Texts
Return to list | edit | delete | Create a new | history | Statistics | ? Help
Saivoik. Niižne pästab ičeze vauktan vaudaižen
Saivoik. Niižne pästab ičeze vauktan vaudaižen
Veps
Central Eastern Veps
Laske
ku mina guleižeitan dei krasuižeitan
ičein' vouktan voudeižen , ičein' vol’nijan da voleižen ,
neciš sötg’an tatoihudem korktas da kodižes-se ,
kal’hen kang’oihudem lämas da lämbitesudes-se .
Kacouda-ske , sötai tatoihudem , vouged päiveihudem ,
kut mina guleižeitan dei krasuižeitan
ičein' vouktan voudeižen-se , ičein' vol’nijan da voleižen-se .
I kacouda-ske , kalliž kang’oihudem ,
rodimį roditel’ mamoihudem ,
kut i ku mina guleižeitan i krasuižeitan .
I kacoukatei-ške , veslad viikoihuded ,
sulad l’ubovnijad da čižoihuded ,
i por’adounijad da podruškeižed , kacoukatei-ške ,
kut mina guleižeitan i krasuižeitan .
I možet ii ku pit’kha ole mini nügude guleižeitta i krasuižeitta
ičein' vouktad voudašt , vol’nijad i vol’ad .
I sulad l’ubovnijad čižoihuded , podružnijad da podruškeižed ,
lähtete ku konz-ni töuvodi kal’hile-ni praznikeižile-ni ka ,
i otkate-ške tii minun vouged da voudeine-se ,
ühthe armhaze da arteližhe , da ühthe vouktaha da vatageižhe-se .
I uže-ske ku nügude mina pästan ičein' vouktan da voudeižen
i nenile tazoile čomile da nitüižile , nenile tazoile čomile da püudoižile .
I ku mändasoi äjou veslad viikoihuded-ne tazoile püudoižile-ni ,
i krept’as minun vouktan i voudeižen-se surile da turbhile-ni keskhe ,
i mändasoi ku tazoile nitüižile-ni , čaptase ku minun vouktan da voudeižen-se .
Uže-ske ku minä pästan nenile tazoile da ikna-aluižile-ni ,
otkate-ske tö , por’adounijad da podruškeižed .
I tule-ske sina , kalliž kan’g’oihudem ,
rodimį roditel’ mamoihudem ,
ota-ske ku sinä vouged da voudeine-se ,
pane-ske sina oiktan nižeižen-se alle .
Konz i ku tuudas kal’hed da praznikeižed-ne ka ,
i konz i gul’ahttas sulad l’ubovnijad čižoihuded-ne ka ,
siloi ühtes sina ku anda-ske minun vouged da voudeine-se .
Saivoik. Niižne pästab ičeze vauktan vaudaižen
Veps
Central Eastern Veps