Texts
Return to list | edit | delete | Create a new | history | Statistics | ? Help
Kerävykkie, kieroized lapset, nämih yksi kerähmöizih
Kerävykkie, kieroized lapset, nämih yksi kerähmöizih
Livvi
Syamozero
Kerävykkie , kieroized lapset
, nämih yksi kerähmöizih ,
azetelgoakseh , aigajaized lapset , nämih yksih artelizih .
D'ogo olet , korrottajaizeni lapsi , korvaizien kuuluvaizil ?
D'og olet , sitkijäizeni lapsi , silmäizien nägyväizel ?
Myö jo kai , kargijaized lapset , kaunehien pajoizien kel
lämmittelemmö sinul dostal'noid neizikyl'yzet .
(Sit se neidine vastuau :)
Jo min olen täz , vuottelen teidy , kaunehed ,
yksiz artelizis kasvatetut kaunehet kassaizet .
(Sit hyö pajatetah :)
Emmo l'ämmitel'l'yh ni , pezijäized lapsed ,
ni pedäjäizil halgoizil ,
k ei rodei sinul ilmoin ilmoih mendyy
ylen pečualanaluized elaigaizet .
Emmo l'ämmitel'l'yh , korrottajaized lapsed ,
ni koivuizil halgoizil ,
k ei rodei ilmoin imehel mendyy sinul
kohunalaized elaigaizet .
Emmo lämmitel'l'yh ni pedäjäizil
pečualanalaizii elaigaizii .
L'ämmittelimmö myö kai , kargijaized lapset ,
kaunehien pajoizien kel ,
vesselien vedyizien ajettuloil vezihagoizil .
Emmo ni , kieroized lapset , kikšaellut kirvehyizil ,
emmo ni tärpäjeillyt terä-brujaizil .
Kai kanzan kädyizil kaunehien pajoizien kel
katkaelimmo halgoizet .
Sid ned azettelimmo vid'd'ekse n'ed'älizii viriemäh ,
kuvveksi n'edälizii kydemäh .
Anna ned aigaized olet , aigajaizeni lapsi ,
miän kel yksiz artelizis .
Kaunehien pajoizien kel l'ämmittelimmö sinullez
dostal'noid valdu kyl'yized .
Sid vie meil'e pidäy vesselii vedyizii
tuvva sinun dostal'noloih kyl'yizih .
Kai myö šazahtelimmokseh sualigruadan suaruizih ,
l'ähtimmo vesselii vedyizii tuomah .
Emmo voi myö ni sadalaidaizil saimaizil piästä
sinne sualigruadan suaruizih .
Sid otammo viizilaidaized venehyizet ,
emmogo niil venehyizil voi piästä
niih sualigruadan suaruizih . Emmo voinnuh piästä .
Sid otammo , pakičemmo uros kallis armoizel
nellijalgaized luuhizet kabd'aizet .
(se hebo pakitah kačo , tuatalleh , n'eizen tuatalleh ).
Sid myö vesselii vedyizii menemmo tuomah
sualigruadan suaruizih kaunehien pajoizien kel ,
aigajaized lapsed artelizien kel .
Menemmö myö ezmäizih kaivoizih sualigruadan suaruizih :
ned on kaivoizet kateltu vaskizil katoksuizil .
Emmo myö ottel' ni sit katoksuizis vaskizis ,
k ei rodei sinul imoin iduamih mendyy
vahingon alaized elaigaizet .
Sid menemmö myö toizih suaruizih ,
Sid opimmo toizis suaruizis ottua ,
sid on hobd'aizet kaivoizet .
Emmo myö ottele ni niiz hobd'aizis kaivoizis ,
net k ei rodei sinul huolenaluized
elaigaized ilmoin iduamih mendyy .
Menemmo myö kolmanzih suaruizih , korottajaized lapsed ,
menemmö kolmanzih suaruizih .
Ned on kuldaizet kaivoizet , kuldoi listaizil on katettu ,
kuldaized kruuškaized on kumailtu kaivoizien piäl .
Otammo myö , kurjaized lapsed , niis kaivoizis
tuommo sinul odostal'n'oloih valdu kylyizih
kaunehii rungaizii pezetellä .
Sid vie meil'e pidäy vahingonalastu rungastu pezetellä vastaizet
Sid myö ned vastaized menemmö kaunehil korgeil mägyizil .
Vesselien pajoizien kel katkaelemmo kanzan kädyizil .
Emmogo iče ajele kirvehuizil , emmogo tärpäjäi teräbrujaizil ,
kaunehien pajoizien kel otammo kuldaizis koivuizis .
Emmo ota alahaizii oksazii :
k ei rodei yl'en hallanaluized elaigaizet ,
emmog ota yl'ähäizii oksazii –
ned on linnun istutut oksazet ;
k ei rodei sinul miehel mendyy yl'en suured igäväizet .
Otammo myö keskimäized oksaizet :
keskimäizis oksaizis on kuldaized varbaizet ,
kuldaizis varbaiziz on kuldaized l'ehtyäd ripettäy ,
igävänalustu rungastu pezetellä , kyl'vetellä .
Sid myö tulemmo kodih niijien vastaizien kel .
Sid myö kaunehien pajoizien kel
sinun suattelemmo , aigajaized lapsed , artelizis kyl'ylöih .
Sit sinun kyl'yz olendu aigaizikse
azettelemo kuldaizet paččahaizet kyl'yn pihah :
kuldaizien paččahaizien piäh azettelemmo
solovoi-linduizet soittamah ,
piäčköi-linduizet pajattamah ,
anna sinun kyl'yz olendaigaiziks on net kaunehet aigaizet .
Sid aigajaized lapset , toimmo sinuu ,
kyvelmösty lastu , kyl'yzis .
Sid azetteliimokseh sinuu kallehen armoizen suurih čuppuizih .
Magavus tilaized azettel'emmo muata kaunehien pajoizien kel .
Sit sinullez huolevil huondeksuizil
tulou armaz idvoizeni nostattelemah .
Myö tulemmo kaunehien pajoizien kel
sinuu nostattelemah , armas hyvä .
Sit sinuu tullah nämil huolavil huondeksuizil
iččes sula hyväizeni , kalliz hyväizeni
ottelemah savoin virstaizien piäs .
Tullah seiččemil-kaheksil heboizil , luukabd'aizil ,
Sit sinuu istutellah kallehen hyväizen rinnal
(Kallis hyväin on ukko ).
Kallehen hyväizen rinnal istutellah kaunehis sobaizis .
Jo sinul zdaijah , sinullez zdaijah vierahih valdaizih .
(D'o kačo händy miehel annetah , jo vierahah valdah mened d'o , ed ole tuatan da muaman kel ).
Vierahih valdaizih , kaunehih sobaizih šuoritellah ,
sit sinuu työnelläh kallehen hyväizen kammarizih .
(Sih loppih se neizivirzi ).
Kerävykkie, kieroized lapset, nämih yksi kerähmöizih
Livvi
Syamozero
(
[Перед тем, как идти в баню, причитывают]
Russian
[
(