Texts
Return to list | edit | delete | Create a new | history | Statistics | ? Help
Kladbiščala mie viržitin
Kladbiščala mie viržitin
Karelian Proper
Padany
Voota jo
rubielen angeh da aivin ozatoin Anni-čikko ,
oi aigojazijeni lapšuon azetettu aigomuoni ,
kui armasta čikko aigauttoo .
Oi angehen alazen Anni-čikon aigomuoni armahuš kulu jo .
Kogonikkažet kogo kuuvet nedeližet
kukkahišša spoaššuzišša oledi .
Šano jo šammunula da šaštunuola Anni-čikola , igoi
armahišša spoaššuzišša vet ollah n'äin'ä päiväzin'ä
siula ihaliet spoaššužet ilmanigizih
vekovečnoiloih iššutandapaikkazih päiväžed ni .
Igoi olovat spoaššužed siuhu kohtahižed
ilmanigižet erin osoblivoimmat paikkažet otvedittii ?
Hoi ottamuoni alane kui omištaš odduumaižištaš
ihalilda ilmažilda peäld'ä izvediečit nii .
Oi ožien alane , igoi ob'čoida
olovoa omakunnaistani ožutettih ?
Hoi , kukko kuvoamazieni noalane , kui on vet šiulaš
omištaš odduumaizištaš ihalilda ilmoilda peäld'ä
ižvodažet izdelaičit , ni kui jät't'elit
omaš ažetetun pien'en allin aigomažen Nattažen
armahila ilmoila peälä armottomiksi .
Vet oli ihalala papažela yksi da
ainova Nattaženi , hindojen i arvolojen andamattoi ni .
Kenenba varazih vajoan kanan voalimažen (i )
valgeila ilmoila peälä jät't'elid ?
(Viikon itin ...)
Oi angehen Anni t'ootan alližen armahuž Nataženi ,
kui lähed ved n'äijen kaksijen päiväzien jälgijä ,
vet olovan moakundažen opaššukših ni ,
kyzy olovalda papaželda hyvät oblagoslovenjažet ,
uči utkazeni (n ) oalane učoobazih lähtijessä .
Kladbiščala mie viržitin
Karelian Proper
Padany