Texts
Return to list | edit | delete | Create a new | history | Statistics | ? Help
Starina kolmešta Matista – pohatta Matti, keyhä Mаtti ja tuomari Matti
Starina kolmešta Matista – pohatta Matti, keyhä Mаtti ja tuomari Matti
Karelian Proper
Uhta
Kа keyhä
Matti ottau velkua pohatalta Matilta – kolmešatua rupl’ua jo velkautu .Ei voi makšua keyhä Matti .Pohatta Matti šanou , jotta makšua pitäy , vaikka talo myyvä .Männäh tuomari-Matin luo šiitä tolkkuimah .Tuomari-Matti šanou , jotta "pahahan še ois vanhalta mieheltä talo myyvä , kun pereh on ".
No , šiitä šanou tuomari-Matti , jotta "tulkua huomenna , eikö voi mih muuh toimenpiteih ruveta ".Tuomari-Matti šanou , jotta "kun tuletta huomenna , nin kun keyhä Matti šuanou kolme šemmoista arvautušta , jott ei pohatta Matti arvanne – šiitä velat makšettu , kolmešatua rupl’ua ta vielä šata rupl’ua käteh antua pohatan Matin keyhällä Matilla ".
No , keyhä Matti läksi kotihis , ajattelou , jotta ei hiän šua arvautušta , pahalla mielin on .Valittelou koissah šitä , jotta "talottomakše toitimma ".Tytär šanou , jotta "annahan elämmä huomenekšeh ".No šiitä kun oltih huomenekšeh , šiitä tytär šanou :
– Kun mänet , nin šano , jotta mi on šukkelin ta vikkelin täššä muailmašša ?Šiitä šano toisekši , jotta mi on ihanin ta lihavin tällä muailmalla ?Та mi on : hyviä hyväštä hyvällä muanitetah ?Kun ei arvanne niitä , nin : šukkelin ta vikkelin on ajatuš (še tytär šelvittäy ), a ihanin ta lihavin on mua ; hyviä hyväštä hyvällä muanittau – še on hyvä heponi , hyväššä orašpellošša leivällä muanittau (totta še isäntä hoš muanittau ).
No , kun läksi , ta männäh šiitä Matit kaikki kolme ta šiitä hyö keškuššellah šielä .Šiitä še šảanou keyhä Matti :
– Mi on šukkelin ta vikkelin täššä muailmašša ?
Pohatta Matti šanou :
– Ollou lintu šukkelin ta vikkelin .
– No mi on ihanin ta lihavin ?
– šielä šanou nyt .
Pohatta Mattỉ šanou , jotta "lihavin še ois šika , ka ei ole ihanin ".Keyhä Matti kyšyy :
– Mi še on : hyväštä hyviä hyvällä muanittau ?
– En tiijä , – šanou pohatta Matti .
No šiitä piti pohatan Matin velat ne prostie ta šata rupl’ua antua keyhällä Matilla .Keyhä Matti lähti kotih hyväsilläh : velat šai makšua ta šata rupl’ua kormanoh !Tuomari-Matti lähtöy jälkeh , šanou :
– Olitko šie iče niin viisaš , vain ken šilma juohatti ?
Še šanou ukko , jotta tyttö juohatti .No , šanou , jotta "kun on šiula niin viisaš tyttö , ni mie tulen šulhasikše ".Ka , še šanou keyhä Matti , jotta "tule kun tullet , a kun et , ni ole koissaš ".
No eletäh huomenekšeh , ka keyhä Mattỉ lähtöy halkuo šuamah , Matin akka lähtöy velkoja makšamah , kun rahua šai .Šiitä tulou še tuomari-Matti , šulhais-Matti .Tytär on pihalla .Matti šanou :
– Mihipä täššä heponi šivotah ?
– Ka šivo kešäh eli talveh .
– Ka mie en tiijä , – še tuomari-Matti šanou , – missä on kešä , missä talvi .
– Ka šiinä kun on pihalla talvella ajettava ta kešällä ajettava – reki tai kärry – šivo kumpaseh tahot .
Šiitä hiän tulou perttih , kyšyy :
– Miss on isäntä ?
– No lämmintä šuamah mäni .
– A missäpä emäntä ?
– Emäntä on männehen vuotisie šyöntähisie kokuomašša .
A velipoika mäni mečällä : mitä šuanou , ne šinne heittäy , a mitä ei šuane – ne tuou kotih .
Še ei Matti ymmärrä , tytär šelvittäy : halkuo šuamašša on isä , velkoja makšamašša on muamo , a veli-poika kun näki , jotta vierašta tuli , ni täitä mäni tappamah toisih huonehih : min šuau , ni sinne heittäy , a mitä eỉ šua , ni pukšuloissah tuou jälelläh .
Matti šanou , jotta "mie tulin šiuh šulhasikše – šie kuuluu olet viisaš .Vain kun rupiemma elämäh , nin milma ennen ei pie tuomita , hoš kuin viisaš olỉletť ".
No šiitä lähetäh šulhasen kotih .Še tuomari-Matti kävelöy kylillä šielä , aseillah , a naini on koissa .Tulou keyhä akka , kyšyy jauhuo .Hiän antau jauhuo tasan .Tulou tuulisnenä ta viey ne jauhot käsistä .Akka tulou jälelläh itkien , šanou :
– Kun tuuli vei jauhot !
Še šanou Matin akka , jotta "mäne kačo , näkyykö mereltä tulijie ketä ".Akka kaččou : juštih laiva tulou rantah .
– Kuču laivan isäntiä tänne .
Šiitä akka kuččuu .Šanou , jotta "noštijako tuulta "?– šillä isännällä šanou še tuomarin akka .
Šanou , jotta "akalta kun tuuli vei jauhot , nin kullalla ta hopiella šuatta makšua ".Še šanou laivan isäntä , jotta "makšua še pitäy , kun kerta tuomitah ".
No , tuomari-Matti juštih tulou šiitä kötih , laivan isäntä šanou , jotta "šiun naini tuomičči näin äijä makšua , no totta še makšua pitäy ".
– No totta še pitäy , kun kerran tuomičči , – tuomari-Matti šanou .
Šiitä še laivan isäntä läksi pois .Tuomari-Matti šanou naisellah , jotta "keitähän nyt erokahvit , myö nyt eruomma , kun rupeit kerran tuomiččemah ilman miutta ".
Kahvie juuvah ta viinua juuvah .Tuomari-Matti šanou :
– Milma vaivuttau , mie rupien muate .A šie mäne pois , ihan kotihis tai kunne kačot , ota hoš mi täštä šemmoni muistikši , min parahakši kačot .
Še kun uinosi šiitä , Matin naini šanou niillä – ketä ollou kasakkoja , niinkuin ennen šanottih :
– Kantakkua Matti miun tuaton kotih .
Tai kannettih .Šiitä hiän šielä töitäh ruatau , Matti makai kuni makautti .Havaččeutu , ka naini kun kävelöy lattiella , nin šanou , jotta "mintähpä šie et männyt , kun mie käsin "?
A hiän šanou :
– Minne mie mänen ?Mie olen tuattoni koissa jo .
Matti šanou :
– A mipä še miun on tänne tuonut ?
Naini šanou , jotta "mie toin .Mie kaččelin ta en ni mitä šen parempua veššua nähnyt , kuin šie , tai toin mukanani ".
Ka šiitä Matti noušou ta šanou , jotta "läkkä poikeš kotih , elämmä koissa , kun šie šen vielä kekšit ".
Mäntih omah kotih , eletäh tänäki piänä , vielä kotva huomenaki .Та šiih še i loppu .
Starina kolmešta Matista – pohatta Matti, keyhä Mаtti ja tuomari Matti
Karelian Proper
Uhta
–
–
–
–
–
–
–
–
–
–
–
–
Сказка про трех Матти: про богатого Матти, бедного Матти и судью Матти
Russian
–
–
–
–
–
–
–
–
–
–
–
–