Тексты
Вернуться к списку | редактировать | удалить | Создать новый | История изменений | Статистика | ? Помощь
Bokko da tyttö
Bokko da tyttö
карельский: собственно карельское наречие
Ругозерский
Oli
ennen ukko da akka .Hyö molemmat kuoldih , däi yksi tytär da bokko .Bokko biägyy , biägyy , kun kuoli emändä .Tyttö i šanou :
– Lähemmä hot’ kunne , bokko , toizeh kyläh piän eloh .Emmägö voi missä piädä elättiä .
Šiidä lähettih bokon keralla – olgie kubon regeh .Bokko vedäy regie , a hiän dälgeh aštuu .Bokko i šanou tytöllä :
– A-voi-voi , nyt tulou šuuri Šyötär-akka vaštah .Mäne olgikuvon šiämeh , peittäyvy .(Tyttö oli ylen kaunis ).
Tyttö i peittäydy .Aštuu bokko , vedäy šidä regie .Tulou Šyötär-akka vaštah .Kyžyy :
– Kunne mänet , midä vejät ?
Bokko vaštuau :
– Läksin piän eloh .Otin olgie kubozen , kuin nälläššyn , nin šyön .
Proidi Šyötär-akka , tyttö i nouži šieldä rejestä pois .Tuaš tulou toine Šyötär-akka vaštah .Šanou bokolla :
– Kunne mänet , midä vejät ?
A tyttö mäni peittoh yhen ollen šiämeh .Šyötär-akka puistelou kaiket ollet . Ei ni midä löydän .Kaikki ollet keräi kuboh . Ei košken .Dai proidi ielläh .Tyttö nouzi .Aššutah bokon kera rinnakkah .Kaččou , ka kylä näkyy .Männäh köyhän leškiakan luokši . Kolistau ikkunah .Šanou akalla , d’otta hiän laškis heidä yökši .Staruha šanou :
– Tulgua , tulgua .
Tyttö šanou :
— Mistä staučašta milma šyötät , šiidä i miun bokkuo šyötä , millä šijalla milma magautat , šillä miun bokkuo .
– Tule , tule , – šanou leškiakka , – kaikki niin luajin .
Dai tuli tyttö bokon kera pertih .Missä bokko maguau , šiinä i tyttö .Ylen kaunis on tyttö .Illalla istuu , d’oga päiviä ikkunan viereššä ruadau .
Ivan-careivičalla šanotah , d’otta on hyvä tyttö šiinä talošša .Šiidä Ivan-careivič rubieu šidä tyttyö koziččomah .Žen tytön ottau miehellä .Dai bokon ottau priduan’eiksi .Emändä laški bokon pihalla .Bokon varašti Šyötär-akka .Emändä lähtöy eččimäh bokkuo , kuin bokko myöhäšty , ei tullun kodih .Tulou šillä naizella vastah Šyötär-akka , kyžyy :
– Kunne mänet ?
Naine šanou :
– Mänen bokkuo eččimäh , bokko kado .
Šyötär-akka šanou :
– Proiji miun d’aloin keššistä läbi , ni löydyy šiun bokko .
Kun naine proidi d’allankeššičči , niin muuttuigi Šyötär-akakši , a Šyötär-akka naizekši .Otti bokon dai mänöy Ivan-careivičan luokši .Šanou :
– Kačo , mie löyvin bokon .
Ivan-careivič kaččou : kuin buito ei ole hänen akka , kuin on muštaverine .A bokko biägyy , igävöiččöy omua emändiä .Ivan-careivič mänöy leškiakan luokši dai šanou : šenin da šenin , "ei ole miun akka .Midä mie ruadazin ?".Leškiakka šanou :
– Mäne vai meččäh da tuo akkaš kodih , mie probuičen hot’ midä ruadua .A Šyötär-akka aja pois .
Ivan-careivič mänöy meččäh , aštuu – tulou vaštah akkah .
Häin i šanou :
– Läkkä poiges kodih .Bokko itköy , igävöiččöy .Läkkä pois kodih , a Šyötär-akan ajamma pois .
Lähettih ukon kera kodih .A Šyötär-akka ei tiijä , d’otta hiän on akkua eččimäššä , vain koissa rehendeliečöy .
Šiidä Ivan-careivič toi akkah leškiakan luokši , a iče mäni kodih , šanou Šyötär-akalla :
– Šiula täydyy lähtie miun luoda pois , et šie ole emändä .
Šyötär-akka šanou :
– Kuin mie kerran tulin šiun moržiemekši , nin kunne mie lähen ?
Ivan-careivič šanou :
– Kušta tuliit , šinne i mäne .
Šyötär-akka kaččou – ei tullun elošta .Šuoriudu i läksi pois .
Mänöy Ivan-careivič , ottau akan , i ruvetah hänen kera da bokon kera elämäh .Bokko heitti biägynnän .Šiihi i loppu .Šiidä eläyvyttih endizen akan kera .
Bokko da tyttö
карельский: собственно карельское наречие
Ругозерский
–
–
–
–
–
–
—
–
–
–
–
–
–
–
–
–
Девушка и баран
русский
–
–
–
–
–
–
–
–
–
–
–
–
–
–
–
–