Тексты
Вернуться к списку | редактировать | удалить | Создать новый | История изменений | Статистика | ? Помощь
Veikon tuomiset (Kavonnut hanhi)
Veikon tuomiset (Kavonnut hanhi)
карельский: собственно карельское наречие
Кестеньгский
Tilkin-tilkin tietä
myöten ,
malkin-malkin maita myöten ,
kullaista kujua myöten ,
hopiaista tietä myöten .
5 Löysinpä tieltä mättähäisen ,
mättähäiseltä hakosen ,
hakoselta kotasen ,
kotaselta kovan oven ,
kolahutin kovan ovia ,
10 rämähytin räyštäšpuuta .
Neito itki šen pihalla ,
kešen kullan keittämistä ,
hopien vajeltamista .
"Mitä itet , neiti parka ?
15 Veikkoš Vienašta on tulošša ,
alta linnan airot näkyy ,
piältä linnan piä näkyy .
Tuoupa hanhen gostinčoiksi ."
"Mihipä mie šen panisin ?
20 Panisin kylyn räyštähillä ,
joko kyly šavuštannou ?
Panisin pirtin räyštähillä ,
joko pirtti henkännöy ?
Panen hanhen pol’čan piähä ,
25 anna šiinä laulelou ,
laulelou ta šoittelou ,
mel’kijä melaštelou ."
Emmähän šilloin luain laula ,
kun (on ) lauta on alla , lauta piällä ,
30 lauta kumminkin kupeilla .
Monta muuta möllötämmä ,
yhteni (?) ajattelemina ,
emmä tuotakan tokati ,
jott’ on kuollun meijän luoja ,
35 katonut hyvä jumala .
Jumala jokehen juoksi ,
mieš koškehen kuvahti ,
miepä piäsin piäštäjäkše ,
kerkisin kerittäjäkše ,
40 puuttui hattu käteheni ,
puuttui tikku kintahani .
Hämähäkki , huoran poika ,
miksi kerit miun kerän ?
Nylen , nylen nyrkilläni ,
45 pyörrän peikaloisellani ,
kannanpa nahkan kaupunkihen ,
vien viijen kaupunkin ovilla ,
šuan šatamarkkahisen ,
oššanpa hyvän orihin ,
50 hevosen hiirenkarvallisen .
Ajan kumppalin kujoilla ,
kumppalin koirat haukkumah ,
tupaha tähä tupah ,
miss’ on miun kotini merkki ,
55 kultakauha kaivon piällä ,
kultaširkku šeinän piällä ,
ovišeinä on Ošmon luušta ,
peräšeinä petran luušta ,
penkeret pienistä hopeista ,
60 latelohkot lanttiloista .
[– Keltä tämän olet kuullut ?
– Mäne šie ota šieltä ... še kun tuaš juohtu mieleh .]
Veikon tuomiset (Kavonnut hanhi)
карельский: собственно карельское наречие
Кестеньгский
10
25
30
35
40
45
50
55
60
Подарок брата (Утерянный гусь)
русский
10
25
30
35
40
45
50
55
60