Texts
Return to list | edit | delete | Create a new | history | Statistics | ? Help
Kut mö kanghan kudom
Kut mö kanghan kudom
Veps
Central Eastern Veps
Ez’mäi
viht’akon panoni kerilaudoile .
Kerilaudad oma : bapk siižub nel’l’au g’augau , ülähän nagl , han’z’ak ...
Üuknįden kortte , potom oma kerilaudad , üks’ – panod allo , toižen pälo , riigime .
Riigihe pandas värtn’ad , potom pandas necil’e viht’akon .
Viht’akon kerin mina torvikolo , toižen viht’akon kerin toiželo torvikolo .
Potom snoval’nicoil’ lon .
Snoval’nicoil’päi hiitan plet’oškalo .
Necen plet’oškan panon stavoihe .
Ez’mäi panon stavoile necen kolodan , kolodalo plet’oškan käriškan .
Panon ristoikahan (kudambou ad’g’au oma ristad lodud ) ad’g’an kolodaha .
Ristoile panon lastad .
Lastad oma noraižuu sidotud , miše ii päzdaiž .
Potom lastad sirdlöm .
Kanghan käim kahton kesken : üks’ levit’olob , ištub sigau stavoil’ , a mina tägau tagamau , kolodan taga , val’k čokaitut da g’augau pidan , miše hillemba mäniž .
Kinktemba tariž kingitada kolodaha , miše ii väl’ kesked päzdaiž , oliž kuti-se i katįškau torgovijau .
Kärin' käduu , a pidän g’augau plet’oškan , val’k čokaitut .
Kanghan kärin , potom čapan …tol’ko ad’g’ad gätan ningimad , miše nid’he otta .
Potom čapan ad’g’aižed , nided ladin’ .Ottas nid’he : ištusob üks’ stavoil’ keskes langanau , andab stavoidenau sigau , a minä ištumoi g’o hänon sijalo laučaižolo , nečile skam’g’aižolo stavoiden , i otaškan nid’he .
Nidudoho otan langaižen , toižhe nidudoho otan toižen langaižen , nece linnep paraine .
Kangaz losob kaik paroil’ .
Möst ninga kaik otanki paraižespäi , miše ii segoida .
Gesli segoid da toižele nidudolo otaudad , tegeso laba .
Nid’he vaumičem otandan , otan birdha üks’näin’ .
Kaikičehe pihudodo otan kaks langašt’ .
Potom birdha otandan vaumičen , sidon mina suumudod vähäižen ninga .
Puugen sukselo , miše libuiž zeu .
Zeu libub , batogaižen čokaidan , potom sürg’hä , kärin noraižuu .
Sürgän čokaidan stavoiden kor’vihe .
Kän’dipalikon panon sürg’hä i zavodiškan kudoda .
Kämitab minin’ döočkaine kämižen kämikodau , torvikuupäi kämitab .
Panon mina sukloižehe , kädou maihäidan , birdan zeu-se levigandob .
G’augau ühtuu puuged , toižen g’augan lendad , kädou süugaidad sinna sukloižen , langaine tartub , hlopaidad birdau , päližil’ , kudosob .
Toižuu g’augau konz išked , siloi toižen g’augan lasked , miše zeu-se möst kö mäniž , ristai kudoižihe .
Möstona sukloižen čokaidad .Nu i hotkas lähtob .Mi pagižen , ka hot’kemba sida minä kudon , vüumutan , ka tol’ko davai .
G’augau puugen , käzil’ stungaidan da käzil’ vüumutan kudoda .Sukloižuu bokha da toižhe , da pautin lähtopki .
Kudon mina ninga prostijan pautnan .
Konvarčikš kudon nel’l’au nid’uu .
Nu ka sen g’o lon polosoil’ , otan nel’hä nid’he .Kärin’ ningažo stavoihe , kut i sen kanghan .
Andab nel’ nidut’ , nel’ langašt’ bokha da möst toižes bokaspäi nel’ langašt’ .
Sidon nel’ sukst allo nenihe ničänkoihe , nel’l’au suksou pautįn lähtob čomemb , kuti räduižil’ .
Ninga kudom sijäd da ninga kudom pidada rädomižime päivime käzipaikad , kudambou modon pühkim da kädod pühkim .
Polovikad kudom kahtuu suksuu .
Sukloižehe panon ripakoid’ , ripakoil’ kudom , säkiid’ polosoid’ kudom polovikha , mičen ken zdumaib .
Lang sanged loimelo , a kudeged g’o nügutte kezordam kuti norikš sanktad da krasim .
Bokha lon kanghan lodos kaimad , nu i ninga kudod üht’uu langau ühteičuu .
Kut mö kanghan kudom
Veps
Central Eastern Veps
Как мы ткем
Russian
[
[