Тексты
Вернуться к списку | редактировать | удалить | Создать новый | Статистика | ? Помощь
Myö kerran kergiimö Syndyy kuundelemah
Myö kerran kergiimö Syndyy kuundelemah
карельский: ливвиковское наречие
Myö
kerran kergiimö Syndyy kuundelemah .Vahnu boabušku , Miikulan Daša : "Läkkeä , minä yhtelläh teidy šiižmankel kierän ."Kierdeä pidäy !I menimmö , lähte oli järvel .Syndyy kuundelemah .Kumardimmokseh kaikin sinne , peät panimmo moah .Häi ymbäri meidy kierdi šiižmal , rubeimo kuundelemah .Kuulemmo : kelloizet tullah Kiiškoilaspäi , ajetah .Minä sanon : "Ga Il’l’azen Onni on , Il’l’azen kelloizet kuuluu , Il’l’azen d’eäd’äh tulou ."Daša se kuulou net paginat , sanou : "Olgoa , lapset , vaikkane , älgeä paiskoa nimidä , kuunelkoa ielleh ."Nu kuundelimmo , kuundelimmo , eigo tulluh sih hebuu , eigo nimidä .
Myö lähtimmö Ondrien ikkunoin oal , menimmö kuundelemah , kuulemmo ga itku kuuluu .Ikkunoin oal .Midäbo nygöi itkietäh ?Annin svoad’bua pietäh , Anni , sanou , miehel meni .
Tulimmo meijän ikkunoin oal : šuhu kuuluu , šuhistah .Tuldih sulahaizet – toatto syöttänyh ei , sanou : "Kaikkie syöttämäh rubie en ."Kuulen : ikkoin oal šuhu kuuluu ."Mengeä eäre , mengeä eäre , syötä en ," – sanou . Kuulen : pordahat kapettau , lähtiettih eäre .
Tulimmo täh Miikulan pihah , tulimmo ga , seizatuimo vai sih salbamoh kuundelemah .Kuulemmo : pajatetah , svoad’bu paginoa , pajuu , Feklan ikkoinan oal , nečis .Dai kizatah , dai pläšitah ."Nygöi , – minä sanon Feklal , – teile on svoad’bu nečis ." Sanou Daša : "Kuunelkoa ielleh , älgeä , lapset , nimidä virkoat , kuundelkoa ielleh ."Dai kuundelimmo – kuundelimmo , lähtimmö pertih , myö varavuimmo .Kačahtimmokseh järvehpäi : tulou sie gu heinyregi .Ylen suuri !Muga i sie ku vieröy , ku vieröy .Kuulemmo ga : tulou sie , pohjaizespäi tuulou .Dai myö pertih juoksimmo .Veräit salbaimmo kai malitunkel .Dašši sie veräit salbai , vahnu akku , malitunkel .Ikkunah emmo ruohtinuh kaččomah mennä .Emmo tiije : heinysoatto vai mi oli .Syndy naverno , Syndy .Syndy kuului .
Myö kerran kergiimö Syndyy kuundelemah
карельский: ливвиковское наречие