Тексты
Вернуться к списку | редактировать | удалить | Создать новый | История изменений | Статистика | ? Помощь
Tiedoiniekku
Tiedoiniekku
карельский: ливвиковское наречие
Сямозерский
Tulow
mužikku d’ogirandah kylän kohtah .Kirguaw poiki d’oves :
– Leibyveičči , tuo ven’oi !
Mužikku ottaw veičen huodras i kaččow veiččeh .Deistvitel’no , veičči oli leiväs ."Naverno neče on tiedoiniekku ".
– Venehen tuon , gu arvannet , äijygo on minul lehmie ?
Toine sinulles .
– Kaksi on , – sanow .
– Muga on , arbait !
Ajaw poikki d’oves .Ottaw mužikan i tullah kodih .Mužikku akale sanow :
– Tämä on tiedoiniekku .Lämmitä kyly , azu piirait , a minä lähten viinuo suan .Siid meile häin sanow , kui myö rubiemmo iellehpäi elämäh .
Akku kylyn lämmitti , piirait azui .Mužikku tuow buti̮lkan viinuo , i ruvetah tiedoiniekkuo gostittamah .Istutahes stolah , ižändy sanow tiedoiniekale :
– Sano , velli , mih minä kuolen ?
Toine vastuaw :
– Huondeksel sanon suwruksettomal suul .
Pietäh mužikkuo yö hyvin .Huondeksel nowzow i ižändäle sanow :
– Nygöi sanon : sinä kuolet – lähtet hevol ajamah , hebo pieröw , siid sinä kuolet .
Mužikal piäh tuli : "Enämbi minä hevol ajamah ni kunne lähte en ".Vuvven aigua ni hevon lähil ei mene .Tulow moine aigu – händäh kučutah linnah .Aigu on talvel .Linnah on kuwzikymmen kilometrie .Duwmaiččow : "D’allai lähtižin – astumistu on äijy .: Hevon ottazin – ei vai pieris ".
No vs’o-taki ottaw hevon .Lähtöw kois hevol ajamah .Dielo on kymmenen čuasun aiguo illal .Ajaw kois päi kuwzi kilometrie , siid on suwri vastumägi , hebo i pieröw vastumägeh nostes .Šliehkahtah kresloih sellälleh : "Nygöi minä olen kuollu "!
Viruw kreslois čuassuo kaksi , d’o roih pimei .Tulow hukkuo arteli , davai hebuo syömäh .
– Tol’ko ku olizin hengis , – sanow , – ga minun hebuo ettö syös !
Hukat hebo syödih dai iäre pyhkittih .Viruw kreslois kaiken yön , nälgävyi ."Nygöi pidäw oppie nosta .
Mowžet voibi i kuolluonnu astuo ".Nowzow i lähtöw kodih astumah .: Tulow kodih , akale sanow :
– Nygöi vet’ minä olen kuollu .Kuvvendel kilometriil suwres vastumäjes hebo pieri , siid minul hengi pakui .
Akkah kaččow :
– Neužel’ ollow tozi ?
Menöw , sanow susiedal :
– Ukko kuoli .
Tulow susiedu , kaččow – mužikku hengis .
– Olettego tolkus , ei häin kuoliet käveltä !
Kuzbo on hebo ?
– Hebo hukat syödih .
Vuozi aiguo oli , tiedoiniekkuhäi sanoi , mih minä kuolen , i nygöi lähtiin linnah , ajoin kuwzi kilometrie suwreh vastumägessäh , hebo pieri – siid minul hengi pakui .Siid tuldih hukat , hebo minul syödih .Žiäli oli hebuo .Hengis gu olluzin , en andanus syvvä !
Siid susiedu hälle sanow :
– Hengis olet , ukko-rukku , sinuo tiedoiniekku puwtaiči .Vainbo voibi uskuo : sen hevon pierendäh kuolet ? I siid mužikku därilleh hengevyis .
Sanoi susiedale passibot i heitti tiedoinikkoih uskondan .Siid häin nygöi tiedoiniekat hävittih iäres .
Tiedoiniekku
карельский: ливвиковское наречие
Сямозерский
–
–
–
–
–
–
–
–
–
Прорицатель
русский
–
–
–
–
–
–
–
–
–