Texts
Return to list | edit | delete | Create a new | history | Statistics | ? Help
Stolankačondu virzi
Stolankačondu virzi
Livvi
Syamozero
Kaldavukkua
vai , ilmoin kandamat , kaksih čuraizih .
Opin , kadalaine , kačella , midbo oldaneh
sulan armoizen suuril čuppuizil suuret šurmuizet ?
Eigo oldane hos sulan armoizen suuril čuppuizil
suiččipiähyizien šurmuizet ?
Ei jo olla nämät suiččipiähyizien šurmuizien rahvahaizet .
Eigo oldane hos parahat pruažniekku päiväizet ?
Ei jo olla parahien pruažniekku päiväizien rahvahaizet .
En jo voi , mel'givöine , ni mih luaduizih mielistellä ,
kui ollah nämät vakki vuažnoit moskovskoit gošt'aizet ,
kai ollah Šungun jarmankaizis tuvvut ,
ylimäizis laukkaizis otetut ylen šuoriet sobaizet ,
läbi mečis läikkyjät ollah sobaizet .
Nygöi onnuakko tuonimoini (tuomenoini ?) tunnustelin ,
nygöi , vierdynyöni , vien viernoit vieštizet ,
igävän aluizen iččeni innuollizen .
Nygöi vierdynyöt toin viernoit vieštizet .
Ilmoin suvimat on azetelduhes
sulan armoizeni suuril čuppuizil korgeikse gošt'aizikse .
Nämät ollah , vaimeloizeni , sinun valgein valdaizen otuimijat .
Ezmäizis stolan piähyizis on
sinun valgien vastinehen uroi valgie armoine .
Varusteliete , vaimeloizeni , ilmoin vualimien keskeh .
Lahjoitellah sinuo panoin luadimat valgeil d'engaizil ,
da älä niih d'engaizih , imehyt , ilahtuksendele .
Sinun otanduaigaizet ollah ilmoin polvin mezimielehizet .
Taguizis čuraizis ollah tainoit tabaizet .
Sinä ku ilmoin elätettylöin keskes eroelet ,
ga ottele omat luaskavat sanaizet ,
i ilmoin luadimie luaskavil luastiksendele .
Stolankačondu virzi
Livvi
Syamozero