Тексты
Вернуться к списку | редактировать | удалить | Создать новый | История изменений | Статистика | ? Помощь
Ownas Van’a
Ownas Van’a
карельский: ливвиковское наречие
Неккульский
Elettih-oldih molodoit
.Mužikku oli prostoi , a mučoi oli hyvä da čoma kaččua , kaččeile .Händy zaviiduičči suseidu Van’a , što tahtoi hänen kele poznakomiakseh .Aiven händy kaččow , kui oliš hänen kele poznakomiakseh , kui oliš poznakomiakseh , kui oliš poznakomiakseh .Kaččow : lähtiäle astuw mučoi , dai häi (rinnai ollah ga ) menöw lähtiäle .Menöw lähtiäle , menöw lähtiäle , ga jo häi zavodiw paginan , što :
– Vot , mol , – sanow , – sinä oled nengoine hyväine da čomaine da , a mužikku sinul ei ole moine hyvä , – sanow , – a sinä olet , – sanow , – ylen hyväine ,a vot minä , – sanow , – aiven zaviiduičen sinuw , što minä , – sanow , – tahtožin sinun kele druwžiakseh , – sanow .
– A kuibo nenga druwžiakseh , – mučoi se sanow , – kuibo druwžiakseh ?
– Ga vot nenga i nenga , – sanow , – kui-tahto , eigo sua sinullua , – sanow , – kui podoidia ?
– A vot , – sanow , – nenga : tänäpäi ehtäl , – sanow , – mužikku selgiäw meččäh , – sanow , – ga minä voin sen luadia , što , – sanow , – sinä tule , – sanow . – Minä jätän veriän avvoi , häi vai lähtöw dai minä viritäldän tuahuksen , a sinä sledi , što minä viritän , i sit sinä voit tulla . Veriän avvoi jätän .
Nu , mužikku sei kaččow siä ikkunas .Muate viärtäh , gai mučoi viritäldäw dai sammutaldaw tuahuksen dai muatei viäröwgi .Nu , brihal se himoittaw , štobi hänen kel sväžiäkseh , gai tulow sinne , saruale nowzow siä .A mučoi i sanow ukolleh :
– Ken , – sanow , – koliššow sarual , – sanow , – ga .
A mužikku sanow mučoile sille ga :
– Mene , – sanow , – kačo , ken siä , tädä ruadaw , koližow .
– Oi , minä lähten , – sanow , – kaččomah ! Nygöi mužikannu olles et voi mennä iče !Možet ken on ?Mene , – sanow , – kävähtäi sinä !
Dai mužikku lähtöw sinne , menöw – ga susiadu Van’a sarual siä .A hänel oli sananpolvi moine : "suwhkoinettu ".
– Suwhkoinettu ! Midäbo sinä tuliit tänne ?
– A ole velli vaikkani , – sanow , – što minul , – sanow , – huigei oli sinun saruas miäriä ottua , – sanow , – što himoittaš aiven sinun jyttys sarai strojia , – sanow . – A duwmain , vuata , engo voi peitoči ottua miäriä da luadia sinun jytytty saruadu , strojia .
– Ota , velli , ota !
– A en , – sanow , – nygöi ni ota , – sanow , – raz iče , – sanow , – tuliid , da en ni otagi .
Tulow pertih .Tulow dai mučoile i sanowgi .Mučoile sanow , što "susiadu Van’a nygöi ei voi ottua päiväl miäriä , tuli , – sanow , – yäl miäriä ottamah saruas ".Nu . Se myäs muatah , ollah toine päivy .Tulow toine päivy , ga myäs sе Van’a primiättiw , konzu se lähtöw mučoi randah .Dai häi , yhtenaigoi , mennäh sinne , mennäh ga :
– Midäbo , – sanow , – velli muanitiit , – sanow , – egläi , minuw , – sanow , – näidgo ga .
– Ga , – sanow , – tahtoi lähtiä , ga ei ni lähtennyh , – sanow , – meččäh , a tänäpäi , – sanow , – obezatel’no , – sanow , – lähtöw , – sanow , – viä muidu lähtöw , – sanow , – dai häi lähtöw , obezatel’no , – sanow , – lähtöw . Tänäpäi , – sanow , – tule tanhuale , – sanow , – Älä ni tule , – sanow , – saraiveriäh , a tule , – sanow , – tanhutveriäh , minä jätän avvoi , tule , – sanow , – tanhuale .
Nu , sе myäs eletäh päivy se , gai ehty tulow .Tulow ehty , ga myäs mučoi mugažo kui sanoi , što "tuahuksen viritäldän dai sr’uado sammutangi ".Dai muga tuahuksen viritäldäw dai sammutaldaw , da iče muatei menöwgi mužikallua .Menöw , ga lambahat siä ruvetah bliämiččemäh . Häi ku [Van’a ] tanhuale sinne menöw , da žiivatat lomižemah [ruvetah ].A mučoi myäzii sanow ukolleh :
– Midä , – sanow , – žiivatat liännöw lomu luajittu ?Midä liannöw lomu luajittu , – sanow , – žiivatat ?
Nu , a mužikku sanow :
– Ga mene kävähtäi !
– A en d’o , – sanow , – lähte kävähtämäheze , – sanow , – Mužikannu olles mene-taki , možet , – sanow , – myös ken-tahto on .
Mužikku menöw tanhuale , ga Van’a se myäs siä .
– Ga , suwhkoinettu ! Midäbo sinä nygöi , – sanow , – toine ehty jo olet täs ?!
– A olen , – sanow , – toine ehty täs , kačo , – sanow , – jo kolme vuattu , – sanow , – lammas ei juakse , – sanow , – a tahtožin , – sanow , – sanottih , što varrastannethäi bošin , sid i juaksow tämä lammas . A nygöi , – sanow , – sinä tuliid , ga en voi [varrastua ].
– Ga ota , velli , päiväl , ota velli , – mužikku sanow , – päiväl .
– En , nygöi en voi ottua . Gu voinnužin varrastua , järilleh i tuannužin , – sanow .
Nu hyvä .Myäs se Van’a lähtöw iäreh .Mužikku tulow pertih .Tulow pertih , gai sanow :
– Ga Van’a , – sanow , – toižen ehtän , – sanow , – näitgo , – sanow , – bošin tahtoi varrastua , – sanow .– Gu olluš ottanuh , – sanow , – ga järilleh i tuannuš susednom dele , – sanow . – Ga midä , – sanow , – čuwdinneheze ?
Nu sе myäs mučoi ni midä ei virka .Päivy se proidiw , myäs i päiväl siä myäs i primiättiw .
– Midäbo , – sanow , – sinä , velli , minuw kialastelet ? – sanow .
– A en , – sanow , – velli , kialasteliš , – sanow . – Ga vot , jo , – sanow , – selgii dai järilleh jaksoiheze , vod ei lähtennyh , – sanow , – ga kuibo minä voin ? – sanow . – A tänäpäi , – sanow , – lähtöw , obezatel’no lähtöw ! Ei lähte meččäh , a lähtöw , – sanow , – gostih .Tänäpäi , – sanow , – tule pr’uamo , – sanow , – minä jätän veriän avvoi , mugažo tuahuksen viritäldän , sammutan , i sinä , – sanow , – tule pertih pr’uamo .
Dai häi tuas ehtiä sidä vuattaw . Vuattaw , dai muate viärtäh .Myäs mučoi tuahuksen ikkunale panow , dai sammutaldaw , dai muate viärtähgi mužikan kele .Viärtäh muate , ga se Van’a tulow pr’uamo kruavattih .Tulow , ga [ukkoh ] sanow :
– Suwhkoinettu ! Ga midäbo sinä nygöi jo kolmas ehty , – sanow , – čuwditos , – sanow , – tulet ?
– Ole velli vaikkani , – sanow , – kaiken hiarunke riidelen , – sanow , – što sanotah sinul on bariššu , – sanow , – a minä duwmain : a vuata minä lähten da iče opittelen : on vai ei , – sanow , – sinul , se dielo , vai eule , – sanow .
Nu hyvä , dai mužikku se sanow :
– Nygöi opi , velli , opi velli , opi velli , – mužikku sanow , – opi velli , opi !
Nu dai lähtöw iäre Van’a .Lähtöw iäre ga .
Tulow toššupiän myäs lähtiäle , primiättiw .
– Nu kolme ehtiä , – sanow , – sinä minuw muanitteliit , – sanow , – kuibo , – sanow , – nenga nygöi : lähte ei , a sinä , – sanow , – virität tuahuksen , da , – sanow , – kak butto nenga ...
– A , – sanow , – mittuan hirven hiihtiin , ga moižel i tal’l’al maguan ! – sanow . – Enämbiä älägo minuw tunne , älägo łiijä , – sanow .
Da vai eletäh da ollah sе paha mužikku da hyvä mučoi .
Ownas Van’a
карельский: ливвиковское наречие
Неккульский
–
–
–
–
–
–
–
–
–
Хитрый Ваня
русский
–
–
–
–
–
–
–
–
–