Тексты
Вернуться к списку | редактировать | удалить | Создать новый | История изменений | Статистика | ? Помощь
Voikud
Voikud
вепсский
Средневепсский западный
Kalliž
kazvattajaižem , sötai-tatoihudem , kulištin’ minä suren jurun , suren jurun i suren šumun .Pölg’ästoitiba minun nored südäimuded , katsiba minun jalod jougaižed .
Kacuhtaške , kalliž kazvattajaižem , ičeiž libedan linduižen jäl’gmäine da čoma kerdaine .
Nägen , mišto eragata tarbiž , kalliž kazvattajaižem , sötai-tatoihudem , minei gor’o-gor'kijale .
Jälgmäižed oma časovijad časuižed , poslednejad minutaižed krasuidas i likuidas tazošt’ da lavašt’med-se .Eragataz mindai gor’o-gorkijad verhad vilud randaižed-ne .
En tä , kut linneb minei eragata verhale vilule randaižele .
En har’ganu ole minä verhale vilule randaižele-se i verhile viluile avaroile armoile .
Eragoitatai tänamb’aižou vouktou čomou päiväižou .
Kacuhtaške kalliš kandoihudem , roditel’-mamoihudem , ičeiž juunanpäaližen vihandan hiinäižen päle , stroitsanpäaližen lehedan lehtesuden päle .
Aigoiš oliiž eragoitta mindai , kaidad oma minun hard’oižed , nored oma minun jalod jougaižed , en mahtaška minä ugot’t’a verhile viluile avaroile armoile .
Kalliž kazvattajaižem sötai-tatoihudem , kalliž kandjoihudem , sötai-mamoihudem , emboinu minä tiid’ uprosida i umolida , en i hvatn’us minä gor’o-gor’kii , mišto tiid’ ii saiž uprosida i umolida , mišto ed eragoittaiž mindai gor’o-gor’kijad .
Nägen , mišto linneb eragata , sötai-tatuško , sötai-mamuško , algad unohtagoi mindai verhale vilule randaižele .
Voikud
вепсский
Средневепсский западный