Texts
Return to list | edit | delete | Create a new | history | Statistics | ? Help
Voata rubielen angehen
Voata rubielen angehen
Karelian Proper
Padany
Voata rubielen angehen oalani Val'arukka ,
oi
armahila ilmoila azettelija armahani rodiitel'a mamaženi ,
kuin angehen oalani Val'arukka ,
armahila ilmoila ažettaja armahani mamaženi ,
siun n'äil'ä sijazila ažettelin , ni ota ...
Hospodikko dai boože blahoslovikkoa ,
šeiččemenžilägotoista kymmenilä venčazila seižojat
šeičensiibiihižet siidoinebesnoit coarid .
Oi udalila ilmazila peälä udielaiččija udalani mamaženi ,
ollahgo udran Val'arukan ažetuškerdažet
siun umazien vaštoin ?
Vet šurendorukkaženi , šugeila ilmazila ažettelija šugijani mamaženi ,
kuin nämä kerdažet siun šuoritakšendelin .
Ollahgo , udalani mamaženi ,
udran Val'arukan nämä ažetukšuot siun umazien vaštoin ?
Onnoako jo on šugeijen ilmažien šuurehuš ,
šugijani mamaženi , kui ,
siun onnoako jo šugeih špoaššuzih varoin šuoritte (lin ).
I kui šomembih šolgivoattehuzih täh
omaš obdielaiduloila kuužipalazih ikkunavierozih kuin iššutte (lin ).
Angeh rukkaženi , kuin šurendamien lapšet ,
šujendamien paikoišta tulin ,
ni kui šuuremila da sujomnoiloila šomemmila šoppičuppuzila
šodo (?) mamaženi siun šomembih šolgivadttehuzih sooružaičin .
Onnoako jo olen , valgeila ilmoila loadijani valgijani mamaženi ,
vaivani rukkaženi siun valgeih synd'yzih varoin varuštanun ,
onnoako jo olen , šugeijen ilmojen šuurehuš šugijani mamaženi ,
siun šugeih spoaššužih varoin šuorittanun .
I veče on siuda nämä kerdažet ,
kui vaivani rukkaženi voalimien luohizišta paikoišta voapuin ,
ni kuin olid kergivö mamarukka ylen kebijä kielel (e ).
Kuottelen kaikkih manierazih ,
pal'l'o rukkaženi , siuda pagauttoa .
Ni mintänbo olet kieron Val'arukan
kohtazih n'äilä tulokerdazila ,
kiirahani mamaženi , kivižetti , kaamennoit sercažet ažettanun .
Engo hoti ole , pobiednoi rukkaženi , polvi mamaženi ,
siula prostoimbia protivnostizia ažetellun ?
Edgo hoti ole , otemniitoi mamaženi ,
oneh rukkaženi peälä ylen olovahkoželdi obiidinnuž ?
Kuin kuottelen kaikkih manierazih ,
kurja rukkaženi , siuda kuonnuttoa ni kui ,
et pal'l'o Val'arukan kera n'äilä tulokerdazila
ni mimmoizia paginazia jeävikše .
Emmägo voi ni tainoiloja ni javnoiloja ni ,
soglasnoiloja soviettazija miun kera n'ämbi soberuiče .
Mintän olet , ylen valgijani l'ubiimoi mamaženi ,
vaivažen rukkažen tulokerdaziksi
ylen vaikkažeksi vaikaštun .
Veče on udalat spoaššuzet
šiuda ylen userdno uinotettu ,
valgijat spoaššužet veče on siuda
omihiže varazih varoi otettu ,
ed voi oneh rukkaženi kera
ni mimmoizia šanazia voi objavikšennella .
(Viržit'et'äh , konža kuolou , sraazu , konža šuoritetah .)
Voata rubielen angehen
Karelian Proper
Padany