Texts
Return to list | edit | delete | Create a new | history | Statistics | ? Help
Kut regen i telegan tegobad
Kut regen i telegan tegobad
Veps
Southern Veps
Kevadoo mänobad , sordabad koivun
, piliba , haagoiba jaagasikš .Jaagased otabad , kändäbäd i kuidabad , kaiken kezan kuivab .
Tehtud kändimpu mugoone , noraa kändäbäd .
A sigizuu otabad , saba kablhad , kablhad salel’bad oksaažimu .
Oksaažimu sab kablhan , kuidab , otab jaagased pert’he sab i sidob regen .
Karad kaivab , kablhad azotab , sid’ mesten sab tomid’ , poikpol’žed kändäb , sidob i kaasthad panob i regi vaamiž lib .
Vilu aig taavoo olel’ ka tegel’ba podmoroskad , a ku lämemb aig ka panel’bad šinad jaagasihe , kolotel’bad .
Ku lämää aigaa podmoroskad tegel’bad lehman hergespää .
Otabad da sabad lehman heret vädrha , kipätkuu hänen rozmešaibad , regen lendabad il’häks jaagasil’ i panobad necen her’gen jaagasele .
Jaagasele hän kil’mäb ani čomašti .
Sid’ otadad da strugaa strugaibad necen hergen , linob hän ani siled .
Sid’ voo otabad vet vädrha i voidaba pääpää vedoo .
A kooz läm sä , siloo раnobad šinad oliba stal’nijad .
Lämää aigaa podmorosk lähtob irdha , a kolotiba šinan , kebnemb hebole vedada .
Hebon val’astabad – mänobad , läväspää tabadabad , varhindoočebad , vuivedibad polole , panobad hamutan pähä , sid sed’olkan , kändaaba aižhile keskhe .
Otabad bemblen , rahkhihe zacepiba i val’astabad hebon .
Rindusoo zat’anibad bemblen .Ohjasil’ ohjastabad .
Telegan tegobad muga : ez’mä tegobad tulkad , spicad telegoohe , obodad puužed kaik , koivuužed , kuidabad čomašti .
Krugad tegobad , sid’ kuzlenichu .
Kuzlencus mesten otabad i raadaa i okuiba hänen .
A keskhe panobad raadaažen tuukan krugha .
Teg’ nel’ krugad , teg’ osin , raadaažen osin .
Oliba puužed osid' mugažo i puužoo hoduu ajeliba .
Kaks’ kolesad oli – odnokook , a sid’ tegiba nel’ kolesad .
Nel’kolesaažed ned parembad telegad , kebnembad heboole vedooda .
Tegiba suugad reeniimu , miše balat i brižiiš tarantashu .
Suugad raadaažed .A taavoo adivoohe ajeliba .
Oliba kaikuččoo tehtut korjad .
Kori tehtut , krasitut kaik čomašti .
Ištuse kahten , koomen kesken korjha , adivoohe ajel’ba , radole – regi , a ku praznikale ajada – korjaa .
Heinän vedad ka alused panooba , paned alused , pit’kendahtad regen .
Heinreged olibad pit’kad .
Ani mučuužed alusuded paned dei heinregi pit’k .
Potsankad ol’ba .
Lihit parz’regi , heinregi i potsankad olelibad .
Puužed potsankat teg’ba .
Jäl’ghe pricepitud kostromkoole , noriile i astuba regele jäl’ghe potsankad .
Heinän alle panobad lastked (sär’getud hongaspää lastked ).
Kaik’he regehe lastked paned , i hein sorde ii nikuna .
Lastked kaik čomašti sidotud poikpol’žes päliči i laste nikuna lankte ii , laste pidäse ani čomašti sigaa regen pää .
Hiinregen kooz paned , ka siloo norid’ noraa , kingitad čomašti .Iks’ libub päle , a toine vedab noras .
Suksed tegibad muga mijaa .Čapaba koivun , haagaadaba , ves’taba , sid’ strugaibad i medusile kaivaba karaažed , panoba medused i suks’ vaamiž .
Meduz nahkaane , rahkhespää .
Lähtob ajamha ka otab kaks’ kalušt’ .
Suksil’ ajeliba poikpoližid’ samha da da koje-miččid’-gi .Miš äi lunt , jaagaa ii sada , a suksil’ ajad ka sad .
Mectamha suksil’ ajel’ba edhaks .
Mecnikool’ mugažo olliba ningomad suksed .
Kut regen i telegan tegobad
Veps
Southern Veps