Тексты
Вернуться к списку | редактировать | удалить | Создать новый | История изменений | Статистика | ? Помощь
Nastasja kuudeižed tukeižed
Nastasja kuudeižed tukeižed
вепсский
Северновепсский
Endei eli
mužik da akk .
Hiil oli üks’ tütär – Nastasja kuudeižed tukeižed .
Mužik i sanub :
- Mili pidab lähtta kunani burlakįhe , dengid samha .
Nece mužik astį , astį i d'oda zahoti .
Koverdaze kaivįižehe vett d'omha , händast meccine tabaz’ bardas i sanub :
- En pästa !Andadįk tütren Nastasjan mehele ?
Hän i suuli , sanub :
- Andan , vaise pästkat .
Händast i pästtihe .
Tulob mužik kodihe , hö akanke pagetaze , a Nastasjan dättihe kodihe .
Nastasja voik , voik , voik .
Oli hiil , kozleine , kozleižele i sanub :
- Kozluško , kuna milei pageta ?
Kozleine i sanub :
- Ota , ličte ol'gtukhu i mina sindei sidon regudehe i piitan sindei .
Hän mäni tukhu i kozleine sidį regudehe , i hän läks’ pagoho .
Vedi , vedi , ka tulob meccine vastha , küzub :
- Nägidįk Nastasjan ?
- Nägin , nägin , sanub , – pordhil ištub da tiiletįi šuukįžed paidad omblob .
Siid mäni , mäni , ka tulob toine meccine vastha , ka möst küzub :
- Nägidįk Nastasjan ?
– Nägin , nägin , sanub , – pordhil ištub , tiiletįi šuukįžed paidad omblob .
D'oks’ , d'oks’ kozleine , siiriči därved pagetihe , a meccižed ii tetud tulda sinna .
Mäni ka därven taga pertine siižub , punoze .
Öks taričeze .
Pertižes Ivan-carevič eläb da baba-jaga tütrenke .
- Ettįk pästkį öks ? – kozleine taričeze .
- Öks pästam , vaise regutt dätä pertesehe .
Kozleine sanub :
- En d'o däta , kus iče siga i regutt .
I loučan alle pani .
A Ivan-carevič ehtkįžel šarįžel vätaze , vereteldaze šarįne .
Nece Nastasja i ottab šarįžen i piitab .
Ectihe , ectihe ka lüuta ii viigi .
Ka Ivan-carevič sanub kozleižele :
- Kenni om silei regudes .
Kästtihe aveita ol'gtuk , ka sigapei Nastasja i lüutihe .
Ivan-carevič sanub :
- Otan mina ičelin Nastasjan , a baba-jaga däb sinna .
A baba-jagan tütär i sanub Nastasjale :
- Lähkam minunke külbmaha Änižele .
Änižele mäba .
Baba-jaga rippustab kiven kaglha i uppotab Nastasjan .
Tulob i sanub Ivan-carevičale , mise Nastasja ii tahtnu eläda i pagen’ .D'o pidab kozleine rikta dei söda .
A kozleine i sanub :
- Pästa mindei .
Ivan-carevičale sanub :
- Mäne .
Kozleine kut mänob därven randale i huikotab .
Nastasja sanub :
- Embį mina lübuda , suur’ kivi om kaglas .
Tuli kozleine voikusine , ka Ivan-carevič küzub :
- Mikš oled voikusine ?
Ka kozleine sanub :
- Nastasja om vedes dei suur’ kivi om kaglas .
Ivan-carevič d'oks’ dei Nastasjan i vedi vedespei .
Tuli dei Nastasjan ot't’ akaks , a baba-jagan rikį dei tütren rikį .
Nastasja kuudeižed tukeižed
вепсский
Северновепсский
-
-
-
-
-
-
-
-
-
-
-
-
-
-
-
-
Настасья золотые кудри
русский
–
–
–
–
–
–
–
–
–
–
–
–
–
–
–
–