Тексты
Вернуться к списку | редактировать | удалить | Создать новый | История изменений | Статистика | ? Помощь
«Jyvästä kukko…»
«Jyvästä kukko…»
карельский: собственно карельское наречие
Тунгудский
Oli
akka da ukko .Hyö kuoldih .Jäi heildä poiga da yksi jyvä .Poiga läksi jyvän kera muailmalla .Mäni enžimmäizeh kvatierah . Ando jyväzen emännällä šäilytettäväkši .A yön aigana kanat ni n’okittih že jyvä .Rubei kyžymäh huomenekšella jyvyä , ga šidä ei ole .Hiän rubei kukkuo prižmimäh , dai šai kukon .Mäni toizeh kvatierah .Šielä kukko pandih bokkojen keralla .Bokot puššettih kukkuo da že kuoli .Poiga heildä bokon šai .Kolmannešŝa kvatierašša bokko pandih häkkilöijen keškeh , da že tapettih .Tuaš šai poiga häkin da läksi matkah .Toizena piänä härgä pandih ubehien keškeh , že tapettih .Da poiga šai talošta ubehen .Poiga mäni dorogalla .Löydäy šieldä kuolỉen akan .Ottau žen .Mänöy kylän kaivoloilla , issuttau kuollehen akan kaivolla .Tullah tytöt vejellä :
– Kembä tämä ?
– Ga muamo on . Kun hiešty , nin rubei jähyttelemäh .Hiän on huonokuulon’e .
Tytöt mändih kättä liikuttamah : kuollut ni romahti muah .Poiga šanou :
– Tаpoit muamon , tulei miula akakši .
Dai tulou .Eletäh da šuahah kolme poigua .Kerran tulou poiga kuččumah händä kynnökseldä šyömäh .Šanou ukko :
– Kerran tuli jyvästä kukko , kukošta bokko , bokošta häkki , häkistä uveh , ubehešta rodih mieron kuolie , mieron kuoliešta nuori naine .
Toizella da kolmannella pojalla šanou šamalla kienoin .Nain’e ajatteli , jotta ukko on tullut huimakši , mäni da hirttäydy .
«Jyvästä kukko…»
карельский: собственно карельское наречие
Тунгудский
–
–
–
«Из зернышка петух...»
русский
–
–
–