Texts
Return to list | edit | delete | Create a new | history | Statistics | ? Help
Savesiine glinka (sarn AA 333*B)
Savesiine glinka (sarn AA 333*B)
Veps
Central Eastern Veps
Elotihe ukoine
da akaine .
Ii lenu hijau nikeda lapsid’ .
Vanhtudihe gö neno ukoine da akaine .
Nu , staruhaine dumai , dumai .
Kezordab da dumaib .
Ukoine länged kohtondab .
– «Davai , ukoine , tehkam mö hot’ savesiine glinka ».
Mändihe ukoine akaštme , saved kaidihe , savesiižen glinkan tehtihe , päčhe kuimaha pandihe .
Glinka kuiv’ : «Tatoi , mamoi , avaikat , mina gö kuivin’ ».
Läks’ päčišpäi , sangerič ningitte lavalo : «Mam , mina söda tahtoin’ , tat , mina söda tahtoin’ ».– «Tahtoid’ ka ...».
Liibad hänlo anttihe .
Liibad hänlo vähä , tol’ko ärdutadihe sömau .Tatan süi , maman süi , länged süi , kožlin’ mamau süi .
Läks’ nügüt der’uunäme astmaha .
Puttihe mužikad lituukoime , asttas nitmaha , sur’ artel’ : «Mužikad , mina tattain’ süin’ , dai mamtain’ süin’ , dai länged süin’ , kožlin’ süin’ dai värtnän süin’ dai tiit-ki sön ».
Kaikid’ süi .
Oi , sina , puzuvac !
No , möst astui , astui .Puttihe akad vastha haravoid’me , sur’ artel’ .
«Akad , mina tattain’ süin’ , mamtain’ süin’ , kožlin’ süin’ , länged süin’ , mužikoid’ süin’ , tiit'-ki sön ».
Oi , sina bröngvac !
Akoid’-ki kaikid’ süi .
Astui , astui .Puttihe prihäd garmon’gime , vätas artel’uu sur’uu .
«Prihäd , mina tattain’ süin’ , mamtain’ süin’ , kožlin’ süin’ , länged süin’ , mužikoid’ süin’ , akoid’ süin’ , tiit'-ki sön ».
Oi , sina , bröngvac !
Kaikid’ prihid’ süi nece glinka .
Astui , astui .Puttihe döočkad vastha .
«Döočkad , mina tattain’ süin’ , mamtain’ süin’ , kožlin’ süin’ , länged süin’ , mužikoid’ süin’ , akoid’ süin’ , prihid’ süin’ , tiit'-ki sön ».
Oi , sina , bröngvac !
Kaikid’ süi döočkid’ .
Astui , astui , putui koza vastha .
«Koza , minä sindaiž söškan . Mina tattain’ süin’ , mamtain’ süin’ , länged’ süin’ , kožlin’ süin’ , mužikoid’ süin’ , akoid’ süin’ , prihid’ süin’ , döočkid’ süin’ ».
Koza sanui : «Davai , ez’mäi borcuigamoiš .Sina , glinka , siižu mägen au , a mina mägüupäi gökson da probuin’ väged , voidik sina mindain’ söda ».
Koza göks' , göks' .Glinka , puzuvac , ningine siižub .
Ka koza vacha paigun andoi sarvil’ .
Glinkau tol’ko brizgud šlibahteit’he bokha savesiižed .
Kaik rahvaz lähttihe-ki .Kaik .
Savesiine glinka (sarn AA 333*B)
Veps
Central Eastern Veps
Глиняный мальчик (Сказка)
Russian
«
«
«
«
«