Тексты
Вернуться к списку | редактировать | удалить | Создать новый | Статистика | ? Помощь
Toine päivy
Toine päivy
карельский: ливвиковское наречие
Коткозерский
Toššupiän huondeksel
molodoloi nostatetah , murendetah savipada ustu vaste .Drušku tuou avatun viinubutilkan , propkan i lentočkan , kudai oli andilahal kasas venčan al olles .Sulhaine salbuau bitilkan propkal , sidou lentočkan butilkah , i drušku lähtöy mučoin vanhembii kuččumah .Ennen kaikkii tullah myödäžet , kyzelläh : "Hyvingo magaitto ?Midä unis näittö "?Kuni heidy gostitetah , sini tullah andilahan tuatto i muamo .Kaikkii ištutetah stolan tuakse : molodoit suures čupus , tuatto i muamo rinnal .Gostitetah hyväžesti , a druškat kylyy lämmitetäh i karavuulitah , gu ken ikkunua ili ustu ei ottaš .Kylyn valmištettuu molodoloi provoditah kylyh , a myödäžet pajatetah senčois .Drušku poččivoiččou viinal .Kylyn jällel molodoloi juotetah vuasul yhtes kruuškas , a drušku tyhjän butilkan murendau kylyn kamajah .
Kylyspäi molodoloi vastatah muatkoi i buat’koi , kylvetäh ozrua i levitetäh kondien ili lambahan nahku kynnyksen alle i vietetäh molodoloi stolan tuakse .Stolale ozutettavakse kannetah mučoin priduanoi : samvuaru , kijottu , zirkalo , astiet , luzikat , vilkat .Vuarupaikoil huškutetah druškat i kirrutah : "Kenen kirjat čomembat "?Pertih andilahan muamah tuou lahjat .Lahjat juattih keski lattiel , sanottih : "Suuri svuattu , tule ota poijan lahjat !Suuri svuattu , tule ota poijan lahjat "!Suurele svuatule molodoit annetah pielus , hurstiine , paidu i štanat .Andajes kumardetaheze jalgah , muga i andilahan muamo da rist’oi kumardetaheze muatkoile jalgah .Kumardundan jälgeh annetah puarakse lastii libo siiksua .Sizärile i nevesköile kouhtažet .A bohatembal andilahal ollah bohatembat i lahjat .
Lahjoin jagahuu vierahat rahvas lähtiäh kodiloih , a myödäžile kerätäh murginua .Murginan syödyy druškat val’l’astetah hevot , i kai svuad’burahvas lähtiäh ajelemah , a sen jäl’geh myödäžet levitäh kodiloih .
Kolmen yön peräs andilahan tuatto i muamo tullah pyöryttelemäheze : ottamah molodoloi .Muatkoile "nostatandua " tuvvah siiksua räččinäkse .Gostitah i molodoloin kele lähtieh kodih .Mučoin vanhembien luo ollah yö i toššupiän otetah lehmän , lambahan , kanat ženihän kodih .Kodih tulduu enzimäžikse kannatetah vetty korvoil .Kaikin viivitetah kuadua viet korvois enne pertih viendiä .Kannatetah sissäh , kuni vezikorvoin kele ei piästä pertih kuadamata .
Mučoil toššupiän jo pidäy nosta lehmii lypsämäh , leibytaiginua sotkemah .Stolah syömäh ištutetah stolan čuppužele .Liennöy olluh boikoimbaine tytöššy , ga miehel tulduu hil’l’enöy .Kuuzi nedälii molodoit kävväh ainos gostih čuran dai toižen rovulluo , kudamat oldih svuad’bas .Lahjua andilahale tuodih vai iččeh rodu , a ženihäle viihti kringelii ili puoliško viinua .Kuvven nedälin proidihuu mučoi enzi kerdu työtäh ad’voih kodih yöhyökse .
Ristuleibynedälil mučoin muamo pastau ristuleivän i menöy tytärdy ottamah ad’voih .Otti gostih nedälikse .Äijänpiän myös menöy kristottamah kuličan kele i jaiččien kele .Mi vävvyle hengie perehty , se i jaiččiä pidäy olla .Kaikile andau jäičöin , a dostalit vävvyle .Lapsen suaduu myös pidäy muatkoile i buat’koile lahjat .
Mučoil jälles svuad’bua čepčiä piäs ei sua heittiä , i tukat pidäy plettie kahtele kassua myčkyh . Čepčän al vai jagavus losniš .Kyzymätä ni toižeh taloih ei sua liikkuo .Kai jugiet ruavot hänen käzile roijah . Etgo ni kelle omii obiidoi sano , vaččua avua .
Toine päivy
карельский: ливвиковское наречие
Коткозерский