Тексты
Вернуться к списку | редактировать | удалить | Создать новый | История изменений | Статистика | ? Помощь
Оn ennen ukko da akku
Оn ennen ukko da akku
карельский: ливвиковское наречие
Видлицкий
Оn ennen
ukko da akku .Ukko on ylen lašku , a akku ainoz raadaa .Ukol gu kevät tuloo , häi eččii tedren däičät , kodih tuoo i virših panoo i päčil kaadiezilleh istuu däiččien pääl , iče vai sanoo : "Kl’u , kl’u "!A akku rukku kyndämäh kävyy keväen kaiken .I akku vi̮dumaičči – häi pakičči saldatal sovat :
– Andele minul sobii hot’ kahtekse čaassuu .
I šuorii saldatoin sobih , tuli keski päiväl kodih , dyrähytti veräädy omassah .Mužikku ylen terväzeh hyppäi , verään avai dai därilleh päčil d’uoksi .Tulihäi akku pertih , buitegu saldattu , d’allal gu dyrähytti i mužikal sanoo :
– Midäbo päčil sinä istut ?
Dai viršin kel mužikan vedi lattial .Däičät taputteli lattial kai . Mužikan korvaili , sanoo :
– Kyly pane ylen terväh , minä olen raanittu voinal .
Mužikku kylyn lämmitti .Akku meni , kylyn kylbi dai ääre , lähti i iče sanoo lähtijes :
– Vie gu tämän päivän dällez gu akkaadas pellol kyndämäz nähnen , ga sid gu tulen dai ammun !
Akku meni , sovat därilleh saldatal andoi , a illal tuli hevon kel kodih .Mužikku saneloo akal :
– Tol’ko , akku rukku , mi lienöö herroi tänäpäi käynyt , – iče itköo i saneloo .– En enämbää , akku rukku , sinuu työnä kyndämäh , eiga herru gu tulloo dai ambuu minun .
Оn ennen ukko da akku
карельский: ливвиковское наречие
Видлицкий
–
–
–
–
–
[Ленивый муж]
русский
–
–
–
–
–