Тексты
Вернуться к списку | редактировать | удалить | Создать новый | История изменений | Статистика | ? Помощь
Kupsu da pappi
Kupsu da pappi
карельский: ливвиковское наречие
Видлицкий
Oli
ennen kupsu .Kupsal oli poigu .Poigu rubei käwmäh zagranitsah .Ižändäl oli aino poigu .Häi naitoi sen .Sid däi poigu armoittomakse ižäs , heile oli omad karablid , i häi rubei käymäh zagranitsah .Hänen raučoil däi vastomaine kohtu .
Pappi tahtoi hänen kel l’ubovan azua .Kerran nuori mučoi däi yksinäh kodih .Vastalpäi oli vanhu staruuhu , leski .Pappi meni sen leskellöö paginal , kui saaha moloduuhu l’ubovaa papin ker pidämäh .Staruuha , leski , sanoo :
– Minä saan hänen .Hänel däi vastomaine kohtu , i minä sanon hänel , što pappi pidää tuvva pokaajimah .
Leski meni moodluuhalloo paginal .Leski kačoi moloduuhal silmih i sanoo :
– Sinul ukossaz ei ole däänyh täwzi kohtu , a on vajaa .Ižändälles on olluh kiireh lähtiä i däänyh on lapsi sinul vajaakse .
Moloduuha sanoo baabuškal :
– Kuibo se voinoo kohendaa ?
Baabuška sanoo :
– Kuču pappi pokaajimah , sid pappi sanoo , kui voibi popraavia .
Häi gu sanoo , sid moloduuha sanoo :
– Mene kuču pappii pokaajimah .
Tuli pappi , gu kučui baabuška .Moloduuha sanoo baat’uškal :
– Baat’uška , nenga i nenga minul sanoi leski-baabuška , što minul on keskenaiguine kohtu , kuibo voibi popraavia ?
Pappi sanoo :
– Eto ne beda , popraviimo , – pappi sanoi , – Minä sinul popraavin .
Pappi sid rubia iellehpäi popraavimah .Konzugo panoo käin , konzugo d’allan , konzugo min i popraavii .Menöö aigu i saa moloduuhu poijan .Poigaa ennen ižändän tulendaa ei ristitännyh , a vuotti ižändän tulendaa .Tuli ižändy kodih .Ižändy otti lapsen yskäh , otti kartočkan kormanis i sanoo :
– Vod on lapsi ihan gu minä !
A emändy otvečaiččoo :
– Da , gu sinä , gu sinä !Sinä kiirehtäd lähtiä !Hyvä pappi parandi , muite rodinnus urodu maal !
Häi sanoo :
– Ole vaikkane , ženaa , sinun pappi maanitti !
Laadi ristiäzed ižändy poijal , prigotoovi baalun .Häi työndi kuučarit muidu gospodoi baaluh kuččumah , a pappii lähti iče tuomah .Sid papad’ju rubie šuoriemah , tahtoo lähtie heijän ker yhtes .Kupsu sanoo :
– Net , maatuška , tulen minä sinuu uuvessah ottamah , nygöi eule udobno lähtiä baat’uškan ker .
Papin vedi baaluh .Papad’jaa tuli iče uuvessah ottamah myös .Papad’ju rubia šuoriemah .Stolal kandoi kai ruutad : kol’čažed , ser’gazed .Hai d’algaa stuulal nosteli , šibliettoi d’algah i sukkii pani .Sil aigaa kupsu Ivan Vasil’jevič otti ser’gazed i pani ičelleh kormanih .Muus šuorii papad’ju , rabaih ser’gazii eččimäh .
– Kunne ser’gazed liene hävitty , däi baaluh lähtendy muga !
Ivan Vasil’jevič sanoo :
– Minä , maatuška , zagranitsah kävin i kuulin .Sinä nygöi nečiz d’algaa nostelid stuulal , panid sukkii d’algah , ga sinul ser’gazed vedi magniettıı sinne .
Häi sanoo :
– Oi , Ivan Vasil’jevič , eigo voi niidy saaha kui ääre ?
– Ylen herky , vaste gu mendih , ga helpolgi voi i saaha .
Nu , maatuška , pidää oppia saaha .
Papad’ju vieri . Ivan Vasil’jevič oppii saaha .Ongitti , ongitti , kormanis otti ser’gazed dai sanoo :
– Vot yhten i sain !
Toizen nostaldi :
– Vot i toizen sain !
Papad’ju sanoo :
– Vie kylykattil meile hävii , vuozi aigaa , eigo segi sinne mennyh ?
– Voibi proobuija , – sanoo Ivan Vasil’jevič .
Dai ottaa vähäzel päčin očaz hieroo käin nogeh .
Proobuičči , sanoo :
– Kačo , kattilal särves ripuin , ga loitton on , en voinuh tavata .Kačo , kai käin hieroin nogeh .Nygöi pidää kiirehtää baaluh , toiči , – sanoo , – saammo .
Lähteih baaluh , ajettih .Baaluh ugoššenii loppih .Pappi veseldyi , ičelleh łyöö rindaa :
– Minuu gu eullus , ga ni tädä baaluu täz ei oliz !
Papad’ju otvetoičči :
– Midäbo sinä tiijäd ?Yhten kirikköh käyd da sie börbötäd vai .Vod gu Ivan Vasil’jevič zagranitsah käybi , ga i tiedää .Ivan Vasil’jeviččaa , ižändy , gu eullus , ga ni minä täz baaluz en oliz , eigo ser’gazet korvazis oldas !A kylykattilaa räähkyičemmö : tämä otti , tai otti , a kylykattil tää on !
Kupsu da pappi
карельский: ливвиковское наречие
Видлицкий
–
–
–
–
–
–
–
–
–
–
–
–
–
–
–
–
–
–
–
Купец и поп
русский
–
–
–
–
–
–
–
–
–
–
–
–
–
–
–
–
–
–
–