Texts
Return to list | edit | delete | Create a new | history | Statistics | ? Help
Kaššanriičindävirži
Kaššanriičindävirži
Karelian Proper
Padany
Kallehila ilmoila ažettaja
, kalliž hyväzeni ,
ruvekkoa kargijan iččeni kaunehia kananimyziä kaottelemah .
Oi onehen iččeni olovila ilmoila ažettaja , olova hyväzeni ,
vaivažien tiedät'ämät't'ömän lindurukan
valgeila ilmazila valaja , valgie kandajazeni mamazeni .
Tulgoa kargijazien tied'ämät't'ömän lindurukan
kaunehia kananimyziä kaottelomah .
Kudamaizihba loaduzih , armas kandajaženi , alottelet ?
Kargijaizien tied'ämät't'ömän kanarukan
kaunehia kananimyziä kaottelomah .
Oi armas kandajazeni rodiitel'a mamazeni ,
tuo ammun aigohizet Abraman aigohizet avaimuot ,
angehuzien tied'ämät't'ömän allirukan
ainovie allinimyzie alottele
Abraman aigohizila avaimila avata .
Oi kargijan iččeni armahat
kallehet kakšikerdazet kažvalttajazeni ,
kauneheldi kanneldeluja i vagavaželdi vardeiduloja
valda-allinimyzie kaottelomah rubiatta .
Kaššanriičindävirži
Karelian Proper
Padany