Тексты
Вернуться к списку | редактировать | удалить | Создать новый | Статистика | ? Помощь
Kuldaine kimaleh
Kuldaine kimaleh
карельский: ливвиковское наречие
Новописьменный ливвиковский
Eli
eräs inehmiine .Yöt dai päivät häi ruadoi , elätti da šuoritti kolmie tytärdy .Kazvettih tyttäret raviet , kui linduzet , da čomat kui kuudamoizet .Toine toizen peräh mendih miehele dai ajettih loitos muijal elämäh .
Meni aigua .Tyttärien muamo vanheni da voimatui .Työndi häi ruskien Oravaizen tyttärien luo viestii vedämäh .
— Sano heile , anna kiirehtettäs minun luo .
Avoi-voi , hengähtih vanhin tytär igävän viestin kuultuu .– Avoivoi ! Hyväs mieles lähtizin , ga nygöi minul pidäy pestä nämmä kaksi mal’l’ua .
Pestä kaksi mal’l’ua ? – suutui Oravaine .– Ga ole sit niilöinke kogo igä eruomattah !
Dai net mal’l’at hypättih stolalpäi lattiele dai tartuttih tyttäreh piälepäi dai alahanpäi .Pakui tytär lattiel dai kömpi iäres taloispäi suurennu čerepahannu .
Oravaine tuli toizen tyttären luo .Avoi-voi – vastai se .Lähtizin juostojalgua muaman luo , ga ylen äijy on ruaduo , pidäy jarmankah kangastu kuduo .
Ga sit kuvo sidä kangastu kogo dostalin ijän heittelemättäh ! sanoi Oravaine .Toine tytär hämähäkinny joudui pimieh čuppuh .
Nuorin tytär oli taiginua sevoittamas , konzu Oravaine koputti ukseh .Tytär igävän viestin kuultuu ni sanua ei sanonuh , ei ni käzii pyhkinnyh , juoksi oman muaman luo .
— Ga sit sinä kogo ijän rubiet tuomah iluo ristikanzoil , hyvä lapsi , sanoi hänel Oravaine . Kai rahvas ruvetah sinuu suvaiččemah , dai sinun lapsii dai bunukkoi .
Mugai rodih .Kolmas tytär eli pitkän hyvän elaijan , dai kaikin händy suvaittih .A konzu tuli aigu kuolta , häi muutui kuldazekse kimalehekse .
Sit aijas kogo päivät kuldaine kimaleh keriäy ristikanzoil metty .Vai talvel , konzu kai ymbäri kylmäy da kuolou , kimaleh maguau omas lämmäs kodazes , dai keviäl ruadoh havačuttuu syöy vai metty .
Kuldaine kimaleh
карельский: ливвиковское наречие
Новописьменный ливвиковский