Error:
Permission denied
Texts
Return to list | edit | delete | Create a new | history | Statistics | ? Help
Andilahan nostatanduvirzi
Andilahan nostatanduvirzi
Livvi
Nekkula
Oi
n armas kalliš kandomuani sinä ,
eihäi n oldais maksaženi magavon aigaižet ,
vai n oldais , n ottamazeni , ozan pakičenda n aigažet .
Opivai , n armas kargijažen akan kalliš kandomuani ,
nosta da pakita suuril syndyžil ,
n ottamaženi , n ozavembii n ozažii .
Eigo blahoslovittas sinuu n ozavembile n ozažile
nemmil huolavil huondeksužil .
Pakiče , n armas kalliš kandomuani , täyžil (i ) sydämyžil ,
opi pakita nämil kadonuol kallehel d armožel .
Oi , n armas kalliš kandomuani sinä ,
rubiet luadimaheže , tuamenoini , toižeh luadužih .
Nämmil yänymbärištäžil (i ),
midä jo liännet nähnyt sigi n unužih n uinot (es ).
Egläžil n ehtäžili , peigoine naine ,
siula luajin , maksaženi , magavosijat ,
pehmittelin , peigoine akku , pehmiät perinäižet ,
panin ylimäžis piäčköi linduižian höyhenyžis pialuksuot ,
kattelin (i ) atlasnoloile od'ujualaižil ga .
Midäbo liännet nähnyh sigiunuižih uinoiltuu ?
Oi , kargijažen akan kalliš kandomuani ,
opi jo suamažele naižele sanella , midä näit sigiunužis .
Kuldažian kassažian kandelijan kel ,
pol'ubovnoloin podruškažian ke magailit
dostalid (i ) n yänymbärištöžet .
Kačo näin n abrehnut akku lattias päi ga ,
kuldažet kassažet muattih n ylen sigi n unužih , näidi , n uinottu .
Oi , sinä nävyt , kuvamaženi armas , kublahilleh ,
läglajani (?) olid ainoz lekkehil ,
vai ku sinun šuorieloin rungažian šuoriat sobažet muattih ,
kaunehian (i ) rungažian kaunehet kalužet .
Oi , armas kalliš kandomuani , sinä ,
opi vai viä pakita täyžil sydämyžil ,
ottamaženi , n ozavembii n ozažii .
Oi , armas kalliž naine kandajaženi ,
nemmil n yänymbäristöžil minä n en voinnut ,
kargijaine lapsi , muata , vai n oldu liänne
suorieloin rungažian suoriat sobažet muattih .
A iče minä lebehyäni , lekkehile ,
kuvamaženi n olin kublehile ,
naverno roihez , armas kalliš naine kandajaženi ,
ku miula nämile yänymbärištöžile ozuteltiheze
ylen (i ) vakki sigi n unuot :
buite kui n oli meijän kaunehizi luadužis
n ymbäri yleni kaunehet vihandat nurmuat ,
kaunehile nurmužile oldih ylen kaunehedi ualoit svettaižet ,
kaunehian svettažian piäl oldih ylen kaunehet kastiat ,
kain oli meijän luadužiz (i ) kai lunnasteltu
Luadoškoid lambuat ,
Luadoškolois lambužis oldih kitai-kalažet kargailtih .
A ku päiväžis pualužis päi tuuldih tundožat tuuluot ,
kaunehian svetažian piäl kaunehet kastiažet langettih ,
ualoit svetažet muadu myö ni mustuttih ,
kitai-kalažedi kargaelemas päi päittih .
N arbaile vai , armas kalliž naine kandajaženi ,
mih minun nämmäd sigiunuot mendih ?
Oi , armas kalliž naine kandajaženi , voinnetgo n arvata ?
Andilahan nostatanduvirzi
Livvi
Nekkula
Будят невесту в день свадьбы
Russian
[
[