Тексты
Вернуться к списку | редактировать | удалить | Создать новый | История изменений | Статистика | ? Помощь
Ei viernoi akka
Ei viernoi akka
карельский: собственно карельское наречие
Паданский
Oli
ennen ukko da akka .Akalla oli kolme druuguo .Yksi oli Pekka pellon poikki , toin’e oli Mikki , a kolmas Van’ka .No tulou yht’enä peenä ukko mečästä , istuotou ildažella dai šanou akalla :
– Akka , tänä peenä mie näin spoossuo ylen pitässä kuuzessa , i miulda priimi kaiken reehän .
Akka šanou :
– Priimiygo i miulda ?
Ukko šanou :
– Priimiy i siulda , – šanou .
Dai akka huomuksella nouzi , ukon d’uotti , syötti i lähtöy sen spoossun luoksi reehkee šanomah .A ukko däi kodih .Ukko , kun akka läksi , kylličči akasta d’uoksi , dai ielläpäi hän’dä i nouzou kuuzeh .Nouzi kuuzeh , tulou akka kuuzen alla .Akka i kirguu :
– Hoi spoossu , spoossu , oletgo sielä ?
Heen šanou :
– Olen !
– Ni priimitgo miulda reehät ?
– Priimin .
– No voi spoossu-rukka , – akka šanou . – Miula on kolme druuguo : yksi on Pekka pellon poikki , toin’e on Mikki , a kolmas on Van’ka . Ni pros’titgo miula reehät ?
– Pros’tin .
Spoossu i kyzyy akalda :
– Nigoi tahot peessä endizestä ukosta vai kui lienou ?
Akka šanou :
– Himottais peessä , spoossu-rukka , nu en voi hänestä ni kuin peessä .
A spoossu šanou hänellä :
– Enämbi vai syötä rieskoo maiduo , argivoida da lihoo , hen sogenou dai siä peezet .
Akka läksi hyvällä mielin kodih .
A ukko heitty kuuzesta , kylličči akasta proidi , tuli kodih dai vuottau akkoo .Tuli akka .Akka samovooran pani , sillä kerdoo samovoora kiehastu , pani stolalla argivoida , rieskoo maiduo .Ukko d’oi da söi sil kodvazen i šanou akalla :
– Akka , mintäh en liene rubennu nägömäh .
Akka hyvällä mielin sillä kerdoo ukolla šanou :
– Ukko , meilä on häkki , – šanou , – kolmekezän’e .Nukka myö hänen issemmä , ni sie , – šanou , – sproovietet .
Nu , nostau akka häkin sarailla .Ukko otti hamaran i mänöy sarailla häkin luoksi .Ukko šanou :
– En voi , akka rukka , mie iskie , – šanou , – sogeissah , – šanou .
– Mäne kuču kedä kajo abuh .
Akka šanou :
– Mie kučun , – šanou , – Pekan pellon poikki .
Läksi akka , kučču Pekan .Tuli Pekka .Pekka i šanou ukolla :
– Ana mie issen .
Ukko šanou :
– A-voi-voi , mie , – šanou , – kolme vuotta syötin häkkie , nin hot’ omasta keestä issen .
Otti tämä Pekka häkkie rubei pidämäh .A ukko nosti hamaran i šanou :
– Hospodi blahoslovi !Hoš häkkie ei puuttune , ga Pekkoo puuttuu .
Pekkoo kui iski hamaralla , Pekka šiih i koodu .Akka šanou :
– A-voi-voi , midä sie roovoit ?
– Nukka , – šanou , – keerimmä rogozah da lykkeemmä karzinah .
Keerittih se Pekka rogozah , lykättih karzinah .Akka šanou :
– Lähen mie , – šanou , – kučun abuh Mikin .
Läksi akka , Mikin kučču abuh .Tuli Mikki .Mikki šanou ukolla :
– Na pie , ni mie issen .
Ukko šanou :
– A mie ku kolme vuotta syötin häkkie , ka hot’ omasta keestä issen .
No otti ukko , nosti hamaran .Mikki rubei pidämäh häkkie .Ukko i šanou :
– Hospodi blahoslovi , hos häkkie ei puuttune , ga Mikkie puuttuu .
Tooš ku ottau , kun iski hamaralla , tooš Mikki siih i koodu .No , hyö keerälletäh händä rogozah , tooš lykätäh karzinah .Ukko šanou :
– Kembä meilä nyt häkin isköy ?
Akka šanou :
– Kučun mie , – šanou , – Van’kan .
Akka mäni d’uoksi , kučču Van’kan .Tuli Van’ka .Van’ka i šanou ukolla :
– Na pie häkkie , ni mie issen .
A ukko šanou :
– Mie kun , – šanou , – kolme vuotta syötin häkkie , ni hot’ omasta keestä issen .
Ukko tooš nosti hamaran :
– Hospodi , blahoslovi , hos häkkie ei puuttune , ga Van’koo puuttuu .
Tooš Van’koo hamaralla oččah .Van’ka siih i koodu .
Tooš händä keeritäh rogozah da lykätäh karzinah .Nu , siidä otti ukko , häkin iski .Verestä lihoo käski akalla panna kattilah .Akka pani verestä lihoo kattilah .Ukkoi šanou akalla :
– Akka , meilä on , – šanou , – sapožnikka d’uomari yl’en , – šanou , – ni män’e sie hän’dä kuču .Heen miät bedasta peestäy .
Akka mäni kučču sapožnikan .
Tuli sapožnikka .Akka siih pani verestä lihoo stolalla , kaiken dytyistä , – značit , ukko četvertin viinoo , i rubetah hyö d’uomah .D’uodih , d’uodih vähän’e , tämä ukko i šanou ombelijalla :
– Vot , – šanou , – meilä on , – šanou , – pokoinikka .Etgo sie , – šanou , – šoottais koskeh ?
A humal’nikka še kun humaldu , sapožnikka , heen šanou :
– Anaškoo vai täh , mie sidä kerdoo hänen vien .
Otetah nossetah pokoinikka karzinasta .Sapožnikka ottaa pokoinikan olgupeel’l’e , i juossulla mänöy juoksou sillalle i lykkeeu koskeh .A kuni sapožnikka sin käy , sidä aigua hyö nossettih toin’e .Nossettih toine , ku tuli sapožnikka därelläh , hyö i šanotah :
– Pahoin lykkäžit , kačo – tuli därelläh .
– Kui heen tuli , – sapožnikka šanou .
– Anakkoo mie uuvvestah hänen lykkeen . Otti toižen pokoinikan tooš olgupeel’l’e dai tooš juoksulla kossella .Mänöy i lykkeey hänen , a sini hyö tooššen kuni sapožnikka käy , tooššen hyö nossettih kolmas .Tooš ku tuli sapožnikka därelläh , hyö šanotah :
– Ka sil , – šanou , – pahoi lykkäit , ga tooš tuli därelläh .
Sapožniekka šanou :
– Anakkoo kolmannen kerran juoksen , – šanou , – lykkeen , ei enämbi tule .
Ottau pokoinikan olgopeel’l’e i läksi d’uoksemah koskeh .Nu , a akalla rodiih žoali druuguloja , heen suoriih , pani valgien skoot’erin peeh i läksi koskeh kaččomah druuguloja .A sapožnikka matkoo därelläh kossesta i kui nägi akan i duumaiččou , što heen on pokoinikka .Heen kui tavotti akan sylih , d’uoksi sillalla i lykkäi koskeh .Tuli ukon luoksi .Ukko i kyzyy häneldä :
– Etgo nägen miun akkoo ?
A sapožnikka šanou :
– Miula tuli vastah , mie duumaičin , što on pokoinikka , i mie hänen lykkäzin koskeh .
I sidä jo hyö d’uodih viinoo i kozittih , i ukko nai uuven akan , i nygöinä el’etäh kuin pidäy .
Ei viernoi akka
карельский: собственно карельское наречие
Паданский
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
Неверная жена
русский
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–