Тексты
Вернуться к списку | редактировать | удалить | Создать новый | Статистика | ? Помощь
Rastavan da Vieristän välil on Synnyn aigu
Rastavan da Vieristän välil on Synnyn aigu
карельский: ливвиковское наречие
– Rastavan
da Vieristän välil on Synnyn aigu .
– A mibo on se Syndy ?
– A en , gor'a , niidy tiije . Muga sanotah .Kačo : Rastavoa vaste häi heittyy , a Vieristeä vaste eäreh nouzou .Häi buitegu , meile vahnembat sanottih , taivahas moal heittyy .
I kuundelemah kävväh .Vie minä iče mentiije min kerdoa käin kuundelemah .Gu tullah sulahaizet libo midä , sie sit kalkalo rubieu kuulumah , dai keh mennäh – sil saroal mennäh , dai kai kuulutah .Kuuneltah , puhtahal kohtal mennäh .Osoobenno mennäh , hot teä meile kartohku pellot lähil ollah , pellol mennäh .
Myö koirastu haukutimmo .Kačo , minul kahteh kerdah haukuttoa himoiti .Kačo ildazen syöt , palazen jätät täs , hammaspalazen : "Kui minä miehel puuttunen – siepäi koirane haukukkah ."A sit menet sinne , kuundelet sie .A minulleni ihan heijän pihas haukkui koirane , ylen hyvin kuului , kai kuuluttih .
– A kunnabo sit menöy se Syndy ?
– A mentiije kunna . Sanotah : taivahah nouzou .
– A miittuine se on ?
– A mentiije miittuine . Muga sanotah : on Synnyn aigu .En tiije , mi on – Jumal tiedäy .Meijän aigah vai aiven sanottih : Synnynaigu , Synnynaigu .Sit häi Synnynaigah soboa ennen ei pesty , dai toppii pihal ei lykätty .Kuivat topat päččih , a pihal ei lykätty .Vieristän huondes lykättih .Sit konzu on vuvvet hyvät , sit ei , a konzu on vuvvet pahat – sit koiru haukkuu .Koiran haukundoa ei kieletty nikonzu Vieristänny …Kartata ei annettu , kuduu voibi kangahoa , dai kezräta , a kartata ei , villoa ei annettu kartata Synnyn aigoa .Ei annettu , ei .
Rastavan da Vieristän välil on Synnyn aigu
карельский: ливвиковское наречие