Тексты
Вернуться к списку | редактировать | удалить | Создать новый | История изменений | Статистика | ? Помощь
Valdaline murz'ain
Valdaline murz'ain
вепсский
Северновепсский
Nai
üks’ .
Ot't’ adivon mehele , i zavottihe eläda .
Ezmäks (eletihe ) kaiken aigan hüväižil , kundeltihe kaikušti toine tošt’ .
No däl'ges murz'ain valttįi mikš-se , muga valttįi , mise kaikutte sijaine oliž vaise händast möto .
Kerdan lähttihe mecha haugod karzmaha .
Mužik i sanub :
- Pidab koivid čapta , mikš mise koivišpai lähtob haug hüva i konz päčhe paned , ahdab , räked äjan .
A akk sanub :
- Ii !Pidab kar’sta habįid , mikš mise habad oma sanktad i jesli mö čapaškanem ninkomid ka i kogon däredan teramba täutnem .
No , miižo siid raukale mužikale hänenke tehta .
Dumaib : «olkha muga , čapkam habįid ».
Mest uudel kerdal hö sädihe lähtta hiinantegole .
Tuld'he niitule , mužik i sanub :
- Nu , murz'aimine , kaiken sina teged da oled ičiiž möto , ka olkha nece kerd mindai möto : niitaškakam mö kleverad , lehmaižele oliž lujas hüva hiin .
Murz'ain i sanub :
- Ka täis sina mida ii pidä ka , dö vel mö zavodnem üskaižil kogota necin hiinan .
Kacu vai , lenda ičiiž sil'mad ülemba , mitte hiin rindal , osok .A ninkošt’ niitnem , ka kerdal saton pannem , mitte pidab .
I niitaškat'he he osokhiinad .
Pand'he korged , korged sato .
Mužik rouk , siid däi mest nikeks .
A uudel kerdal sädihe lähtta venehel Änižele kalad püumaha .
Ištįihe veneheze , mužik nenaha , murzein peraha i soudaškat'he airįil kaikhe vägehe .
Tuld'he kesk Änižele i siižutihe .
Mest mužik i sanub murz'aimele :
- Nu , nuguni dö liinob mindai möto .
A murz'ain sanub vasthaze :
- Ii liine sindai möto , a mindai möto .
Riideltihe , riideltihe siid , ii ehttut vei i kuukįižid pästta vedhe .
Murz'ain nägišt’ , ahn’ pän čokaiž vedespai i hiitihe , tahtel’ käzil tabata ahnin , da iče reznihe vedhe bokalaze miš oli .
I zavodi vedespai kidan lastta da käzil boltįhitaze .
- Oi , mužik , armaz sina minun mužik ! Sa mindain vedespai !
Mužik i sanub :
- Ka sula päivi , ved i nece om sindai möto vedes uiteltaze .
– Oi , iilä mindai möto , iilä .
– A sanu vai , jesli mina sindai lenen vedespai , - küzub mužik , – ka keda möto nece liinob ?
– Oi , sindai möto .
– A edelezpai az'z'ad keda möto zavodiškanem tehta ?
– Sindai möto .
– Nu , jesli mindai möto , ka lübu .
Žаl’ tegihe murz'aint ičeze mužikale i andįi käden .
Lend’ händast vedespai .
A däl'ges necida enamba ii olnu hiil mugošt’ päivad , mise kudamb ii kundeliž tošt’ .
Molembad zavottihe kaikušti ugodiškata toine toižele .
Valdaline murz'ain
вепсский
Северновепсский
-
-
-
-
-
-
-
Своевольная жена
русский
–
–
–
–
–
–
–