Тексты
Вернуться к списку | редактировать | удалить | Создать новый | История изменений | Статистика | ? Помощь
Oli leskiakku
Oli leskiakku
карельский: ливвиковское наречие
Видлицкий
Oli
leskiakku .Hänel oli poigu Iivan .Iivanal naija pidäs , ga ei voi ni paista .Maamalleh kyzyy :
– Maamo , lähten naimah , ga neuvo paista .
Maamah neuvoo :
– Ole viežlevänny , ken tuloo vastah , iele miehen šaapku vai heitä !
Lähtöö Iivan astumah .Mužikku on hevon azettanut pienarrandah , iče komšan kel on kylvämäs toizes agd’as , Iivan otti viuhkutti , viuhkutti šaapkal , hеbо pöllästyi , pageni dai adran murendi .Mužikku tuli dai Iivanan tukisteli dai löi .
Iivan kodih i käändyi i maamal sanoo :
– Lyödih minuu , käskit viežlevänny olla : mužikku kyndi , gu šaapkaa viuhkutin da hebo pageni da adran murendi .Mužikku tuli dai minun kaiken löi !
Maamah sanoo :
– Oh , Iivan , oh Iivan , eihäi muga ni pideli sanua , pideli sanua : "Min panet , semmostu kaksi verdaa kazvakkah "!
Tossu pään taase Iivan lähtöö naimah .Vastavus tuloo hänelleh , mennäh maah pokoiniekkaa panemah .Häi davai kirgumah :
– Min panetto , semmostu kaksimostu maan pääle noskah !
Mužikat händy taase lyvväh .Häi taase maamolloo :
– Maamo , myös lyödih !
– Mindäh ?
– A kirruin , pokoiniekkaa maah pandih : min panetto , semmostu kaksi mostu maan pääle noskah !
Maamah sanoo :
– Oh , Iivan-poigu , sinul pideli šaapku pääz heittää da kirgua : – Sväti̮i boože , sväti̮i krepkii !
Kolmandessu pään lähti opät’ naimah i svaad’bu ajaa venčal .Häi kirguu svaad’bal :
– Sväti̮i boože , sväti̮i krepkii !
Händy opät’ i lyvväh .Tuli kodih , opät’ i sanoo :
– Taase lyödih !
– Mindäh ?
– А svaad’bu ajoi , i minä kirruin : sväti boože , ssäti̮i krepkii .
– Oh , poigu , poigu !
Sinulles pideli pläššiä da hyvää huikata .
Taase lähti Iivan naimah .Astuu – ga tulipalo : riihi on syttynyt .Häi davai pläššimäh da pajattamah .Dai händy i lyödih .Häi tuli kodih :
– Maamo , taase lyödih !
– Oh , poigu , poigu , pideli sinulles rengi ottaa da vetty kaadaa tuleh !
– Vuota , maamo , huomei .
Lähti Iivan , ga mužikku poččii korvendaa .Häi rengin ottaa , toi vetty dai tulen sammutti .Mužikku i löi .Tuli kodih .
– Oh , Iivan , Iivan , pideli sanua : täs roih äijänpäivän vero !
– Vuota , maamo , huomei !
Astuu Van’a , ga mužikku vetty da leibää syöbi .Häi i sanoo :
– Vot on täs hyvä äijänpäivän vero !
Mužikku suutuksissah otti dai löi Iivanan .Tuli kodih .Maamah sanoo :
– Oh , Iivan , Iivan , pannuzin šaapkan silmien pääle da astunuzin ielleh !
Lähtöö Van’a , ga tuloo pappi vastah .Häi i šaapkan silmil panoo .Pappi häneh tartui .D’oi toravuttih .Vanja sanoo :
– Ainos minuu lyvväh , ga nygöi opittelen i minä !
Ottaa lyöbi , lyöbi dai papin tappaa .Tuli kodih d’o hyväs mieles i leyhkää :
– Min liene lyödy minuu , gai nygöi tazain !
Maamah kyzyy :
– Kunnebo panit ?
Maamah yön aigah papin haudah panoo , bokin tappaa dai panoo sinne .Miero tiijustettih , što Iivan tapoi papin .Tullah herrat händy kiini ottamah .Kyzytäh :
– Tapoidgo ?
– Tapoin !
– Kuzbo on ?
– Kuopas .
Maamah neuvoo :
– Menedhäi kuoppah i kyzy : ongo teijän papil n’elli d’algaa , ongo sarvet i ongo pappi kai karvaine ?
Iivanan päälle suututah .Häi gu kuopas nostaa , ga bokki papin sijal .
Mugai Iivan pääzi tyrmäs istumata .Ga yksikai naimata däi .
Oli leskiakku
карельский: ливвиковское наречие
Видлицкий
–
–
–
–
–
–
–
–
–
–
–
–
–
–
–
–
–
[Набитый дурак]
русский
–
–
–
–
–
–
–
–
–
–
–
–
–
–
–
–
–