Тексты
Вернуться к списку | редактировать | удалить | Создать новый | История изменений | Статистика | ? Помощь
Apalon sv'atoi
Apalon sv'atoi
вепсский
Северновепсский
Eletihe babei da
dedei .
Dedei mecnikeič , a babei ii navednu hänt .
Babeil oli maks Mitrofan .
Kerdan tuli dedei mecaspei i sanub :
- Babei , mecas raidas ištub Apalon sv'atoi .
Ak sanub :
- Ukk , milii oliiž mända Apalonanno mol'mahaze .
– Kacu , mäned , ka kacu , vot ku mina ukoine olen , ištun siga .
Akk sanub :
- Ukk , mina lähten ka löudanik händast ?
Ukk i sanub :
- Sina mäned , pöudon proidud ka siga mežal i om oiktal kädel .
Nece babei mänob sinna .Ištub raidas siga ukk Apalon .
Akk mäni ümbri , a ukk d'oks’ kohtha i raidha ištįihe .
Nu , nece akk i sanub (küzub ):
- Sinak oled Apalon sv'atoi ?
Hän sanub :
- Mina , mina olen .
– Apalon sv'atoi , abuta milii ukk izvot’ta , milei om Mitrofan maks .
Apalon i sanub :
- Mina sanun silii , mää kodihe , paa päč lämha , pašta ukole voisižid kalitoid , hän söb i sogenob .
Akk tuli sigapei kodihe .Ukk küzub :
- Akk , löuzidik Apalonan ?
– Löuzin , löuzin , ani ku sina oled .
Ukk küzub :
- Mida silii sanįi hüväd ?
– Sanįi , mäne kodihe , elägat hivin , söta ukoine voisižel .
Nece akk siičas riičihe i panob päčin lämha , paštab kalitoid .
Potom nece ukk sei kalitoid i rädovikoid .
Tuli ehtkoine .
Ukk i sanub :
- Akk , en teda mii tegihe , en nägiškanu .
A nece akk ii ni kubahtanu homesehesei .
Ukk homesel möst sanub :
- Mina vouse en näge .
Nece akk möst päčin lämha pani , möst söt't’ kalitoil i rädovikoil .
Ukk saihe päčile i päčil magadab .
Nece akk mäni Mitrofanan kodihe .
Ukk i sanub akale :
- To oružd’ hot’ mina mujelen , en näge ka .
Nece Mitrofan i tuli , ištįihe stolan taga .
Nece akk Mitrofanan söt't’ i d'ot't’ , akk i sanub :
- Mina silii tegen toukunt magedad voisišt’ , ala sö muga , mina lähten lehmän lüpsan , ton maidod , maidonke söd .
Akk läks’ lehmad lüpsmaha .
Ukk sil aigal ot't’ päčilpei Mitrofanale rindhiže ambįi , potom laskihe , toukunt tukun tegi i suuhu liči .
Nece akk tuli lüpsmaspei , ka Mitrofan d'o kakastunu touknaha .
– Mikš sina ličeid toukunt täuden suun , ed varastanu maidod , maidota seid da kakasteid .
Ukk i küzub :
- Akk , kiine sina pagižed ?
– Kaži kandatesen sei , ka mina lajin .
Ot't’ akk necen Mitrofanan sel'gha i kandab pertišpei , d'ougad madme voločiže .
Ukk i küzub :
- Akk , mida sina judeidįitad vöda ?
– Humbar’ oli pertiš d'o koume nedalid , sen vön .
Vei Mitrofanan tanhale i kartan alle krepi .
Homesehesei muga i oli .
Homesel mužik lübįi i sanub :
- Akk , mina d'o nägiškanzin .Nägen , ka pidab here tanhal otta .
Akk sanub :
- Voi , vilu om , algei otkoi .
A ukk sanub :
- Pidab otta .
Akk i sanub :
- Nu hivä , mina maksan .
Ukk sanub :
- Iisa silii maksta , mina maksan .
Mänd'he tanhale muugotid .
Ukk i sanub :
- Pidab kart leta .
Akk sanub :
- li pida leta kartad .
Nece ukk ii i küzunu akad , kartan lend’ .
Lend’ , ka siga Mitrofan venub kartan al .
Ukk sanub :
- Akk , ken silei nece om ?
– Mitrofan .
Toukunt tegin söda hänele i hän kakastui .
Nece ukk ott’ Mitrofanan vereile , ajei hänele siibhan perskehe i ištut’ regehe i läks’ dorogad möto ajamaha hebol .
Kuulišt’ – kel zvonib , jamšik ajab sledovatel'anke .
Nece mužik pani Mitrofanale ohd'ased kädehe , a iče pagen’ orgho .
Nece izvošik käskob hänele lähtta dorogalpei :
- Čurha aja , čurha aja .
Hän (Mitrofan ) ajanu ii .Izvošik hänt painoi päpolihe , hän i regespei langen’ .
Nece mužik orgospei heikaškanz' :
- Karavul !Rikoid mužikan !
Nu , nece sledovatel' sanub :
- Ala heikei , na sada rubl'ad dengeid .
Nece mužik ištut’ möst Mitrofanan regehe i päst’ dorogad möto , a iče astub mödha hilläšti .
Möst ajab zemskii mödha sledovatel'ale .
A nece möst Mitrofan dorogad ii anda .
Tuli izvošik i painoi päpolihe , Mitrofan möst langez’ .
Mužik heikaškanz' :
- Karavul !Mužikan rikoid !
Zemskii sanub :
- Ala kidošta , na kaks’ sadad rubl'ad .
Nece mužik ot't’ da necen Mitrofanan orgho i lükeiž , a iče tagaze hebol tulob kodihe akanno .
I tänambei eletaze , dengeideke .
Apalon sv'atoi
вепсский
Северновепсский
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
-
Аполлон святой
русский
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–