Texts
Return to list | edit | delete | Create a new | history | Statistics | ? Help
Pappistarina
Pappistarina
Karelian Proper
Padany
Kuolou
pappi .Lähtöy diekka pappie eččimäh .Tulou mužikka vastah .Diekka sanou :
– T’erveh , mužikka .Kunne mänet ?
Heen sanou :
– Mie mänen kazakaksi palkkoot’emah .
Diekka sanou :
– Rubie papiksi .
Heen sanou :
– Mie i kird’oo en tiijä .
Täh heen sanou :
– Meen alttarissa hos midä huhuo , ni ken ni midä ei malta .
Nu i läksi mužikka papiksi .Muuda ni midä ei malta pajattoo , vain yhtä : "Matkoou mužikka dorogoo myö , tulou diekka vastah : "T’erveh , mužikka , kunne mänet "?– "Mie mänen kazakaksi palkkoot’emah ".
–"Rubie papiksi ".
Heen sanou : "Mie en ni kird’oo malta ".Heen sanou : "Meen alttarissa hos midä huhuo , ni ken ni midä ei malta ".
Matkoou kupča kylästä läbi , mäni papin luoksi , sanou :
– Bat’uška , pidäis miula mol’ebinoo pajattoo .
A pappi sanou :
– Mol’ebinat oldih da proidittih , a pan’ehidat d’eedih , da viizi rubl’oo maksetah .
Kupča mänöy Petroskoih da mänöy arhir’ein luoksi , sanou :
– Tahoin mol’ebinan pajatuttoo , a pappi sanou : "Mol’ebinat proidittih , a pan’ehidat viizi rubl’oo maksetah ".
Rubei arhir’ei kaččomah kniigoista i nägöy , što pappi on d’o mäne tiijä konža kuollun , a žooloven’ja tulou .
Lähtöy arhir’ei pappie kaččomah .Tuli , obied’n’an sluužittih , ni pappi nosti rissin da sanou :
– Kun , d’umala , meen kuldaizella vanhimmalla ana kuldaine karietta , a peučoilla tuhanzin rublin d’engoo !
A arhir’ei rohahti nagramah :
– Tämä vasta pappi , kun kuldaista kariettoo moliu , a toizet vai pit’kee igee .
I dätti papiksi iel’l’eh .
Pappistarina
Karelian Proper
Padany
–
–
–
–
–
–
–
–
–
–
Сказка о попе
Russian
–
–
–
–
–
–
–
–
–
–