Texts
Return to list | edit | delete | Create a new | history | Statistics | ? Help
Hiävirži šeukulla, kylyvirži
Hiävirži šeukulla, kylyvirži
Karelian Proper
Padany
Ni
voata rubielen onehrukkaželani ,
kui polvi loadijazijeni lapšud rubijau kandamih
omie da kaunehija kananimyzijä kanfuuzikšendelomah .
Ni voata miuda pobiednoida sevotarda poprosikšendeli ,
nämä allikylyzet käski lein'ä rukkaželani lämmitteä .
Ni ei štobi siun vajoakylyzijä
voalimila käske verraštoa andoa .
Ni mie , kargija rukkaženi , kui siun
kaunehija kanakylyzijä lämmittämäh läksin ,
ni kui šoavištamien omena tuli ni ,
enžimäžistä šauhuzien šodazišta ynnäh šadoja taričči .
Toizišta tuliloin tuizahukšuzišta tuuvittamien omena
ynnäh tuhanžija andoi .
Ni mie kargie rukkaženi siun n'äid'ä kanakylyzijä
ylen kallehešti karauulikšendelin .
Siun n'äid'ä vajoakylyzijä ylen voažno vardeičin ,
kuottelin malgivo rukkaženi mainomien omenoa
kaikkih loadužih maimeldoa .
Tahto voalimien omena mit kaijo prozbažed loadija ,
ni mie en voinun siun n'äid'ä kylyzijä ni mist'ä ,
kaiken , udra sevotar , ylen userdno vardeičin .
Ni en lämmit't'änyn , leinä rukkaženi ,
ni , leänimien lapšut , siula leänimih lähtijessä
ämbiemät't'ömijä löylykylyzijä leppäzilä halgozila ,
ei leänimien omena siun kohtazih
eyhäkkä mielellini lieniš .
Engo lämmittänyt hoabažila halgozila ,
ei haudomien omena siun mändyö
hoti hauhakka mielellini rodietiš .
Engo lämmittänyt koivuzila halgozila ,
ei korrottamien omena siun kohtazih
ylen kovaseämellini lieniš .
Lämmitin , kudamažet ollah ,
kelementovoit (?) kebijät halgožed ni ,
hienommiksi koofeinkeit'änd'ä rostopkazija
kaiken roskolikšendelin .
I siula n'ämä vajoat kylyžed ni
niilä halgožila lämmit'äkšendelin ,
i kargie rukkaženi , kaiken polnostju karauulikšendelin .
Ni nyt kyzy , voalijazijeni lapšud , voalimih lähtieššä
vaivaželda mamarukalda n'äin'ä päiväzinä
n'äih kylyzih lähtiješšä kyzy
doštalitti jällin jälgimmäžet kerdažetti
posledn'oiti prozbažet .
Polvi mamaželdaš kai ottamih lähtieššä ,
kuin näih kylyzih lähed ni ,
ollanpeälližet olgaod'oožažetti ,
voalimih lähtijessä osooboit
varduhuon peäližet varživoattehuot .
I kudamažet oldih Iivanan peänä viillytti ,
Pedrun peänä ommellutti , Äijän'ä peän'ä obnovitutti ,
ombelukšuzien tundumattomat otloasažet od'oožat .
Ottamien lapšut , siula n'äih odo kylyzih lähtijessä , kačo ,
otmenittomalda mamazelda kai kyzy ,
ana andau siun varduzija vallatešša
ennen voalimih voapundahizih
obšestvennoiloišta laukkazišta oššetut
valgijadi voahtimuilažetti .
Ana andau šulkkužedi vaštat'öppähäžet ,
kudamažet oldih n'äild'ä hyvil'd'ä
kangažmeččaild'ä valičetutti ,
varba varbazildi valičetut šulkužet vaštat'öppähäžedi .
Siun vajoa kylyzih lähtijessä ,
siun voalimijen n'äidä vardužija vallatešša ,
kačo , kyvelmöldä mamalda doštali ni kerda kyzy .
Hiävirži šeukulla, kylyvirži
Karelian Proper
Padany
Баенный плач двоюродной сестре
Russian
[