Статистика | ? Помощь
Kut endo tegüudihe taukhun
Kut endo tegüudihe taukhun
вепсский
Средневепсский восточный
Semendoudihe
ningimad sured kanzad da bahatombad rahvaz ka äjän , sured zapol’kad .
Sügüz’ tulob , hö rahnda ii ehtkįi , a paukata , näged sina , skupad oma , paukata ka tariž äi paukad antta da hät’k vüu liibau sötta .
No , keratas döočkid , kümnen’ da mest keratas päivaks , pühänpäjän taukhun tehtas .
Homesuu hiid’ murgn’uu söttas , zapol’kale vedas i kaiken päivän rahnotoittas .
Raukad gö sihesai staraišois rahnda-se ka naku kaik gö näuktudas , söda-se tahtoidas .Erasuu gö sirp-ki kädos ii vända , a ižand dumaib : vįgadain’ , hät’kemba en söta .
A rahng’au lähtob toižhe bokha , rahnoi söda tahtoib , ka hänou ii rahnoind meles , sönd meles .
Nu muigištoudas modou gö , pajad hiittas sidä , a muga ka pajatadas rahndes artel’uu da veselišoi döočkad .
Long’uu gö söttas četire da tri časa , nece samį aigaliine longi tri časa , no a ehtha lähtob gö päiväine ka long’uu söttas .
Potom rahnotoittas gö ehtkošt ka ii näguška sirpid’ čokaita .Ningimaha pimedahasai döočkad neno rahndas .
Tuloba nečhe ižandaha mužikaha užinalo .
Užinoitas , sigau eras sötab hüvin’ , eräs sötab väl’l’au , hondošti , habi kuverznijau surustoitab , miččenijan grivennikan päivaks tačib , sitcovijan paikäižen ostab dai naku siniiž , gö päiv rahndut-ki , a hänolo tariž ičezo kanzau käuda nečile zapol’kalo čeli ku aigad .
Zavottihe stroidakse , rahvast paukata , ka tariž pauk hüvä antta , miše ii voikaižihezoiš .
Keratas taukhun , mužikoid’ da prihid’ .Keratas , mecha veb nece ižand .
Valitas sigau pardod .
Mijau igan-ki kaiken mecad om äi .Dai hüväd pardod , hongad .
Nügut’-ki nakkau kahcan da kümnen virstan tagapäi kuivid’ hongid’ vedotas .
Neno rahvaz pilitas päiväiči pertile čelijalo mecan .
Toižuu piihäpääu hö möst-k’o taukhun tehtas – vedada regil’ i potčumkoil’ nenod pardod .
Ajetas möst-g’o neno-že rahvaz , todas hiile .
No , sötoudihe kerdan homesuu , a toižen ehtkoižuu , kormanaha anttas kahnakon koriškon bude päivaks , ka nolaudad , a ii ankoi , ka slinad-se laindelod bude ii kuinu vuus’o slin sus ka .
Ninga hö pidetihe .
Mina iče kävelin’ vüu naku edoližuu aigau-se ka muštan vähäižen , ka oudihe vüu man’orad-no .
Potom hän otab stroimaha rahvast ningažo , kahcan mest hän otab päivaks .
Varastab pühänpään , tegeb taukhun .Muga vet’ gesli otta soumaha nel’ mest , nel’l’alo soumalo nu ka linneb hänlo kalliž da ubįtk tulob , a side pol’zuiše odv’ombau-se ka kebnemba sauvose da stroišeb .
Otab neniže rahvast , kahtolo strubalo hän zavodib , struban sauvob; ühted karzn’an saudas , a toižed saudas pertin’ .
Saudas ninga naku päivan čelijan mest kahcan .Hän möst gö hiid’ murgn’uu sötab , da kesked päivad hänlo huiged tegeso , miše ii sötta-se nikut .Kuverz’nijan surustoitab da užinau möst gö sötab da grivennikan tačib .
Hän kaks’ kerdad , kuume keradab ninga mužikoid’ , kacud pert’ g’o vaumiž .
Samaut’ nüt’kitas iče hö sigau , samlon vedab nece ižand , samaudamha kucub nel’ mest , l’ibo vižgäižen , kuz’g’aižen , päiväiči samautas necen pertin kaiken .
Eraz ristit om pahoin’ skup , sötta-ki ii rači , ka samautes pandas kivid’ samloiden allo , miše oliiž vilu pert’ .
Mijau-ki naku nečis pertiižes oma (kived ) ii ištte parz’ pardho da samaut’ ii kingita , sormed mülütas , naku hiita špalerad ka sormed mülütas , käzi mülüb , nu ka nece razve läm’-se linneb .
Nece skupad rahvaz ka ninga niile stroitihe , kudamb ii račnu pahoin’ sötta radnikoid’ , a kudamb rači sötta nu i rahvaz pandihe vägen hüvän , hüväu melüu kaik kut hiile tariž ka ninga i ratihe-ki hüväšti , samautihe plotnas , miše oliiž läm’ .
Nu pertin’ samautihe , katus katta .
Tösuid’ vestmaha ottas mest kuume da nel’ , kudamb tarkemba näd vöstab .
Norašt’me mustame vöstuudihe .Znaman znam’atas da tösud vösttas gorbušid’ .
Vöstta hotk om katus , tösuu katuudihe ka .
Kokoroid’ kaidas kuricoikš , gürikoid-ne .Išktas dai räusthan pandas pidustin’ i katuson kattas tösuu .
Nece pert’ g’o linneb vaumiž .
Nügute рäč panda .
Päč gesli panda , kezau naku nečuu aigau , ijun’uu , nečuu kuu läm’ aig oleskel’ .
Täuvoduu ningitte kuter’ma , kuti pakaine ka , ragištme , a siloi lämäd oudihe kevadod .
Savihaudad mijau naživaiše-ki nakkau .
Saved kaidas , makhaz ningitte savi-ki , a sidi-ki peskaine ningitte henoine , g’augoil’ pekstas , pekstas sigau mest kuume hot’ nel’ .
Küu kanz om sur’ ka hotkas peksab , hüvin’ .
Ningitte kova tegese savi-se , potom čapetas .
Ningimat stolad laditud laudoišpäi , tösuišpäi , nel’ da viž tösud pandud pit’kau pertin piččuu .
Püudos nece om mijau naku tanhoiden taga gomn’oil’ .
No , potom kirpic’oid’ čaptas .
Kirpic’an surtte ningitte formaine kuti , laudaižišpäi tehtut .
Nu , nened kirpic’ad šlibgutadas , üks’ saven täputap , kolotib ningimau kolotuškau , pal’l’au , katkau kataib , miše plot'ašti oliiž , kirpic’an sankte , a toine šlibgutab čapta , tol’ko maihutab čapta , kuumanz’ panob päčin’ sihežo , kus hän radab , i rohlašti panob; kahtuu kirpic’au pandas , kuum’uu kirpic’au pandas , näd kirpic’rädud-no , miše hän kuivaiž pahemba .
Päiväižuu kuivab .
A pälo pandas katusudon vihman täht’-se ülähäli ninga , i tehtas lämoin’ .
Ezmäi kuivatas , miše kirpic’ad ii haugetaiž .
Potom žaruu puuttas .
Nece gö kirpic’aine tegese ani keloine .
Mina muštan hüvin’ necen ka radon .
Kuivaine ningitte , kebn , vahv , hüvä , tegese kirpic’aine .
Potom neno kirpic’ad vedotas kodihe i päčin’ pandas-ki kirpic’oišpäi .
Päčnik panob päčin’ .
Hüvälo ižandalo da päčnik gesli tark putub , panda mahtab hüvin’ , ka panob päčin’ hüvän , a skupalo ristitulo ka prigutkoid’ vüu sanub , saun vüu tegeb , ka ii veda irdalo , a tuloškap sau pert’he-ki .
Naku Serg mijau panol’ päčid’ ka venäks prigudkan-se sanub .
Ištuso stolan taga , hän tämbäi päcin’ pani , homen homesuu tuli i möstki hänlo iile rümkad vinad valotut .
Endo vet’ sorokovušk oli vinad kalliž .
Sorokovušk osta vinad päčnikalo , ka hän panob siniiž päčin’ pahoin’ hüvän , a vet’ enččed oudihe skupat ka .
Gesli rümkad vinad toižuu homesuu hänole iile , hän sanup-ki ižandalo , stolan taga ištusoiš da : «Emagad-se ka hüväd , a ižandau ka nimida tuukud iile päs , iče hän sid’ , a por’atk pahoin’ hond , ii stoi nimida; emagoile tariž žar , a ižandalo tariž sau ».
Kaig’aidab sanuda , eraz ižand dogadib , min - täht hän necon sanui , a eraz emag dogadib .
Mändas da vinad osttas , longiš vinau göttas , no hän neno svodud naku tegeb ümbri güškiš da dušnikoiš hüvin’ siloi , a gesli vinad ii ostkoi , ii dogat’kei , panob kirpic’an poikhezo , miše nece kirpic’ tuukaidaiž saun pert’he .
Nu , toižuu päivau hän päčin’ vaumičob , kuume päiväd hän päčin’ pab üksnäzo , sina tol’ko savi peksa da anda voites .
Päčin’ vaumičob , potom vinad ii pangoi , siloi päčin’ lämhä panob , sau pert’he .«Nu , mida-ni tijau päčiš om , vigaižen-se voib lüuta da , kus-ni mina naku plošauzin’ da kuukičesop-ki ninga , – om plošitut , nu da hüvä om gö , en nügut’ ladi , lämbitagat , hüvä om ».
A ižand sigau ičezo radod smekaip-ki , laukha mäb da käub , sorokovuškan vinad ostab , päčnikalo necin götab .
Päčnik päliči kümnes minutas kirpic’an hiitab , sav’uu voidab , čostuišob , butto hän äjän radab , vin-se tariž zarabotaida , üks’ kirpic’ hiitta naku güškidennuu .
Necen kirpic'an hiitab , päčišpäi saun tarabaniškab irdalo , trubha , ka tol’ko davai .
Naku kut endo ratihe .No gö ninga i tariž oli skupįd’ opeta , mina-ki en navedi ningimid’ skuįpd’ ka pahoin’ .
Kut endo tegüudihe taukhun
вепсский
Средневепсский восточный
Как раньше устраивали толоку
русский
[