Texts
Return to list | edit | delete | Create a new | history | Statistics | ? Help
Meiden külä om Čikl
Meiden külä om Čikl
Veps
Central Western Veps
Olin’
mecnik , mectin’ , nel’tošküme kondjad rikein’ , üksid’ kond’jeid’ .
Ühten rikeimei – vištošküme pudad oli .
Ambuimei da hän meiden päle töndįi .
Kaks’tošküme kerdad ambuimei , potom langez’ .
Razvad oli vaksan .
Sanotas rįs’ päle skokkib , mä rikein’ äjan heid’ ka ei skokki ni midä .
Koirad minei oliba hüväd , kaks’ koirad , toragandeba , a potom rįs’ nägeb , mi händast näppiškandeba ka puhu libub .
Nädeid’ riklin’ ned kal’hed , a kond’jan nahk odou , vištošküme rubl’ad .
Lihad em kiitet , paganaks lugimei .
A potom keitäškanzim .
Händikahid’ ühten rikein’ tol’ko .
Kalad püdlimei .
Kala tägä оm sudak , lahn , säunag , ahned , madehed , haugid’ .
Järvid’ äi om : Čikein’e järv , Äim’äjärv , Lad’järv .G’oged – Pötk , Honglag’ogi .
Meil’ oli kaks’tošküme virstad pertine , nel’l’ velled elimei .
Mäned sinnä i nedalin’ nečiš pertižes eläd Honglajärven tagas .
Päivän radamei , a öks neche pertižehe uidimei , sid’ i magadamei .
Sigä nit’ud meil’ čomad .Kaikeu Čikloižou sigä nit’ud oliba , nitimei sigä .
Silei oli narodad äi .
Seičas ka näd leiban vaumheks varastamei , a silei pidi g’auhta .
Tapamei gomnil’ , potom mel’nicale vöd , sigä g’auhotad .
Oi , gor’ad oli .A seičas meil’ hüvä .
Venehed iče tegimei .
T’osan pilimei i t’osaspei tegimei .
Veneheze pidäb kared , ka kaivimei kuzen da neniš gürišpei mugomad värad valičed i kared paned .
Iilend nagleid’ ka vicįil’ pletimei .
Pertin’ stroiba , ikneižed paheižed teged , štobi lämbemb oleiž .
Silei oliba mustad päčid’ , vauktįd’ päčid’ iilend .
Mä tämbei tegen taughon , saven peksaba , sid’ - i päčin’ löbä .
Tauv’uu hot’ mitte vilu oleiž .Minä olin’ völ nor’ , muga must päč oli .
Libud päčile , pän ripputad , savus pidäb venuda ka , pän ripputad da muga hengid’ .
Lämbitad ka potom läm pertiš .
Savu mäb ...oliba trubad mugomad .
Mecas valičed hapanuden , südäm hapanu , mugoine pedei libo hab .Necen i paned sihe trubaks .
Iknaižed oliba pahaižed , katus oli silei – rugihiine ol’g .
Mecas kasked čapamei , neche nogehe-se ka ol’k-se kazvab pit’k i sanged .Nečil’ i katad pertin’ .
Iilent telegad minum pam’atil’ , smučkil’ ajeliba , dorogad kaik hubad .
Smučkad – kaks’ žerdid’ , val’l’astad da ajad mecha .
Ištuimei särahteseu .
Otad , pedain haugaidad da särahtest särgid .
Samovareid’ mugaže iilend .
Minum pam’atil’ üks’ oli samovar tol’ko papil’ .
Em jodud čajud .
Muiktad maidod jod ...
Tägä meil’ oli kožuun’ Čiklas , nahkad kožuun’as radad i tägä ombliba sapkad .
A enamban virzud , tohespei pletid' da virzuiš käelimei .
Sapkad bude konz villaižed .
Lambhid’ pidimei äjän .
Vot täpei Järved oma nel’küme virstad , sigä oliba ukod , iče valeiba .
Tuudas tänna i villaspei tegeba sapkad .
Sapkad valeiba , pöüd tegeba .
Tägä oli mugažo mužikaine , keded radei .
Mel’nicid’ meil’ äi oli , g’auhon g’auhoiba .
Nel’ mel’nicad nečil’ g’ogudel oli .
Vlastid meil’ hubad oliba des’ackii da starost , a Vinglas oli üks’ staršin i pisar’ .
Bol’nicid’ iilend , üks’ feršal mitte-ni ukkulįn’e .
Zato i koliba .
Minei oli nel’tošküme last ka kahten kazvįiba – poig da tütar , a lopud , kaik koliba .
Iilend učitelid’ , iilend nikeda .Mindei ka pap’ openz’ .Löi meid’ , verdub da ku nenas libo korvas hvatib ka .
Iilend školad , Ičeze pertiš pap’ meid’ open’z’ .
Enamban malitvad open’ziba .
Pagastaha mäned ka ed ristte , siičas kombiile stavib .
Meiden külä om Čikl
Veps
Central Western Veps