Тексты
Вернуться к списку | редактировать | удалить | Создать новый | История изменений | Статистика | ? Помощь
Oli ennen ukko ta akka
Oli ennen ukko ta akka
карельский: собственно карельское наречие
Ухтинский
Oli
ennen ukko ta akka .Hyö ollah köyhät , а naini oli oikein kaunis .Hiän kirikköh käypi yhtäläistä .Та hiän on niin kaunis , jotta kaikki ihmiset häntä i kačotah .Kirikköh kun mäni pokajen’jah , nin pappi häneh i mielty .Hiän šanou šielä hänellä , jotta "etkö šie rupieis miun keralla truušimah , mie šiušta tykkyäsin , kun šie olet ylen kaunis .Kun työ olletta köyhät , niin mie toisin teilä , millä elyä ".No naini šanou :
– Annahan kun mie ajattelen , nin mie šanon huomena , kun tulen kirikköh .
A jo čuhuttau arhirei , jotta "etkö sie rupieis miun kera truušimah "?Hiän tuaš lupuau eluo .No nyt tiakka čuhuttau :
– Etkö šie rupieis miun kera truušimah , vain kun mie šiušta tykkyäsin .
Hiän šanou :
– Šanon mie teilä huomena .
A hiän tulou ukkoh luokše kotih ta šanou ukollah .Ukko šanou :
– Ka lupauvu šie , anna hyö tullah , ka šano , jotta äijä pitäy tuuva .
Toissa piänä hiän mänöy kirikköh ta šanou , jotta papin pitäy tulla huomena kahekšan aikana , tiakan tulla yhekšän aikana , a arhirein kymmenekši .Naini mänöy kotihis , šanou ukollah , jotta tullah .Ukko mäni kamarih peittoh , jotta annahan keräytyy .
Jo tulou kello kahekšan .Pappi tulla kynnistäy , kesseli šeläššä , meččyä myöte .No vot , pappi tuli ta nošti кaikki pöyvällä .Hiän on niin hyvilläh : nyt on meilä mitä šyyvä ta juuva – moniluatusett viinasakuskat , viinat , šijan läškie , konservat , jauhot , ryynit .Šuuri kesseli kun oli , niin šiinä piti olla vaikka mitä !Istuuvuttih stolah , šyyväh , juuvah šiinä .Pappi še ottau aina ušeimman ryypyn , a naini pikkusen vain , jottei pettyis .Pappi šanou :
– Ka emmäkö ala muate ruveta , pitäishän meilä muate ruveta .
Naini šanou ;
– Rupiemma , rupiemma , – šanou .
Naini koittau viivyttyä : annahan tulou yhekšän kello .
– Rupiemma , – šanou , – ka miula kun ukko makuau kaikičči pal’l’ahin nahkoin , nin šiun pitäis jakšautuo .
No hỉän jakšautuu , – heitti piältäh ta rupesi šänkyh .
No šanou pappi naisella :
– Tulehan nyt pois .
Naini šanou :
– Kuulehan , kenpä šielä komajau ?Mäne hoš kiukuan peräh peittoh , jottei nähtäis .
Tuli tiakka , šuuri , šuuri kesseli šeläššä .Hiän tuaš purkau kesselin : ta kun hänellä on kaikkie , kaikkie , mitä vain !No hyvä , tuaš ruvettih pöytäh : šyyväh-juuvah .Tiakka ei ruohi ni šyyvä : annahan šiula jiäy .Paissah šiinä , tiakka šanou :
– No meijänhän jo pitäis šänkyh ruveta .
Naini šanou :
– Rupiemma myö šänkyh , ka miula kun ukko kaikičči pal’l’ahin nahkoin makuau , niin šiun niis pitäis jakšautuo .
Hiän jakšautuu hyvin ruttoh ta pyörähtäy šänkyh :
– Tulehan nyt pois ruttoseh !
Hiän jo kuuntelou : jo komajau še arhirei .Šanou :
– Ken komajau ?Mäne hyvin ruttoh kiukuan perällä , jottei nähtäis .
Šilloin kun hyppäsi kiukualla , niin arhirei avasi oven .Ka tiakka kun nousi kiukualla , niin tiakka kyšyy :
– Mitäpä še šie tiälä ruat ?
Pappi šanou :
– Ka šitä mitä šieki .
Arhirei kun tuli , avasi kesselin : kun šielä oli voita , makkarua , kantservat ta kaikkie hyvyä , ta vielä rahua šuuri tukku .No šiitä hyö hänen kera istuuvutah pöytäh , konjakkipullo avatah , juokšennellah .Ka naini ei ruohi äijyä juuva .Naini šiinä pikku hil’l’akšeh pakajau ta aikua viivyttelöy .A ukko kaikki kuuntelou šielä šeinän takana .No arhirei tuaš šanou :
– No nyt rupiemma šänkyh muate .
Naini šanou :
– Ka rupiemma myö , ka miun ukko kun aina pal’l’ahin nahkoin makuau , niin šiun niis pitäy jakšautuo .
Ukko šielä kuuntelou , jotta šänkyh alkau vuatie .Hiän šielä kamarissa i koleutuu .Arhirei kyšyy :
– Ka ken še kolajau ?
– Ka en tiijä .
– Ka minnepä mie mänen ?
– Ka mäne šie hot’ kiukuan perällä !
Arhirei šinne noušou , kyšyy papilta ta tiakalta :
– Mitä piruo še työ tiälä ruatta ?
– Ka šitä mitä šieki !
Ukko tuli , ta ruvettih šyömäh , nakretah šiinä .Ukko kyšyy :
– Mistä šie šait näitä ruokie ?
– Ka kylällä kävin ta oššin .
Kačotah , ka maatuška matkuau ikkunan aličči .Ikkunakorvasša istuu še ukko .Ukko kyšyy :
– Mitäpä šie kävelet ta kaččelet ?
– Ka ukko huorissa kävelöy , nin tulin eččimäh .
– Ka tule šie pirttih !
A šillä aikua naini kamarih peittoh .
– No kun šiula kerran ukko huorissa kävelöy , nin ruvekka myö šiun kera truušimah , – šanou še ukko maatuškalla .
No še , jotta "rupiemma , rupiemma "!Šänkyštä piäsi ta läksi poikeš .Ukko šanou :
– Tule šie i toičči !
– Tulen , tulen !– šanou .
No kačotah , ka tuaš tulou tiakan akka .No tuaš še mieš kyšyy , jotta "mitäpä šie kävelet "?Šanou :
– Ka ukko kun kävelöy huorissa , nin mie tulin eččimäh .
– A tule i pirttih šieki : kun ukko kävelöy , nin tule šieki .
Hiän pirttih tulou hyvillä mielin .No pirttih tulou , ukko šanou :
– Kun kerran hiän kävelöy , niin rupiemma myö šiun kera truušimah .
– Rupiemma , rupiemma , – šanou .
Hänellä šiitä ukko antau hyväččäisen ryypyn , ta ruvetah šänkyh .Še tuaš tiakka šanou :
– Nyt mie karjeuvun !
Pappi ta arhirei šanotah :
– Et šua virkkua !Eipähän pappi ni mitä virkkan .
Hammašta purrah ta käsie purrah , a ei ni mitä virketa .No tiekan akka kun piäsi ta läksi poikeš .Juuri kerkisi lähtie , kačotah – arhirein akka tulou .Šanou mieš :
– Mitäpä šie kaččelet ikkunan alla ?
– Ka mie kaččelen , kun ukko huorissa käypi .
Ukko tuaš häntä pirttih kuččuu :
– Tulehan pirttih , – šanou .
No , tai tuli pirttih , ukko šanou :
– Kun šiula ukko huorissa kävelöy , nin rupiemma myö truušimah .
No hiän ni soklassiutuu :
– Rupiemma , rupiemma !
Ukko hänellä konjakkiryypyn antau (oman ukon tuoman konjakkiryypyn ).No akka kun joi , ruvettih šänkyh tuaš .Arhirei hammašta purou ta käsieh purou , jotta "nyt mie šolahan alaš , akkua kömyyttämäh ".Toiset hänellä :
– Et šolaha , etpähän ni šie meitä piäštän !
Šieltä vain kiukuanperäštä kurkissellah , kun akat on šankyššä .
No läksi še arhirein akka pois .Ne kun läksi pois , naini i tuli pirttih kamarista .Hiän ei puitto tiijäkkänä , onko ketä i käynyn .Šiinä akkah kera issutah ta paissah : ukolla himottau šuaha ne pois šieltä .Ukolla on šeinällä hyvin vanha ruoštunut pyššypaha .Hiän šitä ratuštelou , šitä pyššyö , šanou :
– Jo mie olen tätä kotvan korjaillut , jokohan tämä on nyt hyvä ?
Šanou , jotta "pitäy reistata ampuo nyt ".Akka kyšyy :
– Kunnepa šie ammut ?
– Ka mie , – šanou , – ammun kiukuan peräh .
– Elä , ukkosen , ammu kiukuan peräh !
A piššuali on šemmoni hänellä , jotta ei ampuo šuata .Ukko šanou :
– Mie ammun , ei haittua ni mitä , eihän šielä ni ketä ole kiukuan peräššä .
Šilloin kun hypättih pihalla juokšomah kaikki pal’l’ahin nahkoin .Ukko karjuu :
– Ka mitä čuutuo tämä on ?– puitto ei ni tiijä .
A rahvaš kun näköy , juoššah ta karjutah :
– Piessat juoššah mečäštä !
Toiset šanotah :
– Ka ei ole piessat , kun pappi on ta arhirei i tiakka !
Akat kyšytäh :
– A mistäpä työ tuletta ?
– Ka šieltä , missä i työ olitta .
Ukot ei voitu akkojen piällä šiäntyö , kun iče šielä oltih .
Oli ennen ukko ta akka
карельский: собственно карельское наречие
Ухтинский
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
[Поп, дьякон и архиерей]
русский
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–