Texts
Return to list | edit | delete | Create a new | history | Statistics | ? Help
Ka vualimaiseni
Ka vualimaiseni
Karelian Proper
Kestenga
Ka
vualimaiseni , vallan ašettauvuit vualimien puoliloilla valkeita ilmasie .Ka kenkä še rupieu vaimalan vartuoni vaimaloilla töillä vajeltelomah ?
Kenkä še rupieu , kuvamaisen , kulkuteitä kulkomah tai kurjil'l'a töillä kurjan vartuoni kulekšentelomah , kun šie kujin olkuolit kujin omattomih kuulu mielien vierahih kuvamih ?
Kun šie , aikomaisen , ašettel'euvuit armottomil'l'a puolil'l'a armahie ilmoja , nin kenkä še rupieu ankehen vartuoni aijan äijil'l'ä ankehil'l'a töil'l'ä alkeuvukšentelomah ?..
Kun mie alku päivän alkeuvunta aikasil'l'a alkeuvukšentelen , nin ei ole enämpi ašeuvukšentelijie , aikomaisen , ankehil'l'a työhysil'l'ä .
Veršomaisen , kun šie viimesen kerran vierekšentelit viiččimien puolil'l'a vetrehie ilmoja , ka vieronan vartuoni vierot työt jiätih vilkual'omatta kaikki vet .
Šuarnomaisen , kuin šuarnan ašettauvuit , ni vet šammot työhyseni jiätih kaikki šuarnan ašettelomatta , šuarnomih šatauvukšenteleuvuit šatatuumasih vierahien šuarnomien lapšien .
Kannettuisen , kun kajon olkuolit , ka kaihot työhyseni jiätih kaikki kajon ašettelomatta .
Onnakko kuavukšentelen kaiho vartuon , kannettuijen puoliloilla kun kualelit , nin kaiho rukka kuavukšentelen piältä kallehien ilmasien .
(Välttäy nyt .)
Ka vualimaiseni
Karelian Proper
Kestenga