Тексты
Вернуться к списку | редактировать | удалить | Создать новый | История изменений | Статистика | ? Помощь
Akka i kattila
Akka i kattila
карельский: собственно карельское наречие
Подужемский
Elettih
muinoin ukko da akka .Heilä oli yksi kattila da pirtti paha-paba .Ukko kuoli .Akka da kattila diädih eloh .Akalla rubezi himottamah huttuo .Akka läksi ovešta , kattila karjuu :
– Anna mie lähen !
Kattila läksi , vieröy , vieröy toizen bohatan talon ed’eh .Šieldä tuldih niitolda ukko , akka da kazakat .Ruvettih huttuo keittämäh , heilä kattiloa ei ni ollu .Ukko rubezi huhuomah :
– Kattila on veräjän ieššä , ragaičetta kattiloida !
Šiidä akka otti kattilah , rubezi huttuo keittämäh .Noššettin kattila stolalla .Ruvettih ašteida panomah .Kattila hyppäzi stolalda da rubezi vierömäh oman veräjän ed’eh .Karjuu akalla :
– Avua veräjät !
Akka avazi veräjän .Nošti kattilan stolalla , otti hutun , piäšti aštieh , otti kattilan , pezi da pani hingalolla ...
Šiidä akka šanou :
– Himottau voida .
Tuaš kattilan työndäy voida eččimäh .Kattila läksi da vieri tuaš veräjän ed’eh .Šielä vanha akka voida kolauttau .Akka voin kolautti , ei ole ni mihi piäštyä .Šiidä läksi toizešta talošta aštetta kyžymäh .Kaččou – kattila on veräjän ieššä , ottau žen kattilan da voin piäštäy ših kattilah .Akka pezi voin da šuolazi , pani šiidä stolalla .Kattila hyppäzi tuaš da läksi vierömäh oman veräjän luo .Karjuu akalla :
– Avua veräjä !
Akka šöi huttuo voin keralla , nouzi kiugoalla da šanou :
– Ukkuo himottau .
Kattila läksi vierömäh .Vieri , vieri vierahalla sittatungivolla .Kaččou , tulou ukko ulloš .Ukko kaččou , täššä on kattila , pidäy kattilah ulloštauduo .Hiän kun rubezi kattilah šittumah , kattila i puuttu peržieh .Kattila vierömäh , ukko karjumah .Kattila vieri oman veräjän ed’eh .Akallah tuaš karjuu :
– Avua veräjät , akka !
Kaččou – ukko kattilašša .Šiidä šanou akka ukolla :
– Nouže poigeš kiugualla .
Akka i kattila
карельский: собственно карельское наречие
Подужемский
–
–
–
–
–
–
–
–
Старуха и котел
русский
–
–
–
–
–
–
–
–