Texts
Return to list | edit | delete | Create a new | history | Statistics | ? Help
Haudoa lähtietäh kaivamah
Haudoa lähtietäh kaivamah
Karelian Proper
Padany
Voata rubielen kui
oi kallehila ilmoila loadijani ,
kalliž l'ubiimoi mamaženi kui ,
olovani moakundani t'äh oboidittii ni ,
voata kyzykkeä hoti
olovilda ilmoilda obdielaiččijalda olovalda mamaželda ,
kui näil'ä dieložila lähet't'ä ,
ni hyvät odblahoslovenjažet .
Oi armahila ilmoila loadija armahani mamaženi ,
ved jo lähet'äh , kačo , polvi mamaženi ,
polvi moakundani siun posledn'oiloja prozbazija spoln'aimah .
Jo kui kukkožet t'äh dai kukaš moakundani kublettih ni ,
ved lähet'äh jo siula varoin
kukon kuoppazija kuobikšendelomah .
I kalliž moakundani lähet'äh , kačo ,
siula kallehih synd'yzih jo
kanojen kaivoloja kaivaksendelomah ,
i kukon kuoppazija kuobiksendelomah siula varoi .
Ni kyzykkeä , hoi kukkozet , vet olovilda ilmoila peälä
Obdielaiččijalda olovalda mamaželda ,
kui lähet't'ä n'äid'ä dielozia ažettelomah .
Ni kyzykkeä hyväd odblahoslovenjazet ,
kui hänen prosbazie spoln'aimah lähet't'ä ni ,
ana otmeniitoi mamaženi tiät odblahosloviksendelou .
Vet kui n'yd n'äin'ä päiväzin'ä ,
oi kalliz mamaženi , siula kalliz moakundani
kui kanojen kaivožet kaivetah
dai kukon kuoppazien loaduzin kuobitah ni ,
kukaz moakundani n'äin'ä päiväzin'ä ni siudaš
pehmieh peškuzeml'azih pereberaijah ni .
Oi kalliž mamaženi , siuda kalliž moakundani kačo ,
näinä päiväzinä kui kaihoih kanavazih siuda katetah
kallehih syndyzih , kačo jo .
Jo polvi moakundani lähettih siula varoin
ko posledn'oiloja prozbazija spoln'aimah .
Haudoa lähtietäh kaivamah
Karelian Proper
Padany