Тексты
Вернуться к списку | редактировать | удалить | Создать новый | История изменений | Статистика | ? Помощь
[Ivanuška-boranuška]
[Ivanuška-boranuška]
карельский: ливвиковское наречие
Коткозерский
Oli
ukko da akku .
Ukol-akal oli brihačču da tütär .
Ukko da akku kualtih .
Jiädih lapset armoittomakse .
Jiädih armoittomakse , vähäžen el’ettihhäi ga , hüä gor’at ollah ga , ei roinnut heile midä süvvä .
L’ähtiättih piäneloh .
L’ähteih .
Matkatah , matkatah , ü-ül’en räkki päivü .
Brihačču sanowgi : "Oi , čidžoini , minä täs juan vettü l’ehmän kabjan jäl’l’es !"
Sanow häi : "Älä jua , sanow , l’ehmäine roitos !"
Matkatah , matkatah – tulow hevon jäl’gi vastah .
"Oi , čidžoinin , ül’en on minul räkki , sanow , juan täs hevon jäl’les !"
"Äl’ä jua , sanow , veikoini , hebo roitos ", sanow .
Müäs iäl’l’eh l’ähtiätäh .
Matkatah , matkatah – tulow bošin [kabjan ] jäl’gi .
Tulow bošin jäl’gi .
"Oi , sanow , čidžoini , minä juan , en voi tirpua enämbiä , juan !"
Otti dai joi .
Joi dai bošikse i punaldih brihaččuine .
Punaldih , n’eižlapsi itköw , itköw , itköw .
Matkatah , matkatah – tulow pertiine .
Tulow pertiine ga , mennäh sih pertižeh .
"Oi , t’owtoini , sanow , laske jo meidü üäkse ".
T’owtoini üäkse händü laski .
Mendih sinne .
Üä muattih .
Süätti , juatti kai lambahažet dai nečen tütön .
Dai huandaksel l’ähteih uvvessah .
L’ähteih , mendih linnah , suwreh linnah matkattih ga , siä suaris bualut .
Suarin poigu muččoi eččiw .
A tüttö oli ül’en čoma , prekrasnoi čoma oli .
Mendihhäi ga boššižen kel’e , briha se suarin miäl’düi neččih tüttöžeh : ül’en čoma tüttö oli .
Dai otti mučoikse .
Otti dai boššižen otti .
Siä vähäine el’etäh ga , suarin poigua otetah sinne , kunne tahto sluwžbah , trebuittih .
Häi l’ähtöwgi .
Suarin [poijan ] mučoi se diäw .
Süätterihü tulowhäi dai sen [mučoin ] vedeh panow .
Suarin [poijan ] mučoin panow vedeh dai iččeh tüttären sijah i jättäw .
Jättäw sih iččeh tüttären ga , suarin poigu tulow kodih ga , rubiawgi el’ämäh , ga ei tunnustai : ongo endiine , vai kudai ?
A lambahaine se bliämiččöw , bliämiččöw , a neče i sanow suarin poijan mučoi : "A tappuat neče lambahaine iäreh , sanow , boššiine , aiven bl’äkettäw ".
Ruvetah händü tappamah .
Ruvetah tappamah ga , häi sanow : "Tüändiät jo minuw , sanow , Sviri-randah ".
Tüättih händü jogirandah .
Häi menöw , itköw-itköw : "Oi , sestrica , Ol’onuška , minuw ruvetah iškemäh; veiččii tahkotah , kirvehii hivotah , kattilat kiahutah , minuw iškemäh ruvetah !".
A sizär ot’viatoiččow : "Oi , Ivanuška-boranuška , en voi tulla sinulluo , sanow , minul on suwri kivi kaglas ", – sanow .
Sit sinä piän muga jowdui .
Toššu piän müäs ruvetah iškemäh .
Häi müästižei : "Tüändiät minuw gul’aimah !"
Müäs tüättih gul’aimah , müäs siä kirguwgi joves sizärel’l’eh .
Sizär müäs sanow : "En voi tulla , Ivanuška-boranuška , minä , minul on suwri kivi kaglas !"
Kolmandeh [kolmandekse ] päiväh se d’owdui , jowdui kolmandeh .
Kolmandeššu päivän müäs i sanow mučoi : "Iškiät d’o neče bošši sit , vai bl’äkettäw , vai bl’äkettäw !"
Сuarin poigu tostiiheze : "Mindäh , – sanow , – käsköw häi iškiä aiven boššii , sanow .
Ei ni kows [vihannuh ], sanow , suvaičči da ühtes astias süätti , – sanow , a nügöi käsköw iškiä ?".
A bošši sanow : "Tüändiät d’o minuw d’ogirandah !"
Tüättih , ga cuarin poigu d’äl’l’es l’ähti .
Häi ku menöw vezirandah dai sanow : "Oi , sestrica Ol’onuška !
Minuw iškemäh ruvetah : veiččii hivotah , kirvehii tahkotah , minuw ruvetah iškemäh !"
"Ivanuška-boranuška , en voi minä tulla , suwri kivi kaglas on !"
Cuarin poigu i kuwli tämän sanan .
Tuli vai kodih dai vodovozat , tüändi sinne , vodovozat eččimäh .
Dai siä mučoin i sai .
Sit mučoin ku sai da kodih toi da kui mučoi träsäldih – dai boššiine rodih ...ül’en hüvä briha boššižes rodih .
Dai kodih toi boššižen dai mučoin .
Dai se pandih , süätterihän tütär , kattilah , da kattilas i tänäpäi kiahuw siä .
Dai suaru loppih .
[Ivanuška-boranuška]
карельский: ливвиковское наречие
Коткозерский
[Иванушка-баранушка]
русский
«
«
«
«
«