Тексты
Вернуться к списку | редактировать | удалить | Создать новый | История изменений | Статистика | ? Помощь
Neižne jätab ičeze vouktan voudeižen
Neižne jätab ičeze vouktan voudeižen
вепсский
Средневепсский западный
Užeske
ku minä jo pästan i jätan
ičiin' i vouktan da voudeižen-se , krasnijan da krasoteižen-se ,
i tälehtaližuu vouktou pravednijou da peiveižuu-se ,
i jätan i minä ičiin' laskvale da čižoihudeliin'-se ,
i okhaske hän i krasuižoitab i likuižoitab
i minun gor’o-gor’kijan vouktan da voudeižen-se , i krasnijan da jo krasoteižen-se .
I oi , ved’ ii sija nece i minun i vouktale voudeižele-se , krasnijale krasoteižele-se ,
i pühkib hän dubovijan da laveižen-se ka ,
i pühkib i minun vouktan voudeižen-se suride lomuideke-ni .
I užeske ku minä valičen i viberin' jo ,
i jätan i ičiin' vouktan da voudeižen-se i jasnijale sokolale veslale viikoihudeliin-se .
I okhaske hän i molodeckijas molodostiš i krasuižoitab i likuižoitab
i minun i vouktan da voudeižen-se .
I oi , ved’ i fatimoi i dogadimoi , ka ii sija sit’ i minun vouktale da voudeižele-se ,
i oi , ved’ hän i unohtab i krasuižoitmata , unohtab i likuižoitmata .
I užeske ku minä pästan i jätan surele levedale zapol’kale-se .
I okhaske hän sigä krasuiše i likuiše i rahken da radoiženke ,
i oi , ved’ minä fatimoi i dogadimoi ka
ii sija ole sid’ minun vouktale voudeižele ,
i mäneb ičiin' jasnį sokol viikoihudem-se
i stanovijan heboiženke-se , i teravan da jo adreiženke ,
i hän i segoitab i minun vouktan da voudeižen-se i mustale mahudele keskhe-se .
Ii užeske ku minä valičen i viberin' jo vouktale da voudeižele-se [sijan ]
i tazole nitüižele-se [jätan ],
i okhaske hän sigä krasuiše i likuiše .
I oi , ved’ fatimoi i dogadimoi ka ,
ii sija sid’ i linneb minun vouktale da voudeižele-se ,
i mändasoi noremb jasnį sokol viikoihudem i teravide lituukeižideke-ni ka
i čaptas ku minun vouktou voudeižuu sorvad da jougeižed-ne .
Neižne jätab ičeze vouktan voudeižen
вепсский
Средневепсский западный