Texts
Return to list | edit | delete | Create a new | history | Statistics | ? Help
Kiäniskuvirši
Kiäniskuvirši
Karelian Proper
Kestenga
Šiirryksennelkyä , šivun omattomat šilie
mielijen šinččimät , iestä šivun ylähäisien šileijen šyntyjen .Anna šivun nuorikkaini šiikavaltani šivun täysikkäisien šilmivetysieni kera šilmittäyvyn ieššä šivun ylähäisien šileijen šyntyjen . Ennen kun šinččimät šanojen šeisattamattomiksi šieklasiksi šivun ašetellah šivun nuorikkaiset šiikavaltaset .Vet olen šivun nuorikkaini šiikavaltani .
Olkuol'kua työ , oimun loittoset orhie mielijen ottamaiset , ieštä oimun ylähäisien orheijen šyntyjen , oččišeinillä olijien vaškisien oprasaisien .Anna olkuova oneh vartuvuon oččavetysieni kera oimun šilmittäyvyn ieššä oimun ylähäisien orheijen šyntyjen . Ennen kun ottamat šanojen okašimattomiksi otosiksi ot'vetikšennellah olkuovat osramielialaset .Vet olen olkuova oneh vartuvuon vielä niin oimullini , kun ojašoršaset .
Kallissukšennelkua , kajon omattomat kaunis mielijen kannetut , ieštä ylähäisien kallehien šyntyjen .Anna kačinverysieni kera kajon kualelen ieššä kajon ylähäisien kallehien šyntyjen . Ennen kun kannetut ruvetah karhujen kulkkuloilla karjahtelomah kajon olkuovua kaihuo varruttani kajon etähäisissä kaunismielijen kannettuisissa .
Miksikä šie , vetreh hyväseni , virittelit eteh vison ylähäisien viekkahien šyntyjen Vienan jarmankoista vejetyt venarituohukšuiset kera vison omattomien viekaš mielijen vierahaisien ?
Mitäkä sie , helie hyväseni , helmakkah heilahtelit kera helun omattomien helie mielijen helvomaisien ieššä heleijen syntyjen ?Kun , heikko vartuvuon , vielä olen helun nuorikkaini , ka helvomih helun ašettauvukšentelen .
Onnakko ollah ne helvomat heilahtelijat kera heikkojen šanojen puolilla heleitä ilmasie ?Hot et heikoilla šanasilla heitellyn , helie hyväseni , koko helun ylenyaikasešša helun olkuovua heikkuo varruttani .
Kiäniskuvirši
Karelian Proper
Kestenga