Texts
Return to list | edit | delete | Create a new | history | Statistics | ? Help
Ottamah tuldih, viržitetäh
Ottamah tuldih, viržitetäh
Karelian Proper
Padany
Hoi
olovila ilmazila ažettaja , olovani hyväzeni tatazeni ,
mihgo varozin ottajazieni luohizih paikkazih
nämä gost'at oboidittih ?
Kukkahani , hyväzeni , ollahgo siun kučututti ,
siun varuššetud n'ämä lembi lehvojaizissani
levijäd leibäprestolazet , hoi lembi hyväzeni ?
Mihigo varozin armahan kukas kuvoajazeni
kuvoamat kukkahien kuvoajažieni ažetettulojen
eveijen leibäprestolojen tagana lehvomad leyhähettih ?
Onnoako jo ottamat onehuzijen tiedämättömän allirukan
ottozieni peälä oboidittih ?
Ku hot , polvi loadijat polvi hyväženi ,
siun ažetettuloih paikazih podoidittih ni ,
pobiednoila varduvuola ni
polvi loadimat pokazaidihize .
Oneh rukkazelani ottamat
orgoloissa olijien orgozvierilöijen loaduloih ,
onehen tiedämättömän allirukan
ottozien peälä oboidittih .
(Tämä n'ygöi ottamah tuldih .)
Ottamah tuldih, viržitetäh
Karelian Proper
Padany