Тексты
Вернуться к списку | редактировать | удалить | Создать новый | История изменений | Статистика | ? Помощь
Zirkaložeh näh
Zirkaložeh näh
карельский: ливвиковское наречие
Неккульский
Eletäh-ollah molodoit
da muamah da tuattah .Mužikku lähtöw linnah .Lähtöw linnah , häi siä ostaw zirkaložen piänen .Ostaw zirkaložen da tuaw kodih , da ei ozuta ni kelle , a panow pialuksih .Pialuksih panow , a mučoi rubiawgi sijua kabrastamah .Häi löwdäw siä pialuksis zirkaložen .Kačahtahezehäi , ga siä moine nuarikkaine , čomaine , hyväine .Häi davai itkuw , davai itkuw !
– Oi , – sanow , – nygöi nengoman on löwdännyh hyväžen da čomažen , ga minuw iäre tyändäw , ei nygöi minunke rubia elämäh !
Tulow muatuškah pertih . Tulow muatuškah pertih ga :
– Midäbo , nevesky , itket ?
– A itken , – sanow , – kačahtai nygöi , – sanow , – linnah tyäniittö , – sanow , – poijan ga , nygöi minun iäre työndäw , nengoman on hyväžen da čomažen löwdännyh , – sanow . – Ga , minunke-taki ei rubia elämäh !
Muatuškah sanow :
– Vuatas minä kačon !
Kačahtahezehäi ga :
– Nevesky-rukku , – sanow , – ga ei jo ole hyväine da čomaine , – sanow .– Ga avoi , voi , midä nygöi ollow elänyh , gu on nengoman tuhman , – sanow , – da vanhan ottanuh !
Mollei itkiätäh , mollei itkiätäh .Tulow starikku pertih , tuattah se .Tulow ga :
– Midäbo nygöi itkettö mollei ?
– Ga midä itkemmö ! Näidgöi , – sanow , – gu poijan tyäniithäi linnah , ga , – sanow , – kačo nygöi , mittuman on staruwhan , – sanow .– löwdänyt ! Näidgo nygöi , ollowgo kummua , vai ewllene , nengoman on staruwhan ...
Starikku sanow :
– Ozuttuattos minule !
Ga häi kačahtahezehäi : ga starikku , vanhu , parranke !
– Ga midä jo on , – sanow , – eihäi ole tämä ni staruwha , ei ole ni mi , – sanow . – A tämä on , – sanow , – starikku da vanhu , da paha ! Jo nygöi , – sanow , starikku se sanow , – midä , poigu-rukku , ollet elännyh nygöi , gu en tiijä , – sanow , – gu starikku on tämä ihan !
Jo itkiätäh kolmei .Itkiätäh , itkiätäh , ga tulow poigu kodih .Tulow poigu kodih ga :
– Midäbo nygöi kaikin itkettö ?
– Ka midä itkemmö ! Midä ollet elänyh , gu nygöi vanhu starikku täs on dai .Hyvin oled nygöi elänyh , ga hyvin oled elänyh !
– Ga kuibo neče da midäbo ?
– Ga nengai nenga : löwdi nevesky pialuksis sinul .
Ottaw poigu zirkaložen dai sanow mučoile :
– Tules nygöi tänne !
Tulow mučoi .
– Kačahtais sinä täh zirkaložeh .
Kačahtaheze ga .Sanow [mužikku ]:
– Oledgo sinä iče ?
– Ka enhäi minä liijä , minä ičego vai ken olen , – sanow . – Enhäi minä näi iččiä !
– Gu ed näi iččiä , ga sinä iče olet , – sanow . – Zirkaloine ozuttaw , što sinä oled iče .
Nu mučoi ihastuw , što , vod mol , mittuine olen nuarikkaine da čomaine , da hyväine – iččiädäh nägi .
Kuččuw muamuadah , sanow :
– Muamo , tules sinä nygöi tänne !
Tulowhäi tänne ga :
– Muamo , kačahtai , – sanow , – sinä oledgo iče , ollahgo sinun ruppižet ?
– Ga minun ollah onnuako , poigu-rukku , ruppižet , dai minä olengi , minä olen .
– Tules , tuatto , tänne !
Tulow tuattah .
– Kačahtai nygöi iččiädäs .
Kačahtahezehäi , ga parranke .
– Oledgo iče ?
– Ga vrode , poigu-rukku , iče olen , iče olen .
Nu , eletäh-ollah , kaikin ruvetah iččiä nägemäh zirkalos , dai ihastuttih . Da vai eletäh da zirkalos omua iččiä kačotah .
Zirkaložeh näh
карельский: ливвиковское наречие
Неккульский
–
–
–
–
–
–
–
–
–
–
Сказка о зеркальце
русский
–
–
–
–
–
–
–
–
–