Texts
Return to list | edit | delete | Create a new | history | Statistics | ? Help
Hospodi dai boože, blahoslovi, kristos
Hospodi dai boože, blahoslovi, kristos
Livvi
Nekkula
Hospodi dai
boože , blahoslovi , kristos .
Blahosloviatto jo , surduzed suured syndyžed ,
minuu , surdunuttu siämendy ,
nemis kylyžiz lähtiättyy dai käydyy ozavembile ozažile ,
savoiz n ozažis sagiambile ozažile ,
tuhanziz ozažiz turbiambile n ozažile .
En olluh , kyvelmäženi , nenis kylyžiz nin kylbemäheze ,
en olluh , pestyženi , ni (n ) pezemähez .
Vai olin kylly omii valgeiloi valdažii jättelemäs .
Yksile n ihalile ikkunažile jättelin lembilentočkažet .
Toizile ikkunažile jättelin omad valgiad valdažed .
(Sid jo pertih , näi , kačo , tulou :)
Oi kun (i ) olin , kyvelmäženi , nenis kylyžis ,
sil aigaštu on kai kynnyksyäd korreiltu kolmil venččažil .
En jo voi , ottamaženi , tulla ni n ottamattah
nemmis kynnyksyžis piäliči .
Viägo pestyšty priimittö ,
armahat kaksian puolužoit kallehet armožet .
Vaivaine , vai tulen nygöi pikoi pordožikse (kerdažikse ?).
Elgiättö jo surendožen siämenyän piäle suuttuad ,
minä luajin teile ylen suured roskodažet .
Oi n armas kalliž naine kandajaženi dai kalliž armoženi ,
blahosloviatto jo minuu ozavembile ozažile
nemmis kylyžis tulduu .
Viä opin minä , poltoine , pokoroijakseze ,
yksiz vačoiz vualitule kuldažele kudrižele .
Opiz vai truudiakseh viä nenne kuččukerdažet .
Tua vai minule zirkalo-krustal'noit kuvažet ,
hod minä , kargijaine siämenyt , kačahtelemmos
omih kaunehih ličažih .
Oi kai on minul kaunehed ličažet karahpoittuheze .
Viä opin , armas kuldaine kudri , pokoroijakseh ,
tua jo vai viä minule liämenöižiän liikutelles sugažet .
En voi ni n omil kädyžil liikutella ni
nenis kylyžis tulduu ni n omii liämenötukkažii .
Kai on minul , kargijažel siämenyäl ,
kädyät katkeiltu kynäbryksyžiän kaute ,
kai on jalgažet katkeiltu polvužian kaute .
Oi n armas kalliž naine kandajaženi , n opis vai ,
potrudiakseheze minun liämenötukkažii liikuttelemah .
Oi passibo jo , n yksiz vačoiz vualittune kuldaine kudri ,
(i ) minuu kuvamaštu kundelit kuččukerdažet .
Kuibo minä ruvennen nygöi teiz viaravumah ,
kui ruvennen , ebelöne , minä teiz eriže elämäh ?
Oi n armas kalliž naine kandajaženi ,
dai , yksiz vačoiz vualittuženi kuldaine kudri ,
passibo jo kaikenjyttymil hyvyžil ,
minule , kargijaižele , kaikelleh šeimittö dai kaunehed verožed .
Minä luajin teile suuret roskodažet .
Oi viä opin kargijaine siämen kuččua kallištu armoštu .
Potrudei vai , n armaz n armoženi ,
minun liämenötukkažii liikuttelemah .
I liikutelkua vai ozavembil kädyžil ozavembih ozažih .
Savoiz ozažiz sagiambile n azažile ,
tuhanziz ozažiz turbiambile n ozažile .
Viä minä opin , kuvamaine , kuččua ristoivedyžiz livuttajaštu ,
kuldažes kupeližes kublaškoittelijaštu .
Potrudeije jo nenne kuččukerdažed ,
minun , leinäžen , liämenötukkažii liikuttele (mah ).
Viä opin kuvuamaine kuččua
yksiz vačoiz vualittuštu vualijoižen lastu .
Tule jo viä potrudeije minun liämenötukkažii liikuttelemah .
En voi , n armaz yksiz vačoiz vualittuženi , ni
minä n omil kädyžil nemis kylyžis tulduu ni ,
omii liäminöžii liikutella .
Kai on minul , kargijažel siämenyäl , kädyät katkeiltu .
Oi n armaz yksiz vačoiz vualittuženi ,
kuibo myä rubiammo sinun kele n eroilemah ,
kuibo minä rubian , udraženi , teidy n unohtelemah ?
Passibo n armaz yksiz vačoiz vualittuženi ku ,
liikuttelid minun liämenötukkažed ,
dai pleti jo iččes kädyžil minun tukkažed ,
pleti vai ozavembih ozažih , ozavembil kädyyžil .
Eigo hod minule rodiaz ilmoin keritettyžiän keskes
vesselembäd elonaigažet .
Hospodi dai boože, blahoslovi, kristos
Livvi
Nekkula
(
[Плач невесты после возвращения из бани]
Russian
[
[
[