Тексты
Вернуться к списку | редактировать | удалить | Создать новый | История изменений | Статистика | ? Помощь
Mokki
Mokki
карельский: ливвиковское наречие
Сямозерский
Eläw
pogostal kewhy leskiakkaine .Hänel on poigu , nimi on Mokki .Vot hänel on ylen kewhy eländy i lähtöw papile kazakakse tariččemaheze .
– Buat’uška , ota minuw kazakakse , ewle leibie syvvä .
Buat’uška sanow :
– Voibi ottua , poigu , vuvvekse otan , sada rubl’ua palkua , otan !
Rubiew Mokki kazakakse vuvvekse .Ruadaw česno vuvven .
– Buat’uška , anna nygöi čottu !
– Vot , Mokki-poigu , – sanow , – voinnet varrastua minul koiran , siid annan kaksisadua , a ku et voinne varrastua – vuvven palkua et sua .
Tulow kodih itkun ker muamah luo :
– Muamo , nygöi on yksi lehmy eluo , dai sen minä išken , ilmai ruavoin minä papis , palkua en sua – häi minul palkua maksa ei .
Muamo op’at’ itkuo :
– Yksi lehmy on dai sen nygöi tapat !
Ottaw veičen , menöw tahnuale , tappaw lehmän .Ottaw nahkan lehmäl umbinaizen , kui oraval .Vuottaw yön aijan .Ottaw nahkan , astuw papin dvorale .Kui häin eli papilluo vuvven , koiru , konešno , tunzi händy , hawkunu ei .Häin otti nahkan , avai i dätti sinne lihua .Koiru n’ulahti sinne sydämeh .Häin otti koiran sidoi i tuli kodih .
Nowzow pappi huondeksel , astuw Mokilluo :
– Varrastiidgo , Mokki , koiran ?
– Varrastin , velli , buat’uška !
– Anna koiru iäre i tule illal čotale !
Tulow illa , Mokki lähtöw papile čotale .
– Vot , Mokki , toine zaduačču sinulles . Minä istumos ikkunpieleh , muatuška istuhes toizeh , d’engat roitah stolal .Voinnet varrastua d’engat , značit , annan kolme sadua , a ku et voinne varrastua , siid vuvven palkua et sua .
Tulow yö .Mokki duwmaiččow , kui papil ottua d’engat .Menöw kalmozemah i kaivaw pokoiniekan verekseh pannun muas i sellittäw omih sobih i tuow , panow ikkunpieleh .Muatuška ku kačahtah gai sanow :
– Buat’uška , kačo , Mokki tuas on !
Buat’uška kui kačahtaw :
– Muatuška , mene tuo orožu !
Muatuška tuow orožan .Pappi ottaw i ambuw pokoiniekan .
– Nygöi , – sanow , – piäzimmö siid , d’engua ei pie maksua . Nygöi läkkä lykkiemmö d’ogeh !
I lähtietäh lykkiemäh d’ogeh .Otetah kuni pokoiniekkua suatetah , Mokki škatulkaizen ker ottaw i kodih menöw .Tullah pappi i papad’d’u d’ogeh lykkiemäs , ga škatulkua d’engoin kere stolal ewle .
– Avoi , – sanow , – pahoin myö ruavoimmo tämän kerran !
Hyö itkemäh : "Vot pahoin myö ruavoimmo !Kuni myö ukseh ymbäri menimmö , Mokki ikkunas päi d’engat otti .Nygöi d’engat i kai lykkäimmö d’ogeh "!Ei pappi tirpa , yöl astuw Mokin muamolluo .Kolottiw :
– Koizgo on poigu ?
– Kois on !
Pappi ihastuw .Tulow Mokki .
– Otiidgo d’engat ?
– Otiin , buat’uška .
– Anna d’engat därilleh , tule huomei čotale .
Mokki ku oli česnoi ruadai , häin andaw kai d’engat papile .Astuw ihastuksis papilluo : "Andaw nygöi pappi čotan ".Pappi sanow :
– Mokki , voinnet gu varrastua minuw iččiedäni , siid annan viizisadua , a ku et voinne , vuvven palku sudre menöw !
Mokki päivän duwmaiččow , kui pappi varrastua .Tulow yö .Menöw kirikköh kellod’algoih i rubiew zvonimah .Hypättih rahvas , juostah kiriköllyö , duwmaijah on požuaru i kyzytäh :
– Ken zvoniw ?
– Zvoniw - Heityi d’umal taivahas päi . Teijen pogostal on ylen božestvennoi pappi , taivahah händy pidäw .Mengie viegie papile viešti , anna ottaw muatuškas prošken’n’an i tuow kai d’engat , d’umal ottaw hänen taivahah .
Lähtöw kirikköstuarostu papilluo .Mokki d’uoksow papin kodih dälles , pidäw tiijustua , midä hyö paistah .Menöw kirikköstuarostu i sanow .
– Buat’uška , heityi d’umal taivahas , tuli ainuo ottamah i käsköw , – sanow , – ota muatuškas prošken’n’u i tuo kai d’engat .
Muatuška itkuo :
– Kuibo nygöi minä elän , ku otat kai d’engat kerale ?
Buat’uška sanow :
– Nellisadua senčois pualičal padazes , niidy d’umal toinah ei tiije !
Mokki senčois kuwndelow .Vai ku pappi i kirikköstuarostu lähtietäh kirikköh , Mokki ennen heidy i juoksow kirikköh .Pappi nowzi pordahie myöte kellod’algoih molitvan kere :
– Oho hospodi , viego minä pädin teille !Kui vernoil pravval sluwžiin mual , muga sluwžin i taivahas !
Nowzow ylähäkse i d’umalale d’algoih :
– Hospodi , nygöi minä sinun ! Vie uaduh , libo ruajuh !
Mokki sanow :
– Toidgo , buat’uška , kai d’engat ?
– Kai toin , ei diäny d’edinoidu kopeikkua .
– Kielastat , buat’uška , d’umalas peittie et sua ! N’ellisadua padaizes senčois pual’čale däi , mene tuo iäres ned !
– О hospodi , d’umalas ei sua peittiä , a rahvahas suaw !
Tulow pappi muatuškalluo .
– Anna kai d’engat , eiga ni taivahah ei ota .
– Dätä hot’ , buat’uška , viizikymmen rubl’ua zuaharniččah , mene tiijä konz d’umal piästäw därilleh !
A Mokki kai kuwli senčois päi .
Lähtöw pappi d’umalalluo , a Mokki sie vuottaw händy .Pappi sanow :
– Hospodi , nygöi kai d’engat toin !
– Buat’uška , nygöi kielastad , viizikymmen rubl’ua zuaharniččah däi . No niijen täh , anna däi muatuškal , a myö sinun kere lennämmö taivahah .
Avuaw nahkan , käsköw papin sinne .Menöw pappi nahkah .Häin ylen hyvin kriepii .
– Nygöi , buat’uška , lendämäh lähtemmö .
Ottaw pordahie myöte ku tujahuttaw alas , pappi vai mukkie kiändäw . Pappi sanow :
– En tiijä kunne viijäh : uaduh vai ruajuh , no dielo d’umalan !
Tulow Mokki dai toizis pordahis dyrähyttäw alas , dai kolmandis työndäw . Pappi vai "hospodii " lugow .Tulow alahakse i ottaw olgupiäle i kandaw papin kon’ušnah i heittäw vazaizelluo .Pappi sie mökkölöitti i nuorat vällendi , i nahkas sie n’ulahtih piä iäres .Vazaine otti dai suwdu hänel : "O hospodi , kačo , an’helit tervehtitäh !– i silittäw , – tiä an’helid on karvaizet "!
Nowzi polvilleh da rubei kaččomah – ga on lehmy : "O , hospodi , kačo i meijen mul’oihut on tiä !D’umalan dieloine .Häin nostaw kai tänne "!
Nowzow sie , tulow tahnule : "Ga täs on minun ri̮iškaine "!Tulow senčoiloih , astuw pertih : "O , hospodi , ga minun komnattu on tiä "!
Muatuška hyppiäw gorničas .
– Kus , urai , olet taivahas ? Omashäi kois olemmo ! Mokki sinuo talutti .
Siid vai ku pappi sanoi :
– En andanu Mokile sadua rubl’ua palkua – annoin kai d’engat , da vie murendi bokis luwd !Anna nygöi Mokki eläw d’umalan ker !
Mokki
карельский: ливвиковское наречие
Сямозерский
–
–
–
–
–
–
–
–
–
–
–
–
–
–
–
–
–
Мокки
русский
–
–
–
–
–
–
–
–
–
–
–
–
–
–
–
–
–
–