Texts
Return to list | edit | delete | Create a new | history | Statistics | ? Help
Mintäh, kannettuiseni
Mintäh, kannettuiseni
Karelian Proper
Uhta
Mintäh
, kannettuiseni , jo kauheijen katajikkomeččijen šiämellä kašvanehilla kannettuisilla kajon olkuolit ?
Ta vet mitä kuvuamaisilla kujin olkuolit , kun kukkahilla paikoilla kujin ylenit ?Ta vielä vet ollah kultarenkahien kukkahuiset ta kultarenkahien kuluttelupaikkaset .
Ta mintäh vualimaiseni niillä varvikkomeččäsissä vallan ylenijillä vallan olkuolet ?Vet kuin , vualimaiseni , rupiet niijen varvikkomeččäsien šiämillä vallan kualelomah , niin vičanvarpasetki vihuall'ah šilma niissä vičikkömeččäsissä .
Kun kuulusoilla paikoilla ta kultasilla paikoilla kujin ylenit ta kujin ylentelimä , ni vet en voi näitä kaihosie , kannettuiseni , kannatella , kun kajon olkuolit .Ta kukkahien kultarenkahaisien kulutušpaikoilla kujin ylenit ta niijen kumeijen kuušikkomeččäsien šiämillä .
Vet olen jo kaikki vaimalo vartuvoni vualimaisih varoin varuššellun tai valmissellun .Ta aivan olen oimun olovaisilta varuššellun kaikki oršilippahaiset tai oršilippahaisien täytehiset olkašomasie .Kuin on ottamaiseni onehissa muaraisoissa , ni vet on olovaisilta niitä olkašomasie ošutellun .
Kaikki olen oimun luajitellun hyväsistä , tai okuutointašijaset oimun hyveröiset ta yksin kynin kynitetyt kylkišijaset olen kuvuall’un , kuvuamaiseni .
Jotta kun kuvuamien keralla rupiet kujin yksillä kutošijasilla kujin aššukšentelomah , ei tiijä hyö ollah tuprakkaluontoset ne tuuvittamaiset , ni vieläi tuutušijasilta tuulipuolilla tuprahutellah .
Ta vielä ne , kannettuiseni , kun rupielet šielä kajon kualelomah , niin elä okašiksentele niitä kaihosie , tullou kuin ...Kaunehien spuassujen esih kajon ylene ta niissä kaikki ne kaihoset kajon puuvuttele .Ta elä olovalla narotaisella oimun luajittele .
Mie vet kaikki šiula olen varuššellun maitomairikkiset , jotta ei olis šiula manatut maitostauččaset šielä mainomaisissa . Kun omie maitomairikkisieš masikšentelet tai manun kualelet .
Ta vielä vet ni kankahilla kaikattajat kariččalampahaiset kajon luajittelen kannettuisella .
Ta oplahoslovikkah šiula olovat or'hiet spuassuset ošan laitasista olovat ošaset , oimun ylisillä šijoilla olijat olovat or'hiet spuassuset .
(No nyt hän joi vaštai tyttärelläh , kun mäni še miehellä .)
Mintäh, kannettuiseni
Karelian Proper
Uhta