Тексты
Вернуться к списку | редактировать | удалить | Создать новый | История изменений | Статистика | ? Помощь
Bohattu i kewhy velli
Bohattu i kewhy velli
карельский: ливвиковское наречие
Сямозерский
Oli
sie ennen kaksi vellesty , yksi oli kewhy , toine oli bohattu .Bohatal oli Il’l’u nimi , a kewhäl oli Ol’eksi .Kewhäl ku kevät tulow , heinät lopittiiheze , a vellekset molletit oldih tyräperziet .Kewhy menöw bohatan vellen luo , sanow :
– Anna , veikoi , heinie hos takku .
A bohattu sanow :
– Mene iäre , ei rodei ni miituttu heiniä , sinul hebo hos töllökkäi .
Kewhy tulow kodih , Ol’eksii , i akalleh sanow :
– Nenga sanoi Il’l’u veikoi : sinun hebo hot’ töllökkäi nälgäh .Nygöi pidäw hot’ dorogoi haravoimah libo suabransijuo .
Lähti , otti haravan haravoida dorogoi , suabransijuo .Menöw niitule .Keskiniitul on ojaine .Rubei harpuamah ojas piäliči , ojah upponow , kai štanit kastuw .Nowzi sie mužikku ojas : pidäw kuivata štanit , eiga roih vilu .Häin päiväh päi perzien myl’čisti i pidäw perzetty .Kaččow , juoksow karun brihačču juwri mužikkah kohti .I rubei sidä karun brihačču tyrie opittelemah : "Tämä on den’gukukkaro ".Ottaw brihačču tyrän leikkuaw iäre i lähtöw kodih tuattah i muamah luo :
– Kačoi vai , tati da mami , minä den’gukukkaron löwdin .
Tuattah da muamah rubettih kaččomah sidä kukkaruo .Sanotah :
– Tämä on tyrä .Tämä tyrä huomei vie endizeh sijah , kus i otit .Durakkuo elä val’aiče , mikse otit mužikal tyrän .
А sе kewhy mužikku otti da kodii i lähti britvuamah , ylen kebie rodei matkata .Bohatan pihuo myö astuw , velles pihal halguo halgow .Bohattu sanow :
– Kus olit , tyräperze ?
A kewhy sanow :
– Toinai ewle tyriä , kačo vai ga !
Bohattu velli sanow :
– Oi velli , kunna sinä paniit tyrän , n’evvo mille , kui tyrä hävittiä .
A kewhy velli sanow :
– Oho , n’evvon , ga ku andanet heinie rien , ruistu huavon , siid äski n’evvon .
– Annan , veikoi , ota mi tahto .
Kewhy velleh hevon val’l’astaw , ajaw bohatan vellen luo saraille , i pannah regi ylen suwri i ajaw omale saraile rien .I ottaw ruistu huavon – bohattu velleh andaw .Siid kewhy velles ihastui : "Nygy piäzöw kezäh hebo , dai iče piäzemmö kagrua kylvämäh ".Tulow bohattu velli Il’l’u Ol’ošan luo .
– Veikoi , nygy n’evvo mille , kui tyräs piästä .
– Nygy kačo , n’evvon , minun hiäs piästit .
Huomei huondeksel nowzet maguamas , ota haraw kädeh , astu niitule – keskiniitul on ojaine .Ojaizelluo mennet , ojaizeh uppone tyrihsah vedeh .Kastu hyvin .Nosset ojas , päiväh päi perze kirkota .Siid brihačcu tulow . Brihačču tullow , hot’ midä ruadannow , virka ni midä älä .
Brihačua tuatto da muamo nostatettih aijoin , štobi tyrä oliz viedy endizelleh .Brihačču lähtöw tyriä viemäh .Tulow mužikan bohatan luo , tyrän tartuttaw bohatale mužikale , bohattu Il’l’u ni midä ei virkä .Brihačču tartutti ylen hyvin i kodih lähti .Mužikku pidi perzetty päivah päi lähembi ehtua .Duwmaiččow : "Pidäw lähtie kodih nygy ".Rubei štaniloi jalgah nostamah – ei tyrät synnytä kuadieloih .
Bohattu mužikku itkuu röngähtih ."Kačo , midä luadi , oli endine tyrä tobd’u , nygy vie toine puwtui sille piäle ".
Lähtöw kodih päi astumah , ei voi ni kunna päi astuo kahten tyrän kere .Odva vaigu kodih tuli (lyölöitti ).Toine velleh ikkunas kaččow , kewhy .Tuli ikkunoin ual , sanow :
– Midä , veikoi , piäzidgo tyräs ?
– Midä , – sanow , – piäzin , toine tyrä puwtettih , nygy on kaksi tyriä .
Kewhy velles sanow :
– Bohatale kaksi i pidäw , yhtes tyräs ni midä .
Rubei bohattu velli čakkuamah :
– Kačo , heinyrien muanitit , ruistu huavon i tyrän mille andoit .Kuibo minä nygy kävelen lopun igän ?
Kävelöw lopun igän .Kewhy piäzi i eläw hyvin .
Bohattu i kewhy velli
карельский: ливвиковское наречие
Сямозерский
–
–
–
–
–
–
–
–
–
–
–
–
Богатый и бедный брат
русский
–
–
–
–
–
–
–
–
–
–
–
–