Texts
Return to list | edit | delete | Create a new | history | Statistics | ? Help
Iisa mända mehele blaslovlenijata (Saivoik sizaren svad’bas)
Iisa mända mehele blaslovlenijata (Saivoik sizaren svad’bas)
Veps
Central Eastern Veps
Iisa mända
mehele blaslovlenijata (Saivoik sizaren svad’bas )
Laskou sina minun armaz čižoihudem ,
mina läksin roditel’skijata da blaslovlenijata-se ,
ičiin' korktas da kodižespei-se .
En ved pakičend mina hiilazoi blaslovlejid'-se ,
läksin' mina pit’kou pimedou viluu da öhuduu-se .
Vedateleškanz’ vilu tulleihut-se ,
kül’menzoitaškanz’ mindai blasluvlenijata paha da pakaine-se .
Ala sina minun kartte dumaji da dumašt-se ,
ala sina minun kartte rada da radošt-se ,
roditel’ski blasluvlenii-se sina pakiče .
Mina läksin' blaslovlenijata ,
tabazi mindai sur’ da läžund-se ,
äjoi pit’k da paha pahuz’-se .
Roditel’skijta blaslovlenijata
kuume pit’kad volast da vodut-se
mina venuin' čomas da čogeižes-se .
Kulištan irdou veslad da pajoižed-ne ,
devočkeiden sured armhad artelid'-ne
zvonkijan da tal’jankeižen-se ,
minei proidib südäntme sur’ da tuskeine-se ,
sur’ da goreine-se .
Ved mina ezmeižeu volhou da voduduu-se
ningoman läžunda-se terpin' ...
En pästand mina ičein' vouktašt voudašt-se
pahale pakaižele-se dei kül’manzoitta ,
surele purgale-se da purgita .
Sina pästa-ške ičeiž vouged da voudeine-se .
Ala pästa levedįle püudoižile ,
ala pästa tazoile nitüižile ,
ala pästa melhužile meceižile ,
a jäta i pästa devočkoiden armhaze artelihe-se .
Konz-se tönttas gul’biššale ,
aigoin' sindai d’ohtutadas ,
sinun vouktan da voudeižen-se .
Iisa mända mehele blaslovlenijata (Saivoik sizaren svad’bas)
Veps
Central Eastern Veps
Нельзя выходить замуж без родительского благословления (Свадебный плач у сестры на свадьбе)
Russian
[
[