Тексты
Вернуться к списку | редактировать | удалить | Создать новый | История изменений | Статистика | ? Помощь
Oli yhekšän poigoo ukolla da akalla
Oli yhekšän poigoo ukolla da akalla
карельский: собственно карельское наречие
Паданский
Oli
yhekšän poigoo ukolla da akalla , pojat lähettih koista i šanottih moomollah :
– Ku šoonet tyttären , ni pane kuoželi veräjän peellä , ku šoonet pojan , ni pahe puraš veräjän peellä .
A Syöttäri bleedi kuundeli ikkunan alla .Akka šai tyttären i pani kuoželin veräjän peellä , a Syöttärin bleedi pani purahan veräjän peellä , a kuoželin otti .Pojat tullah , itetäh , itetäh , i lähettih pois .
Tyttöni ni kažvo , mäni leskiakan luoh i šano :
– Oligo miula veikkuo ?
Leškiakka šanou :
– Oli yhekšän veikkuo .
Tyttöni šanou :
– Blahoslovikko miuda , miä lähen veikkoloin luoh .
Händä blahoslovittih , i hiän läksi matkah rikkikoiražen kera .Matkai , matkai , matkai , tuli Syöttärin akka vaštah i kyzy :
– Kunna mänet ?
Šanou :
– Läksin veikkoloin luoh .
– Ota miuda .
– En ota .
– Et ottane – lähen , ottanet – lähen , – šano i läksi tyttöžen kera matkah .
Matattih , matattih , matattih , tuli lambi vaštah .Syöttärin akka šanou :
– Nukka , tyttön , därveh .
– En rubia .
Rikkikoirani šanou :
– Hyvän emän tytär , hyvän izän tytär , elä rubia därveh , varaštau siulda voottiat .
Syöttärin akka ottau da poolikalla koirasta isköy , koiraželda d’alga i katkieu .No tyttöni därviä kylvömäh ei rubennun .Lähettih ielläh matkah .Matattih , matattih , matattih , tuli lambini vaštah .Syöttärin akka šanou :
– Nukka , tyttöni , därveh .
– En rubia .
Rikkikoirani šanou :
– Hyvän emän tytär , hyvän izän tytär , elä rubia därveh , varaštau siulda voottiat .
Syöttärin akka ku koirasta poolikalla kolahuttau , dai d’alga i katkiau .No tyttöni därviä kylvömäh ei rubennun .Lähettih ielläh matkah .A rikkikoirani klikkiy kahella d’allalla .Matattih , matattih , matattih , tuli lambini vaštah .Syöttärin akka i šanou :
– Nukka siä därviä kylvömäh .
– En rubia .
Rikkikoirani šanou :
– Hyvän emän tytär , hyvän izän tytär , elä rubia därviä kylvömäh , varaštau siulda voottiat .
Syöttärin akka kun ottau da koirasta poolikkažella i kolahuttau , koiraželda d’algani i katkiau .Lähettih matkah , a koirani klikkiy d’o yhellä d’allalla .Matattih , matattih , matattih , tuli lambini vaštah .Syöttärin akka šanou :
– Nukka siä , tyttön , därviä kylvömäh .
– En rubia .
Koirani i šanou :
– Hyvän emän tytär , hyvän izän tytär , elä rubia därviä kylvömäh ,varaštau siulda šobat .
Syöttärin akka koirasta poolikalla i kolahuttau , koiraželda dälgimäni d’algani katkei .Lähettih ielläh matkah .Koirani van vieröy mooda myöteh .Matattih , matattih , matattih , tuli lambini vaštah .
Syöttärin akka i šanou :
–Nukka siä , tyttön , kylvömäh , ku on ägiä .
– En rubia .
Koirani šanou :
– Hyvän emän tytär , hyvän izän tytär , elä rubia därviä kylvömäh , varaštau siulda voottiat .
Syöttärin akka silmän koiraželda i kaivau .Lähettih ielläh matkah .Matattih , matattih , matattih – tuli lambini vaštah .Syöttärin akka i šanou :
– Ka nukka siä , tyttön , täššä myö kylvemmä därven .
– En rubia .
Koirani šanou :
– Hyvän emän tytär , hyvän izän tytär , elä rubia därveh , varaštau siulda voottiat .
Syöttärin akka koiraželda toižen silmän i kaivo da lopun šuohoh šotki .Lähettih matkah ielläh kahen , koirani däi .Tyttö itköy , itköy , itköy .Matattih , matattih , matattih , tuli lambi vaštah .Syöttärin akka šanou :
– Nukka , tyttön , därviä kylvömäh .
– En rubia .
– Rubennet – peežet eloh , et rubenne – tapan .
Prišlos’ rubeta därviä kylvömäh .D’akšattihižeh .Syöttärin akka šanou :
– Kudamani loitomma mänemmä , kudamani loitomma mänemmä ?
Moonitti tytön da lykkäi vedeh loitoš , a iče d’uoksi da hänen hyvät šulkužet šobat peellä pani da läksi matkah , a tyttöžellä dätti rogozažet omahah šobat .Tyttöni tuli dälgeh itušša , vooteida kyzyy , a Syöttärin akka šanou :
– Vuota , mänemmä veikkoloin talon luoh , dai anan .
Tyttöžellä pidäy matata rogozažissa vootteišša .Matattih , matattih , mändih veikkoloin pordahien luoh , veikot tuldih vaštah .Ku kačotah , on kudamani hyvissä šulkuzišša vootteišša , se i temmattih perttih , a toini däi rogozažissa sihi .Syöttärin akalda kyzytäh :
– Kembä , čikko , tuo on rogozavootteišša ?
– En tiijä ken ollou , dorogalla miun kera tuli .
Syöttärin akka tuli čikoksi , a čikko Syöttärin akaksi .Työnnettih tytöištä paimenih .Hiän mäni , nouzi korgiella kivellä da van pajattau , a veikko kuundelou (pajattau linduloilla , ku linnut rubettih peeličči lendämäh ):
Lugluni , lagluhi ,
viegee viesti tootollani ,
viegee viesti moomollani :
olen pal’l’o paimenissa ,
kirjon , karjon kačonnissa ,
yhekšissä veijoissa ,
kahekšoissa min’n’oissa ,
kivirieška syödävänä ,
šavikurnikka purdavana .
Syöttarin akka on miin sijašša ,
miä olen Syöttärin akan sijašša .
Rikkikoiraželda d’allat katko ,
šuohoh šotki ,
silmät kaivo ,
šobat varašti .
Veikko rubei duumaimah : "Eigöhän tämä ole miän čikko , a se , kudamani on nyt meijen čikkona , ole Syöttärin akka ?".I šano toizilla veikoilla .Veikoi ei uššottoo .Tyttöni työnnettih toišša peenä tooš paimenih .Nyt kuundelou toini veikko .Tyttöni kivellä ištuu da pajattau , ku linnut rubettih peeličči lendämäh :
Lugluni , lagluni ,
viegee viesti tootollani ,
viegee viesti moomollani :
Olen pal’l’o paimenissa ,
kirjon , karjon kačonnissa ,
yhekšissä veijoissa ,
kahekšoissa min’n’oissa ,
kivirieška syödävänä ,
šavikurnikka purdavana .
Syöttärin akka on miun sijašša ,
miä olen Syöttärin akan sijašša .
Rikkikoiraželda d’allat katko ,
šuohoh šotki ,
silmät kaivo ,
šobat varašti .
Veikko tooš viestin vei toizilla veikkoloilla , nyt lähetäh toišša peenä kai yhekšän veikkuo kuundelomah , midä paimen pajattau .Ku linnut peeličči rubettih lendämäh , hiän ni rubei pajattamah , a veikot kai kuunnellah :
Lugluni , lagluni ,
viegee viesti tootollani ,
viegee vlesti moomollani :
olen pal’l’o paimenissa ,
kirjon , karjon kačonnissa ,
yhekšissä veijoissa ,
kahekšoissa min’n’oissa ,
kivirieška syödävänä ,
šavikurnikka purdavana ,
Syöttärin akka on miun sijašša ,
Miä olen Syöttärin akan sijašša .
Rikkikoiraželda d’allat katko ,
šuohoh šotki ,
silmät kaivo ,
šobat varašti .
Veikot paissah keskenäh :
– Tämä on meilä oma čikko , a se eule meijen čikko .
Tuldih paimentytön luoh , kyzyttih :
– Midäbä , tyttözeni , pajatat , ken siä olet ?
Tyttöni šanou :
– Miä olen teijen čikko .
Šano kaiken , kuin hiän läksi koišta , kuin tuli tän , kaiken šano .Veikot tuldih kodih , a sillä Syöttärin akalla ei šanottu ni midä .Lämmitettih kyly , kiehašutettih tervabučči , bučilla peellä pandih ruškia šarga , tuldih Syöttärin akkoo kylyh pyrittämäh :
– Hoi , čikko , läkkä kylyh , myö kylyn lämmitimmä .
– En lähe ; ei himota .
– Ka läkkä siä , čikko , matašta tulduo kylyh .
Läksi .Viehätetäh käzipuoliškoloista , šanotah :
– Čikko , aššu tuoda šargoo myöten .
Hiän ku aštu , dai tervabuččih čolkahtih , sin ni korveni .Alletah nastojaščoida čikkoo gostittaa da ugostia .Sihi i starina loppu .Alletah elee da piruija .
Oli yhekšän poigoo ukolla da akalla
карельский: собственно карельское наречие
Паданский
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
[Девять братьев и сестра]
русский
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–