Texts
Return to list | edit | delete | Create a new | history | Statistics | ? Help
[Luvettelow omale ukole]
[Luvettelow omale ukole]
Livvi
Kotkozero
Vuata opin
kuvamaine naine
Kuanutella kallištu , hüväštü :
Kargijaine miäs olet katettu
Tuarehian turbehužian alle ,
Mudamuahužian alle kaimailtu ,
Viärehtünüt miäs , viästittömih sijažih ,
Kirjažittomih kohtažih .
Ialo , viärehtünüt miäs , viästižii
Ni mittumii kolmetkümmenet vuvvet .
Emmo voi tulla ni sinun
Kawnehien kalmažian piäl’e .
Ollowgo puwtuttu , surendoine miäs ,
Sinun luwpalažet suajailla ,
Vai liännöw d’iädü nämmile ihavile ilmoile
Mustile voronoile taskailtavakse ?
Ollužithäi , kargijaine miäs ,
Omil’e kawnehil’e kalmažil’e katettu :
Tuližimmo sinun kawnehian
Kalmažian piäl’e joga päiviä .
Jätteliit kargijaižel’e naižel’e
Kaksi siämen’üttü ,
Kaksi kandomuttu kazvatettavakse ,
Vajois seiččemis vualahis vuadužis jiädih .
Ül’en skudnolois elonaigažis
Kargijaine naine kazvatteliin ,
Kuvamaine naine olin ainos
Külmükengännü , jugeilois ruadolois ..
[Rubei iče itkemäh ulvomah ].
[Luvettelow omale ukole]
Livvi
Kotkozero